Fréttablaðið - 14.11.2012, Blaðsíða 6

14. nóvember 2012 MIÐVIKUDAGUR6
STJÓRNSÝSLA 173 atkvæði sem
dæmd voru ógild í þjóðarat-
kvæðagreiðslunni um stjórnar-
skrá 20. október síðastliðinn
voru í raun gild. Þetta er mat
landskjörstjórnar, en umboðs-
menn kjósenda í Reykjavíkur-
kjördæmi norður óskuðu eftir því
að úrskurðað yrði um gildi kjör-
seðlanna.
„Á 127 kjörseðlum gerir kjós-
andi leiðréttingu á svari sínu
við einni spurningu eða fleiri
og atkvæðaseðillinn er metinn
ógildur í heild af yfirkjörstjórn
í Reykjavíkurkjördæmi norður,“
segir í bókun þeirra Ásdísar J.
Rafnar lögfræðings og Huldu
R. Rúriksdóttur hæstaréttarlög-
manns, sem voru umboðsmenn
kjósenda í kjördæminu. Á hinum
52 kjörseðlunum höfðu ein eða
fleiri spurningar verið ógiltar
með öðrum hætti.
Landskjörstjórn hefur í þjóðar-
atkvæðagreiðslum skipað um-
boðsmenn fyrir þá kjósendur sem
segja já annars vegar og nei hins
vegar í hverju kjördæmi.
Ásdís og Hulda bentu á að sam-
kvæmt lögum um kosningar til
Alþingis eigi ekki að úrskurða
atkvæði ógilt ef greinilegt er
hvernig það eigi að falla. Þá töldu
þær að meta ætti svörin við hverri
og einni spurningu eins og um
sérstakan kjörseðil væri að ræða.
Þessu er landskjörstjórn sam-
mála. Hins vegar voru sex kjör-
seðlar þannig að merki eða orð
höfðu verið sett við einhverjar
spurningar og það taldi landskjör-
stjórn brjóta í bága við lög. Því
ættu þau sex atkvæði að vera ógild
í heild sinni. thorunn@frettabladid.is
DÓMSMÁL Stjórn vísindasjóðs
Félags framhaldsskóla kennara
hefur stefnt Kennarasambandi
Íslands fyrir dóm og krafist inn-
setningar í gögn úr bókhaldi
sjóðsins. Málið er framhald deilna
sem staðið hafa í hálft annað ár.
Að sögn stjórnarformannsins
Þóreyjar Hilmarsdóttur snýst
málið um yfirlit bankareiknings
Kennarasambandsins. Stjórn vís-
indasjóðsins telur að peningar
hans hafi legið inni á reikningnum
um lengri og skemmri tíma og
safnað vöxtum, sem síðan fylgdu
aldrei með þegar féð var látið
sjóðnum aftur í té.
Fram kom í fréttum í október
í fyrra að stjórn vísindasjóðsins
hefði sent félagsmönnum sínum
bréf þar sem fram kom að marg-
vísleg bókhaldsbrot hefðu upp-
götvast þegar farið var að rýna
í gögn sem aflað hefði verið frá
Kennarasambandinu.
Þórey segir í samtali við Frétta-
blaðið að enn eigi eftir að meta
tjón sjóðsins af því að hafa aldrei
fengið vexti af tekjum sínum frá
ríkinu, sem nema átta milljónum
á mánuði. „En við munum krefja
Kennarasambandið um það fé
þegar sú upphæð liggur fyrir,
hvort sem það þarf málaferli til
eða ekki,“ segir Þórey. - sh
Góa og Fjarðarkaup
kynna með stolti
www.jolagestir.is
Miðasala á Miði.is
og í síma 540 9800

Miðasala á

aukatónlei
ka
í fullum ga
ngi!
síðustu
mas
á útleið
ilboð!
Taílensk stjórnvöld taka áhættu í baráttunni við flóðiHl
17 á morg-un, sunnudag. - þj
p ar við Pólverja, lið Bandaríkjanna 2 og Suður-Afríku.
- shá
SKÓLAMÁL Starfsmenn Kennara-sambands Íslands (KÍ) hafa ítrekað brotið bókhaldslög við umsýslu Vísindasjóðs Félags framhaldsskólakennara og Félags stjórnenda í framhalds-skólum. Þetta fullyrðir stjórn sjóðsins, sem hefur nú svipt Kennarasambandið forræði á sjóðnum og tekið hann í sína vörslu eftir níu mánaða deilur.Stjórnin sendi sjóðfélögum – kennurum og stjórnendum við framhaldsskóla – bréf um málið í gær þar sem segir að alvarlegur trúnaðarbrestur hafi orðið á milli hennar og KÍ.
Þar segir að upphaf máls-ins megi rekja til þess þegar stjórnin óskaði í janúar upplýs-inga um svokallað aðstöðugjald sem KÍ greiddi sér af banka-reikningi sjóðsins. Þegar í ljós hafi komið að enginn samningur um aðstöðugjaldið lægi fyrir hafi frekari spurningar vaknað og því hafi verið ákveðið að kafa frekar í bókhaldið.
Stjórnin segir í bréfi sínu að „óeðlileg tregða“ hafi verið við að láta bókhaldið af hendi þrátt fyrir óskir endurskoðanda og það hafi ekki verið fyrr en hæsta-réttarlögmaður var fenginn til að undirbúa innsetningarbeiðni til héraðsdóms í maí sem hluti gagnanna hafi loksins fengist afhentur.
Í ljós hafi komið að bókhald sjóðsins hafi ekki verið aðgreint frá bókhaldi KÍ. „Þau gögn sem sjóðstjórn hefur nú þegar undir höndum sýna að bókhaldslög hafi verið brotin og er þar um að ræða brot á nokkrum greinum bók-haldslaga og sum ítrekuð,“ segir í bréfinu.
Meðal þess sem bókhaldið hafi leitt í ljós sé að tekjur sjóðsins frá ríkinu, rúmar átta milljónir króna á mánuði, hafi jafnan verið færðar af bankareikningi sjóðsins og inn á reikning KÍ, þar sem þær hafi legið í nokkrar vikur. Vextir af þeim peningum hafi síðan orðið eftir á reikningi KÍ.Þórey Hilmarsdóttir, stjórnar-formaður Vísindasjóðsins, segist ekki vita hversu mikla fjármuni sé þar um að tefla. Það verði reiknað síðar. „Við eigum eftir að gera kröfu á KÍ um þessa peninga og það verður ekkert mál nema ef það neitar að borga,“ segir hún.
Að hennar sögn skýrir KÍ málið með innheimtukerfi sem erfitt sé að tjónka við. Þær skýr-ingar hrökkvi þó skammt. „Ég hef ekki fengið útskýringar á þessu sem ég hef getað skilið,“ segir hún.
Stjórn KÍ birti yfirlýsingu á vef sambandsins í gær þar sem málið var harmað. Þar segir að KÍ hafi fengið endurskoðendur til að fara yfir bókhaldið og þeir hafi ekki talið tilefni til alvar-legra aðfinnslna. Ekki sé annað fram komið en að meðferð fjár-muna sjóðsins sé í góðu lagi.
stigur@frettabladid.is
KÍ sakað um að mis-fara með vísindasjóðStjórn Vísindasjóðs framhaldsskólakennara hefur tekið sjóðinn úr vörslu starfs-manna Kennarasambands Íslands. Segir KÍ hafa brotið bókhaldslög og haft fé af sjóðnum. Marga mánuði tók að fá bókhaldið afhent. KÍ harmar málið.
KENNARAHÚSIÐ Sjóðurinn er hýstur hjá Kennarasambandinu í gamla Kennara-
skólanum. Það gæti breyst ef samskipti sjóðsstjórnarinnar og sambandsins batna ekki.
Stjórn vísindasjóðs framhaldsskólakennara krefst aðgangs að reikningsyfirliti:
Kennarasambandið fyrir dó
FRÉTT FRÉTTABLAÐSINS 22.
OKTÓBER 2011
1. Hversu mörg tonn af rusli falla
til á Landspítalanum árlega?
2. Hversu miklu mun hver Ís-
lendingur að meðaltali eyða í
jólaverslun?
3. Hvaða danska handknattleikslið
þjálfar Óskar Bjarni Óskarsson?
SVÖR:
1. 1.277 2. 43.300 krónum 3. Viborg
173 atkvæði rang-
lega úrskurðuð ógild
Ósamræmi er í matsreglum kjörstjórna í kjördæmunum sex og misjafnt hvenær
atkvæði eru úrskurðuð ógild. Landskjörstjórn segir 173 kjörseðla, sem dæmdir
voru ógildir í þjóðaratkvæðagreiðslunni um stjórnarskrá, hafa verið gilda.
ÞJÓÐARATKVÆÐAGREIÐSLA Þann 20. október var gengið til kosninga um ráðgefandi tillögur stjórnlagaráðs að nýrri stjórnarskrá.
Nú hefur komið í ljós að ósamræmi er í matsreglum kjörstjórna í kjördæmunum sex. FRÉTTABLAÐIÐ/PJETUR
VEÐUR Veittar verður 120 milljónir
króna úr Bjargráðasjóði til að bæta
bændum tjón sem varð í óveðrinu
á Norðurlandi í september. Féð
kemur af óskiptum fjárheimildum
ársins en því til viðbótar er sjóðn-
um heimilað að nýta allt að þrjátíu
milljónir sem sjóðurinn fékk vegna
eldgosa og standa eftir ónýttar.
Á tjónasvæðinu er áætlað að
224 jarðir hafi orðið fyrir tjóni. Á
þessum bæjum vantar 6.318 lömb
og 3.105 ær; eða alls 9.423 fjár. Þá
hafa fimmtíu nautgripir farist og
132 kílómetrar af girðingum eru
skemmdir, illa farnir eða ónýtir.
Þetta var niðurstaða ríkisstjórn-
arinnar á fundi gærdagsins en
samráðshópur ráðuneytisstjóra
um viðbrögð við náttúruvá hefur
undan farið fjallað um tjón af
völdum óveðursins. Er það niður-
staðan að veðrið og afleiðingar þess
séu ekkert annað en náttúruham-
farir, auk þess sem lýst var yfir
almannavarnaástandi á svæðinu.
Áætlaður heildarkostnaður
Bjarg ráðasjóðs vegna þessa tjóns
eru tæpar 142 milljónir króna og
nær kostnaðurinn til bóta á búfén-
aði, fóðurkaupa, tjóns á girðingum
og annarra þátta. - shá
Ríkisstjórnin samþykkir að bæta bændum tjón vegna veðursins í september:
Tæplega 10.000 kindur drápust
FJÁRSKAÐI Nú er ljóst að skaði bænda
eftir óveðrið er meiri en svartsýnustu
menn töldu. FRÉTTABLAÐIÐ/EGILL
UTANRÍKISMÁL Palestína fær út-
hlutað sem nemur 27 milljónum
króna úr tæknisjóði EFTA. Þetta
var ákveðið í ráðherraráði EFTA,
að tillögu íslenskra stjórnvalda.
Á vef utanríkisráðuneytisins
segir að styrkurinn sé í tilefni
„erfiðleika Palestínumanna á að
fullnýta fríverslunarsamning
EFTA vegna hernáms Ísraels-
manna“.
Upphæðin nemur fjörutíu pró-
sentum af öllum styrkjum sem
EFTA hefur til ráðstöfunar að
þessu sinni. - þj
Úthlutað úr tæknisjóði EFTA:
27 milljónir í
Palestínustyrk
VEISTU SVARIÐ?
Eftir síðustu þingkosningar kom í ljós að matsreglur kjörstjórna í kjördæm-
unum sex voru ekki samræmdar og um margt ólíkar. Til dæmis var atkvæði
ógilt í Reykjavíkurkjördæmum og Norðvesturkjördæmi ef á það hafði verið
ritaður lítill broskarl eða hjarta. Í öðrum kjördæmum taldist það hins vegar
gilt. Ef krotað var yfir einn lista og merkt við annan voru kjörseðlar úrskurð-
aðir ógildir í Reykjavík og Norðvesturkjördæmi en gildir í Suður- og Norð-
austurkjördæmi.
Þá gilda ekki sömu reglur þegar kosið er utan kjörfundar og á kjörfundi.
Þetta kom allt fram við athugun Gunnars B. Eydal, en hann skrifaði grein
um málið í tímarit lögfræðinga árið 2009.
Ósamræmi milli kjördæma