Fréttablaðið - 08.12.2012, Page 134

8. desember 2012 LAUGARDAGUR| MENNING | 110
HVETJA TIL MYNDATÖKU
Gestir á tónleikum Mika í Silfurbergi
í Hörpunni 18. desember eru hvattir
til að mynda söngvarann og sjálfa sig
og setja á opinbera Facebook-síðu
Mika eftir tónleikana. Þetta er heldur
óvenjuleg beiðni því venjulega eru
tónlistarmenn ekki ánægðir með
að gestir taki mikið af myndum á
tónleikunum sínum. Örfáir miðar eru
eftir en eins og Frétta-
blaðið greindi frá mun
Páll Óskar hita upp.
Með Palla uppi á sviði
verða dansarar og
má því búast
við flottu
upphitunar-
atriði. - fb
„Ég er ekki komin með skírteinið
í hendurnar en ef allt gengur eftir
ætti ég að fá það í næstu viku.
Réttindin gera það að verkum að
ég má flytja mál fyrir héraðs-
dómi og get þar með fylgt mínum
málum eftir dómstólaleiðina ef
svo ber undir. Þá er mér jafnframt
heimilt að taka að mér verjanda-
störf í sakamálum,“ segir lögfræð-
ingurinn og fyrr verandi alheims-
fegurðardrottningin Unnur Birna
Vilhjálmsdóttir. Hún lauk í síðustu
viku við síðasta prófið áður en hún
fær málflutningsréttindi fyrir hér-
aðsdómi.
Unnur Birna lauk meistaranámi
í lögfræði frá Háskólanum í
Reykjavík síðastliðið vor og hefur
starfað á Íslensku lögfræðistof-
unni síðan þá. Meistararitgerðin
hennar fjallaði um orku-, auðlinda-
og umhverfisrétt en aðspurð segist
hún ekki einbeita sér að slíkum
málum í starfi sínu. „Ég er mjög
langt frá því,“ segir hún og hlær.
„Mér skilst reyndar að það sé ekki
óalgengt að nemendur velji sér
annað ritgerðarefni á meistara-
stigi en þeir leggja svo áherslu á
þegar út í starfið er komið,“ bætir
hún við.
Undanfarin tvö ár hefur Unnur
Birna verið mikið tengd störfum
Félags um foreldrajafnrétti og
tekur hún formannssæti í stjórn
félagsins um áramótin. „Maðurinn
minn [Pétur Rúnar Heimisson] á
barn úr fyrra sambandi. Það var
kveikjan að því að ég fór að kynna
mér það réttarsvið sérstaklega er
snýr að rétti barna til beggja for-
eldra. Ég sá þá hversu mikið ójafn-
rétti er á milli kynjanna í barna-
réttarlöggjöf Íslendinga,“ segir
hún. Félagið hefur barist ötullega
fyrir breytingu á löggjöfinni og
hefur það skilað sér í því að breyt-
ingarfrumvarp var samþykkt
síðastliðið vor og eiga breyting-
arnar að taka gildi núna 1. janúar.
„Ögmundur er reyndar að reyna
að fresta gildistöku þeirra þar til í
sumar en við vonum að þingið sjái
við honum þar. Hvort heldur sem
verður þá eru mikilvægar breyt-
ingar í farvatninu,“ segir Unnur
Birna og greinilegt að hún hefur
brennandi ástríðu fyrir málefninu.
Unnur Birna og Pétur Rúnar
búa saman í Garðabænum með
dóttur sína Erlu Rún sem er eins
og hálfs árs gömul og fimm ára
dóttur Péturs, Lilju Karitas, þegar
hún er á landinu, en meirihluta árs
er hún búsett í Austurríki. „Syst-
urnar eru báðar algjörir töffarar.
Þær eru góðar saman og miklar
vinkonur þrátt fyrir að vera mjög
ákveðnar báðar tvær,“ segir
Unnur Birna og hlær. Það er því
allt útlit fyrir að hún sé nú dottin
í hið hefðbundna fjölskyldulíf
eftir ævintýri síðustu ára. „Já, en
svona á þetta að vera. Það sem ég
hef tekið mér fyrir hendur hingað
til hefur bara verið ákveðinn for-
smekkur að lífinu. Mér fannst ég
ekki finna tilgang minn og kjarna
fyrr en ég fékk dóttur mína í hend-
urnar, eins dramatískt og það nú
hljómar,“ segir Unnur Birna og
hlær.
tinnaros@frettabladid.is
Unnur Birna fær
málfl utningsréttindi
Fann kjarnann í hefðbundnu fj ölskyldulífi á milli þess að gegna formennsku í
Félagi um foreldrajafnrétti og fullu starfi sem lögfræðingur.
SAMNINGUR Í
BANDARÍKJUNUM
Bandaríski útgáfurisinn St. Martin‘s
Press hefur tryggt sér Auðnina og Ég
man þig eftir Yrsu Sigurðardóttur.
Í vor kom Aska út undir merkjum
forlagsins en áður höfðu Þriðja
táknið og Sér grefur gröf verið gefnar
út í Bandaríkjunum. Bandaríkin
eru einn erfiðasti markaður í
heimi fyrir þýðingar en þýddar
bækur eru innan við tvö pró-
sent útgefinna titla. Útgáfan
St. Martins´s Press er með
aðsetur í hinni sögufrægu
Flatiron-byggingu á miðri
Manhattan í New York,
sem hefur komið við sögu í
mörgum kvikmyndum, þar
á meðal Spider-Man. - fb
LÖGMAÐUR Unnur Birna fær formleg réttindi til að flytja mál fyrir héraðsdótmi
í næstu viku og getur þar með fylgt málum sínum alla leið og borið fulla ábyrgð á
þeim. MYND/PÉTUR RÚNAR HEIMISSON
„Við ætlum að pakka árinu saman
og binda slaufu á það,“ segir Hall-
dór Halldórsson, meðlimur grín-
hópsins Mið-Íslands, um Áramóta-
bombu hópsins í Þjóðleikhúsinu
hinn 29. desember. Að sögn Hall-
dórs vonast hópurinn til þess að
sýningin geti orðið árviss við-
burður, en drengjunum til halds
og trausts verður leikkonan Anna
Svava Knútsdóttir.
„Ég get nánast lofað því að það
verða einhver söngatriði,“ segir
Halldór, en bætir við að enginn
þurfi að óttast það að Gangnam
Style verði snarað á íslensku og
tilheyrandi dans tekinn. Hópurinn
hefur grínast með það að hann sé
kominn í samkeppni við Áramóta-
skaupið en Halldór segir engin
illindi þarna á milli. „Áramóta-
skaupið er mjög fyndið og Anna
Svava er reyndar ein af þeim sem
skrifa það. En þetta er vissulega
áramótaskop eins og Áramóta-
skaupið.“
Nálgunin er þó ólík og Halldór
viðurkennir að uppistandinu fylgi
ákveðinn lúxus. „Suma brand-
ara væri aldrei hægt að segja í
skaupinu, einfaldlega vegna þess
að það væri of kostnaðarsamt. Í
uppistandi er hægt að segja hvað
sem er og áhorfendur ímynda sér
það undir eins. Það er ekkert sem
heftir uppistandarann.“ - hva
Dönsum ekki Gangnam Style
Áramótabomba Mið-Íslands og Önnu Svövu í samkeppni við Áramótaskaupið.
FÍNASTA PÚSS Dóri DNA lofar slaufum
og ekta áramótafíling.
„Wow...WTF“
BANDARÍSKI
TÓNLISTAR-
MAÐURINN
FRANK OCEAN VAR
GÁTTAÐUR Á ÞVÍ AÐ
HLJÓTA SEX TILNEFN-
INGAR TIL GRAMMY-
VERÐLAUNANNA Á
MIÐVIKUDAG.
Casa - Kringlunni og Skeifunni
Epal - Skeifunni, Hörpu og Leifsstöð
Hafnarborg - Hafnarfirði
Kokka - Laugavegi
Kraum - Aðalstræti og Garðatorgi
Listasafn Reykjavíkur - Hafnarhúsinu
Líf og list - Smáralind
Módern - Hlíðarsmára
Þjóðminjasafnið - Suðurgötu
Þjóðmenningarhúsið - Hverfisgötu
Blómaval - um allt land
Blóma- og gjafabúðin - Sauðárkróki
Póley - Vestmannaeyjum
Valrós - Akureyri
Netverslun - www.kaerleikskulan.is
S T Y R K T A R F É L A G L A M A Ð R A O G F A T L A Ð R A
Sölutímabil 5.-19. desember
L O K K A N D I
Með kaupum á Kærleikskúlunni styður þú
starf í þágu fatlaðra barna og ungmenna.
STOLTUR AF
BRÓÐUR SÍNUM
Fjallað var um fatalínu Ostwald
Helgason í breska blaðinu Telegraph
í gær. Ostwald Helgason er í eigu
fatahönnuðanna Ingvars Helgasonar
og Susanne Ostwald, sem gera út frá
London. Þau fengu nýverið styrk til
að taka þátt í tískuvik-
unni í New York á
næsta ári. Það vita
ekki allir að Ingvar
er bróðir sjón-
varpsmannsins
Egils Helgasonar,
sem er stoltur af
litla bróður og tengir
á grein Telegraph
á Facebook-síðu
sinni í gær.