Fjarðarpósturinn - 24.08.1988, Blaðsíða 6
IÞROTTAMOLAR:
UMSJÓN: GUNNAR SVEINBJÖRNSSON
FH-ingar endurheimtu sæti sitt
í 1. deild síðastliðið föstudags-
kvöld, þegar Víðismenn töpuðu á
heimavelli fyrir ÍR- ingum 2-3.
Víðismenn voru eina liðið sem
átti fræðilega möguleika á að
komast upp að hlið FH að Fylki
undanskildum. FH-ingar héldu
svo upp á 1. deildarsætið með
tapi(!) gegn ÍBV í Eyjum 1-3.
Bankastarfsmaðurinn Pálmi
Jónsson er nú markahæstur í 2.
deild með 13 mörk. Pálmi skoraði
eina mark FH gegn ÍBV úr víta-
spyrnu. í sama leik fékk Guð-
mundur Hilmarsson rauða
spjaldið. Guðmundur er víta-
skytta FH liðsins en ekki vitum
við hvort honum hefði verið falið
að taka áðurnefnda vítaspyrnu.
Guðmundur klúðraði nefnilega
vítaspyrnu gegn Víðismönnum
fyrir skömmu.
Haukar riðu ekki feitum hesti
frá viðureignum sínum í 4. deild-
inni í sumar og er árangur liðsins
sá slakasti frá upphafi vega. Marg-
ar skýringar eru sjálfsagt á gengi
liðsins en þær verða ekki tíundað-
ar hér. Þess má þó geta að Guðjón
Sveinsson þjálfari liðsins er lið-
tækur golfspilari og vann til verð-
launa í einni af golfkeppnum
sumarsins fyrir skömmu. Hvort
Guðjón ætlar að snúa sér alfarið
að golfíþróttinni vitum við hins-
vegar ekki.
Þrátt fyrir slakt gengi Meistara-
flokks Hauka stóðu yngri flokk-
arnir sig með ágætum og voru 4.
og 5. flokkur hársbreidd frá sæti í
úrslitunum. Úrslitakeppnin í 4.
flokki er reyndar haldin hér í
Hafnarfirði en ekki náðust fram
úrslit um helgina.
Og meira um yngri flokka. FH-
ingar eiga sterkt lið í 4. aldurs-
flokki og munaði minnstu að þeir
tryggðu sér íslandsmeistaratitil-
inn um síðustu helgi. FH lék til
úrslita við Fram og lauk leiknum
með jafntefli, 2-2, eftir fram-
lengdan leik. FH komst í 2-0 með
mörkum Brynjars Gestssonar og
Lúðvíks Arnarssonar en það
dugði ekki til og því mætast liðin á
nýjan leik n.k. fimmtudag á Kapla-
krikavelli kl.18.00.
Pálmar Sigurðsson stjórnar nú
þrekæfingum hjá íslandsmeistur-
um Hauka af miklum krafti.
Pálmar mun halda um stjórnvöl-
inn þar til Einar nokkur Bollason
tekur við. Æfingar Pálmars munu
þykja „nokkuð" erfiðar og heyrst
hefur að menn liggi rúmfastir
eftir.
Þrátt fyrir mikinn orðróm um
félagaskipti leikmanna er talið
ólíklegt að Haukar fái liðsstyrk
frá öðrum liðum. Þó eru tveir fyrr-
um Haukar komnir aftur á klak-
ann og verða með í slagnum í
vetur. Þorvaldur Henningsson er
annar þeirra og þess má geta að
hann er „litli" bróðir Hennings
fyrirliða. Hinn er Eyþór Arnason
sem lék í Noregi í vetur við mjög
góðan orðstír.
Það verður vafalaust hart barist
í 2.deildinni í vetur þegar IH og
Haukar mætast. Heyrst hefur að
ÍH leggi allt kapp á að leggja
Hauka að velli en láti önnur úrslit
mæta afgangi. Við seljum þó
þessa sögu ekki dýrt, enda var hún
nánast gefin.
Ólafur Kr. Sveinsson mark-
vörður Slökkviliðs Hafnarfj. var
valinn besti markvörður mótsins
og kom það fáum á óvart. Ekki
voru veitt verðlaun fyrir fallegasta
mark mótsins en það átti Magnús
Hjörleifsson dyravörður með
meiru. Magnús skoraði frá eigin
vallarhelmingi með þrumuskoti
sem Stefán Halldórsson fyrrum
handboltastjarna réð ekkert við.
Jón Erling Ragnarsson mun
ekki leika meira með FH á þessu
íslandsmóti. Jón fer í dag, mið-
vikudag, til Bandaríkjanna þar
sem hann stundar nám í San Jose
í Kaliforníu. FH-ingar verða því
án Jóns í fimm leikjum en aðeins
einn þeirra er á útivelli. Sá leikur
er gegn Fylki sem berst um sigur-
inn í deildinni við FH. Næsti leik-
ur FH er hinsvegar á heimavelli
gegn botnliðinu Þrótti á föstudag.
Slökkvilið Hafnarfjarðar stóð
sig með miklum ágætum í Lands-
móti þeirra Slökkviliðsmanna
sem fram fór í Keflavík um síð-
ustu helgi. Hafnfirsku slökkviliðs-
mennirnir hrepptu bronsverð-
launin en þátttökulið voru þrjú
talsins!.
Slökkvilið Hafnarfjarðar má þó
vel við una. Liðið tók nú þátt í
fyrsta skipti og leikmennirnir voru
varla orðnir „heitir" þegar þátt-
töku þeirra var lokið. Að sögn
Jóhannesar fyrirliða verður undir-
búningur hafinn fyrr á næsta ári.
LAUSTSTARF
Viljum ráða starfsmann til
almennra afgreiðslustarfa.
Um fullt starf er að ræða.
SAMVINNUBANKINN
Strandgötu 33 - Sími 53933
Sigurjón Sigurðsson hefur dval-
ið á Ibiza í sumar og er væntanleg-
ur til landsins innan tíðar til að
taka þátt í undirbúningi Hauka-
liðsins. Þjálfari liðsins, Hilmar
Björnsson, hefur einnig lítið verið
hérlendis undanfarið en skyldi
eftir sig prógramm sem leikmenn
vinna eftir.
Óskar Ármannsson hinn öflugi
leikstjórnandi FH-inga verður
hérlendis í vetur og eru það mikil
gleðitíðindi fyrir alla stuðnings-
menn FH. Óskar var með tilboð
frá Svíþjóð uppá vasann en lét
það lönd og leið, í bili að minnsta
kosti.
FH-ingar munu tefla fram nán-
ast óbreyttu liði í handboltanum
næsta vetur að því undanskildu að
Pétur Petersen verður fjarri góðu
gamni. Pétur mun dvelja í Hafn-
firðinga-nýlendunni í San Jose í
vetur. Pétur mun að öllum líkind-
um sýna á sér nýjar hliðar og leika
með háskólaliðinu í knattspyrnu!
RQPÍ
Punkturinn
yfir l-ift
Pétur Guðmundsson, hæstur
núlifandi Islendinga, 2.08 metrar
að hæð, og frægastur íslenskra
körfuboltaspilara fyrr og síðar,
hlaut mikið klapp og lof aðdáenda
sinna í körfuboltaskóla Hauka
nýverið.
Pétur heiðraði ungu körfu-
boltamennina með nærveru sinni,
kenndi krökkunum sitthvað og
„tróð“ boltanum í körfuna við gíf-
urlegan fögnuð. Hann var svo
sannarlega punkturinn yfir I-ið í
skólahaldinu, eða hvað finnst
Ingvari um það? (Það er hann sem
stendur næst Pétri á stóru mynd-
inni)
Frá Flensborgarskóla
Flensborgarskólinn hefst fimmtudaginn 1. september n.k.
Nýnemar skulu koma í skólann kl. 10, en eldri nemendur kl.
14. Þá fá nemendur afhentar stundatöflur og standa skil á
nemendagjöldum.
Kennsla hefst samkvæmt stundatöflum föstudaginn 2. sept-
ember í dagskólanum, en mánudaginn 5. september í öldunga-
deild. Innritun í öldungadeild stendur nú yfir.
Kennarafundur verður haldinn í skólanum miðvikudaginn 31.
ágúst kl. 9 árdegis.
SKÓLAMEISTARI
6