Fréttablaðið - 07.01.2013, Blaðsíða 46

7. janúar 2013 MÁNUDAGUR| MENNING | 22
MÁNUDAGSLAGIÐ
Dýrð í dauðaþögn með Ásgeiri
Trausta er söluhæsta frumraun
íslenskrar tónlistarsögu á Íslandi
þegar tölur yfir útgáfuárið eru
skoðaðar.
Platan kom út í september og
seldist í um 22 þúsund eintökum
fyrir jólin, samkvæmt útgefand-
anum Senu, þegar allir sölu aðilar
og allar útgáfur plötunnar eru
teknar með í reikninginn. Engin
önnur frumraun hefur selst jafn-
mikið á útgáfuári sínu hér á landi.
Of Monsters and Men hefur
einnig selt sína fyrstu plötu, My
Head Is An Animal, í um 22 þús-
und eintökum samkvæmt Record
Records en þær tölur ná yfir tvö
ár. Platan kom út 2011 og seldist
þá í um 9 þúsund eintökum. Á síð-
asta ári bættust um 13 þúsund
eintök í sarpinn.
Eiður Arnarsson hjá Senu, sem
gaf út Dýrð í dauðaþögn, segir
sig ekki hafa órað fyrir þessum
gífurlegu vinsældum þegar hann
fékk plötuna fyrst í hendurnar.
„Það fyrsta sem ég sagði við
samstarfsmenn mína var að við
yrðum alla vega stoltir af að hafa
gefið hana út. Þessu fylgdi von um
að hún myndi standa undir sér,“
segir hann en þá hefði hún þurft
að seljast í um tvö til þrjú þúsund
eintökum. Annað átti heldur betur
eftir að koma á daginn.
Ásgeir Trausti fékk mikið
umtal áður en platan kom og var
eftirvæntingin eftir Dýrð í dauða-
þögn því meiri en áður hafði
þekkst varðandi fyrstu plötu tón-
listarmanns. Eiður varð var við
þetta og ákvað að panta auka upp-
lag af plötunni áður en hún kom
út, eitthvað sem hann hafði aldrei
gert áður á löngum ferli sínum
í bransanum. „Hálfum mánuði
fyrir útgáfu vissi maður að hann
var að fara að gera mjög vel. Það
er sjaldan sem finnur svona rosa-
lega sterkt undirliggjandi „buzz“,“
segir hann.
freyr@frettabladid.is
Dýrð í dauðaþögn er
söluhæsta frumraunin
Plata Ásgeirs Trausta hefur selst mest allra á Íslandi á útgáfuári sínu.
VINSÆLASTUR Dýrð í dauðaþögn er söluhæsta frumraun íslenskrar tónlistarsögu þegar tölur yfir útgáfuárið eru skoðaðar.
FRÉTTABLAÐIÐ/VALLI
Lista yfir söluhæstu frumraunir íslenskrar tónlistarsögu má finna í tölum
sem voru teknar saman m.a. fyrir útgáfu bókarinnar 100 bestu plötur
Íslandssögunnar, sem kom út 2009, og voru uppfærðar síðasta vor vegna
átaks FHF (Félags hljómplötuframleiðenda) vegna söluhæstu platna Ís-
landssögunnar. Sölutölurnar endurspegla langan tíma, eða frá útgáfudegi
til síðasta vors.
Samkvæmt þeim hefur Of Monsters and Men selt um 11 þúsund eintök af
plötu sinni en frá síðasta vori hefur sú tala tvöfaldast og er listinn því ekki
lengur marktækur hvað þá plötu varðar. Dýrð í dauðaþögn var ekki komin
út þegar tölurnar voru teknar saman en væri núna í öðru af tveimur efstu
sætunum ásamt My Head Is An Animal. Þetta er sérlega góður árangur
því platan kom út í september í fyrra á meðan hinar plöturnar hafa verið
fáanlegar í einhver ár eða áratugi.
Svona leit listinn út síðasta vor:
1. Olga Guðrún Árnadóttir– Eniga meniga (1976) um 20.000 eintök
2. Stuðmenn– Sumar á Sýrlandi (1975) um 19.000 eintök
3. Írafár– Allt sem ég sé (2002)um 19.000 eintök
4. Garðar Cortes– Cortes (2005) um 16.000 eintök
5. Sigur Rós– Von (1997) um 16.000 eintök
6. Óskar Pétursson– Aldrei einn á ferð (2003) um 14.000 eintök
7. Bubbi Morthens– Ísbjarnarblús (1980) um 13.500 eintök
8. Lay Low– Please don‘t hate me (2006) um 11.500 eintök
9. Jóhanna Guðrún– 9 (2000) um 11.000 eintök
19. Mugison– Mugimama is this monkeymusic? (2004) um 11.000 eintök
11. Of monsters and men– My head is an animal (2011) um 11.000 eintök
12. Selma– I am (1999) um 10.500 eintök
13. Hjálmar– Hjálmar (2005) um 10.500 eintök
14. XXX Rottweiler hundar– XXX Rottweilerhundar (2001) um 10.500
eintök
Söluhæstu frumraunirnar síðasta vor
„Þetta er skyndibitabær eins og
allir vita. Það er helsta ástæðan
fyrir því að hann varð fyrir valinu,“
segir Gunnar Már Þráinsson,
rekstrarstjóri Búllunnar á Selfossi.
Hamborgarabúlla Tómasar opnar
sitt fyrsta útibú á landsbyggðinni
í kringum 20. janúar, við Eyraveg
á Selfossi. Þetta verður sjöunda
Búllan í röðinni. Fyrir eru staðir
við Geirsgötu, Ofanleiti, Banka-
stræti, Bíldshöfða, í Hafnarfirði og í
London en stutt er síðan síðastnefndi
staðurinn var opnaður. Fyrsti stað-
urinn, við Geirsgötuna, var aftur á
móti opnaður í apríl 2004.
Að sögn Gunnars er kominn
mikill spenningur í Selfyssinga
enda verður þetta eini staðurinn
í bænum sem sérhæfir sig í ham-
borgurum. „Fólk er að taka vel í
þetta og það hefur verið að kíkja
hingað inn. Þetta hefur líka fengið
góð viðbrögð hjá sumarbústaða-
fólkinu hérna í kring.“
Framkvæmdir hafa staðið yfir í
um fjóra mánuði og aðeins á eftir
að ganga frá smáatriðum áður en
hægt er að opna staðinn. Eigandi
er Tómas A. Tómasson, sem er best
þekktur sem Tommi í Tommaborg-
urum, sem hann stofnaði árið 1981
og rak í rúm þrjú ár.
Spurður hvort fleiri Búllur séu
fyrirhugaðar utan höfuðborgar-
svæðisins segir Gunnar Már: „Við
höfum tröllatrú á Selfossi. Það er
ekkert planað eins og staðan er í
dag en það getur vel farið svo ef
þetta gengur upp.“ Einn annar
Búllustaður er þó í fæðingu, í Kaup-
mannahöfn. „Það er búið að finna
húsnæði en fyrst ætlum við að klára
Selfoss.“ - fb
Sjöunda Búllan
opnuð á Selfossi
Hamborgarabúlla Tómasar heldur áfram landvinn-
ingum sínum, nú við Eyraveginn á Selfossi.
BÚLLAN Hamborgarabúlla Tómasar opnar sitt fyrsta útibú á landsbyggðinni á
Selfossi.
„Lovely Day er lagið sem kemur
vikunni af stað hjá mér.“
Aron Bergmann Magnússon, leikmyndahönn-
uður og myndlistarmaður.
„Ég sá frétt frá útgáfufyrirtækinu FIXT
um að það ætlaði að setja saman safnplötu
til styrktar fórnarlömbum skotárásarinnar í
Newtown. Ég sendi því póst og sagðist vilja
aðstoða á einhvern hátt og fékk svar um að ég
ætti að senda því lögin. Ég gerði það og bjóst
ekki við því að heyra frá því aftur. Nokkrum
klukkustundum síðar fæ ég þó sendan samn-
ing frá fyrirtækinu þar sem það óskar eftir
að fá að nota lögin,“ segir Sigurvin Haralds-
son, meðlimur rafhljómsveitarinnar Broken
Devices, sem á tvö lög á safnplötunni Music
for Newton sem kom út á netinu í gær. Allur
ágóði plötusölunnar mun renna til fórnar-
lamba skotárásarinnar sem átti sér stað 14.
desember í Sandy Hook-grunnskólanum í
Newtown í Bandaríkjunum.
Sigurvin segist hafa tekið atburðinn mjög
nærri sér vegna þess að hann á frænku sem
búsett er í Bandaríkjunum og eiginkona hans
býr einnig erlendis með son þeirra. „Ég hugs-
aði hvernig mér mundi líða ef fjölskyldan mín
hefði lent í atburði sem þessum og fann mjög til
með fólkinu. Þetta var hræðilegur atburður og
yngstu fórnarlömbin voru svo ung.“
Lögunum á plötunni lýsir Sigurvin sem
rólegum og dramatískum. Hægt er að nálgast
þau á vefsíðunni www.groupees.com/newtown
og rennur allur ágóði sölunnar óskertur til
fórnarlamba árásarinnar. - sm
Styrkja fórnarlömb skotárásar í Newtown
Rafh ljómsveitin Broken Devices á lög á safnplötu til styrktar fórnarlamba skotárásar í Bandaríkjunum.
LÁTA GOTT AF SÉR LEIÐA Stefán Páll Þórðarson og
Sigurvin Haraldsson skipa Broken Devices. MYND/AUÐUNN
Rekstrarvörur
- vinna með þér