Fréttablaðið - 08.12.2012, Page 120

8. desember 2012 LAUGARDAGUR| MENNING | 96
Skreytum hús með
grænum greinum
Fallega skreytt jólatré setja svip sinn á flest íslensk heimili um jólin.
Jólatré í þeirri mynd sem við þekkjum er ekki gamall siður, á Íslandi
eru fyrstu merki um jólatré frá miðri 19. öld.
Náð í jólatré
Rúmlega 20 skógræktarfélög um land allt bjóða fólki að koma á
aðventunni og er fyrsti opnunardagur jólaskóga í dag. Fáein
skógræktarfélög, til dæmis Skógræktarfélag Reykjavíkur í
Heiðmörk, bjóða einnig upp á söguð tré af ýmsum stærðum
og gerðum. Þá er sums staðar einnig hægt að kaupa
tré í pottum, tröpputré, eldivið, greinar og aðrar
viðarafurðir. Þess má geta að fyrir hvert tré sem
selt er er má reikna með að hægt verði að gróður-
setja 30-40 ný tré. Nánari upplýsingar á www.skog.is.
Óslóartréð 60 ára
Árið 1952 fékk Reykjavík í fyrsta sinn stórt jólatré að g jöf frá
Ósló. Var það sett upp á Austurvelli, og hefur sú venja haldist
síðan. Í fyrstu var kveikt á trénu síðasta sunnudag fyrir jól, en
sú dagsetning hefur færst framar og er nú farið að kveikja
á ljósunum fyrsta sunnudag í aðventu í takt við það að
jólaundirbúningur hefst fyrr en áður tíðkaðist. Síðan
1952 hafa margar erlendar borgir tekið upp á því að
senda íslenskum vinabæjum tré.
Stafafura sækir í sig veðrið
Undanfarin ár hefur hin íslenska stafafura orðið sífellt
vinsælli á heimilum yfir jólahátíðina. Normansþinur
hefur hins vegar verið vinsælasta teg-
undin um árabil en hann er barrheldinn
og fagurgrænn. Hann er ekki ræktaður
hér á landi. Aðrar tegundir jólatrjáa eru
rauðgreni, blágreni og sitkagreni.
Geymt úti
Þeir sem ná sér í tré tímanlega gætu þurft að
geyma það í marga daga og þá er best að
láta það standa úti og upp á endann
svo það frjósi ekki niður. Tréð
skal geymt í netinu en gott er að
taka það inn sólarhring áður en
það er skreytt. Ef mjög kalt er í veðri
er best að geyma það fyrst í millihita,
til dæmis í bílskúr. Mælt er með því að sagað
sé neðan af trénu til að auðvelda vatnsupptöku.
Sömuleiðis að stinga neðri enda þess í sjóðandi
heitt vatn í nokkrar mínútur áður því er stungið
í fótinn til að auka barrheldnina.
Engin grenitré á Íslandi
Jólatré sáust fyrst hér á landi um miðja nítjándu öld og voru þau þá helst á
heimilum hjá hjá dönskum eða danskmenntuðum fjölskyldum. Jólatré urðu
algengari á heimilum er komið var fram yfir aldamótin 1900 en lengi vel
voru flestir með heimatilbúin tré enda engin grenitré að fá hér á landi
og flutningstími langur. Innflutningur á grenitrjám fyrir jól hófst
fyrir alvöru eftir heimsstyrjöldina síðari en eftir 1970 fóru íslensk
grenitré að koma á markað.
Skrautið
Hefð er fyrir að skreyta jólatré
með ljósum. Upphaflega voru sett
kerti á jólatré en langflestir hafa
skipt þeim út fyrir rafmagnsseríur.
Jólatré eru skreytt með margvíslegum
öðrum hætti, með jólakúlum, englum,
borðum og hjörtum. Toppurinn er svo
skreyttur ýmist með stjörnu eða
skrauttoppi.
Stærð ræður verði
Verð á jólatrjám er vitaskuld mjög
misjafnt og fer verð jólatrjáa eftir stærð
þeirra. Svo dæmi séu tekin kosta jólatré í
Garðheimum frá 2.500 til 19.900 krónur. Ódýrustu
trén eru Norðmannsþinur undir metra á hæð en dýrustu trén
eru stafafurur, rauðgreni og blágreni sem eru þrír metrar
á hæð. Í jólaskóginum í Heiðmörk eru það einnig hæðin sem
ræður verði trjáa. Svo dæmi séu tekin má þar fá stafafuru
sem er á bilinu 1,5 til 2 metrar á hæð fyrir 8.500 krónur.
Heimild: Saga jólanna eftir
Árna Björnsson, Jólavefur
Júlla og vefur Garðheima.
Aukin þekking
- fjárfesting til framtíðar
Nánari upplýsingar á www.vmv.hi.is
Námskeið kennd í janúar - febrúar
-Rekstrarhagfræði II -Tölfræði B
-Stjórnun starfsmannamála -Markaðsáætlanagerð
-Reikningsskil
Námskeið kennd í febrúar - mars
-UI-tölvunotkun -Fjármál I
-Rekstrarstjórnun -Viðskipti og alþjóðasamskipti
-Stefnumótun fyrirtækja -Ársreikningagerð A
Námskeið kennd í mars - maí
-Markaðsfærsla þjónustu -Lögfræði A
-Fjármál II -Verkefnastjórnun
-Ársreikningagerð B
Háskóli Íslands býður upp á úrval námskeiða
í viðskiptafræði með vinnu
FRÉTTABLAÐIÐ/SILJA