Fjarðarpósturinn - 19.05.1988, Blaðsíða 8
ATVINNULÍFÍ FIRÐINUM
Nýjung hjá Ferðaskrífstofumi ALÍS:
Ferðir til Grænlands - á
söguslóðir Eiríks rauða
Ferðaskrífstofan hafnfirska, ALÍS, bryddar nú upp á sérstæðri
nýjung, en það er hópferð á söguslóðir Éiríks rauða á vesturströnd
Grænlands. Boðið er upp á sex daga ferð þar sem flogið er til Narsarsu-
aq frá Keflavík. Þaðan er siglt til Narsaq þar sem gist er á hótel Perien.
Þar er boðið upp á margvíslegar skoðunarferðir m.a. ferð til Juliane-
haab, stærsta bæjar Grænlands; ísskoðunarleiðangur, að ógleymdrí
ferð að fornminjum á bæjarstæði Eiríks rauða að BröttuhliO og að rúst-
um kirkju Þjóðhildar frá því um 1000. Farþegafjöldi ■ þessum ferðum
er takmarkaður við 24, þannig að þeir sem vilja prófa eitthvað nýtt
ættu að hafa hraðann á, að sögn Steinþórs Einarssonar framkvæmda-
stjóra ALÍS. Fararstjórí verður Kristján Bersi Ólafsson skólameistari
en hann er sérfróður um byggð Islendinga á Grænlandi.
Steinþór sagði, að ferðaskrif-
stofan hefði ákveðið að taka þátt í
þessum hópferðapakka þar sem
fjöldi Hafnfirðinga hefði sýnt
áhuga á að reyna eitthvað nýtt.
Þrátt fyrir að stöðug og aukin
ásókn væri í sólarlandaferðir
sagði hann vaxandi áhuga á
nýbreytni og „öðru vísi“ ferðum.
Því hefði verið ákveðið að gera til-
raun með ferð á söguslóðir Eiríks
rauða.
Við báðum Steinþór að lýsa
ferðatilhögun. Hann sagði m.a.:
„Það verður flogið frá Keflavík 2.
júní n.k. til Narsarsuaq en þaðan
siglt til Narsaq þar sem gist verður
á notalegu hóteli, Hótel Perlen.
Narsarq er undir rótum fjallsins
Qagarsvaq, sem þýðir stóra fjall.
Bærinn er litskrúðugur, lítil timb-
urhús í margs konar litum innan
um nýtísku byggingar. Engu að
síður er Nassarsuaq staður ríkur
af hefðum og sögu. Höfnin, sem
geymir kajakana, hin fornu farar-
tæki Grænlendinga, er ógleyman-
leg sjón.“
Steinþór sagði ennfremur, að í
Nassrsuarq væri fiskimannasam-
Kristján Bersi Ólafsson skóla-
meistari verður fararstjóri á sögu-
slóðum Eiríks rauða á Grœnlandi.
félag þar sem framleiddar væru
heimsfrægar fiskirúllur. Mikil
náttúrufegurð er á þessum slóðum
og boðið er upp á ferð upp á
Kvane-fjallið. Þá er ennfremur
boðið upp á bátsferðir, siglingu til
Julianehaab og skoðunarferðir
um þennan stærsta bæ Grænlands.
Ferðin til Bröttuhlíðar, á sögu-
slóðir Eiríks rauða, er hverjum
fslendingi lærdómsrík. Þá er siglt
frá Nasarsuaq til Qassiarsuk. Þar
er nú aðsetur fjárbænda þar sem
áður stóð bær Eiríks rauða,
Brattahlíð. Þar verða rústir kirkju
Þjóðhildar ennfremur skoðaðar.
Skammt undan eru einnig merki-
legar rústir frá þeim tímum er inn-
fæddir höfðust við í jarðhúsum.
Frá Qassiarsuk er einnig ágæt
gönguleið yfir til hins fallega stað-
ar Tingimiut hinum megin á Nas-
arsuaq-skaganum.
Steinþór sagði, að á Grænlandi
gæfust ennfremur ótal tækifæri til
náttúruskoðunar. Fjallafegurð er
með eindæmum og dýra- og fugla-
líf hið áhugaverðasta. Hann sagði
að lokum: „Grænland er því sem
næst óplægður akur sem ferða-
mannastaður, en landið, saga
íbúanna og menning er heillandi
heimur sem vert er að kynnast."
Aðspurður í lokin, sagði Stein-
þór, að fjargjald miðað við 10.
maí sl. væri rúmar 34 þúsund
krónur, aukflugvallarskatts. Inni-
falið í því væri flug, gisting í fimm
nætur í tveggja manna herbergi
með baði svo og fullt fæði á Hótel
Perlen, bæjarferð undir leiðsögn
og sigling á söguslóðir Eiríks
rauða. Steinþór ítrekaði í lokin,
að ALÍS gæti aðeins tryggt 24 sæti
og því mjög mikilvægt fyrir þá
sem hefðu áhuga að bóka sig
strax, ef þeir ætluðu að komast
með. Bókanir eru þegar farnar að
berast. Brottfarardagur verður 2.
júní n.k., eins og fyrr segir.
Frá Bröttuhlíð, en þar verða
söguslóðir Eiríks rauða kann-
aðar, ennfremur rústir kirkju
Pjóðhildar frá því um 1000, en
fornar minjar eru þarna mjög
heillegar eins og sjá má.
Nýir eigendur
með Hestasport
Verslunin Hestasport að Bæjarhrauni 4, skipti um eigendur
l.maí s.l. Við rekstrinum tóku þeir Eiríkur Helgason, Helgi Eiriks-
son og Haukur Eiríksson sem jafnframt er framkvæmdarstjórí
fyrirtækisins. Starfsmenn í Hestasport eru auk Hauks, hinn
landskunni söðlasmiður Pétur Þórarinsson og Unnur Helgadóttir
saumakona.
í Hestasport eru framleidd öll reiðtygi og að auki hinn viður-
kenndi ÍS-hnakkur. Verslunin býður einnig uppá nánast allt fyrir
hestamanninn og ennfremur er rétt að minnast á viðgerðarþjón-
ustu sem til boða stendur.
Að sögn Hauks Eiríkssonar framkvæmdarstjóra Hestasports,
sem er reyndar kunnur hestamaður sjálfur, koma viðskiptavinirnir
víða að enda er sú þjónustu sem Hestasport veitir orðin frekar
fátíð. Haukur gat jjess ennfremur að viðtökur við versluninni
hefðu verið mjög góðar enda væri kappkostað að veita góða þjón-
ustu.
Verslunin Hestasport er opin mánudaga til föstudaga frá 8-19 og
á laugardögum frá 8-12.
8