Fjarðarpósturinn - 15.02.2007, Blaðsíða 7
Karlakórinn Þrestir hefur
starfað í 95 ár, stofnaður í
Hafnar firði 19. febrúar 1912 af
Friðriki Bjarnasyni tónskáldi og
er því elsti karlakór landsins.
Af þessu tilefni bjóða Þrestir til
afmælis veislu í Hásölum í Hafn -
arfirði laugardaginn 24. febrúar
nk. kl. 17-18, frír aðgangur auk
þess sem Þrestir taka lagið.
Á stofnári Þrasta, á tímum
sjálfsþurftar og þrautseigju
fundu menn hjá sér löngun til að
koma saman, æfa söng og stofna
kór. En það eru margir sam verk -
andi þættir sem þurfa að vera til
staðar til að kór fái þrifist og
dafnað. Fyrir það fyrsta þurfa að
vera til menn sem vilja gefa af
tíma sínum til að þjóna söng -
gyðjunni, það þarf stjórn kórsins
til að halda utan um starfsemina,
það þarf stjórnanda sem stýrir
faglega þættinum, það þarf
húsnæði og síðast en ekki síst,
áheyrendur. Ekki spillir að hafa
velviljaða bæjarstjórn og fyrir -
tæki sem styrkja og hlúa að starf -
seminni. Kórinn hefur staðið af
sér sveiflur og breytingar í tónlist
allt frá gömlu ættjarðarlögunum
í gegnum revíutímann, stór -
hljóm sveitartímann, rokkið, bítl -
ana, diskóið, funkið og aðrar
tónlistar stefnur með því einfald -
lega að taka þaðan það sem
skemmti legt er! Kórinn er fyrir
löngu orðinn hluti af menningu
og hefðum samfélagsins í Hafn -
ar firði, og landsins alls. Árið
1973 var farið í fyrstu utanlands -
ferðina en þær hafa orðið æði
margar, og jafnvel tvær sama
árið. Árið 2004 var farið í júlí -
mánuði til þátttöku á kóramót í
Wales og í nóvember var sungið
ásamt fleirum kórum í Carnegie
Hall í New York óratorían Elia
eftir Mendelsohn. Árið 1975 var
gefin út fyrsta hljómplata Þrasta
en síðasta útgáfan var í tilefni 90
ára afmælis kórsins árið 2002 en
þá kom út geisladiskurinn
„Sveinar kátir syngið!“ Karla -
kórinn hefur einnig átt þátt í út -
gáfu geisladiska með öðru lista -
fólki. Stjórnandi Þrasta er Jón
Kristinn Cortez, en píanóleikari
Jónas Þórir.
Þröstur í 40 ár!
Sá kórfélagi sem lengst hefur
starfað af þeim sem nú skipa
kór inn er Helgi S. Þórðarson tré -
smiður, sem söng á sínum fyrstu
tónleikum vorið 1966, eða fyrir
40 árum, þá 19 ára gamall, og
hefur aldrei sleppt úr eina einasta
starfsári. Faðir hans, Björgvin
Þórð ur, var lengi söngmaður
með Þröstum, og segir Helgi að
auð vitað hafi hann oft heyrt
föður sinn syngja heima, en
kannski minna skilið hvað hann
var að syngja, því auðvitað var
hann að syngja sína rödd, 1.
bassa.
„Ég hef alltaf haft óskaplega
gam an af því að syngja, söng
m.a. í skátakórnum áður en ég
fór í Þresti. En það var mamma
sem varð það valdandi að ég fór
í kór inn en hún sagði við pabba,
„Bjöggi, þú ættir að taka strák -
inn með þér á æfingu.“ Hann
hefur ekkert gaman af því sagði
karl inn en úr varð að ég fór með
honum á æfingu, en þá var æft í
RAFHA við lækinn í Hafnarfirði.
Stjórnandi var þá Herbert Hib -
er scheck Ágústsson en Sigurður
Demetz Fransson raddþjálfaði.
Ég lenti í sömu rödd og pabbi
eftir raddpróf, og þá fór ég að
skilja hvað pabbi var að syngja
heima þegar hann var t.d. að
raka sig. Það voru alveg dýr -
indis söngmenn í 1. bassa á
þess um tíma. Eftir tvö ár fór ég
fram á að syngja í 2. bassa,
söng stjórinn féllst á að reyna
það, og þar er ég enn. Herbert
var mjög nákvæmur söngstjóri,
og sló oft af með því að loka
hnefanum. Einhverju sinni mis -
líkaði honum hversu seint menn
sinntu því og sagði: „Sjáiði þetta
ekki. Haldið þið að ég sé að
drepa flugur, eða hvað?!“
Fyrsta afmælishóf kórsins sem
ég tók þátt í var 55 ára afmæli
kórsins í Alþýðuhúsinu í Hafn -
arfirði 1967. Ég hef síðan þá
ekki síður hrifist af kvartettsöng,
og stundum sungið með einum
slíkum. Það er verulega gaman,
en auðvitað mjög krefjandi.“
Helgi segir að það hafi aldrei
hvarflað að honum að hætta í
Þröstum, en auðvitað hafi komið
tímar sem voru misjafnlega
skemmtilegir. Í dag eru Þrestir
liðlega 50 talsins, en Helgi segir
að fæstir hafi þeir verið 21 á vor -
tónleikum þau ár sem hann hafi
verið með. Það var kringum
1980, en þá átti það einhverra
hluta vegna ekki upp á pall -
borðið að syngja í karlakór. En
keðjan hefur aldrei slitnað, alltaf
verið haldnir vortónleikar þessi
ár, og alltaf tekið þátt í karla -
kóra mótum, og reyndar hafi
starf semi Þrasta aldrei lagst af
þessi 95 ár sem karlakórinn hefur
starf að. Helgi segir að á þessum
árum þegar þeir voru fæstir hafi
kannski ekki verið hlegið að
þeim, en þeir kannski ekki vakið
neina sérstaka lukku!!
„Það er alveg yndislegt að
koma saman og syngja, finna
samhljóminn, syngja með öllum
þessum körlum í hóp þar sem
allir eru jafnir, hvort sem þú ert
verkamaður eða verkfræðingur.
Þessa samkennd vantar nokkuð í
þjóðfélaginu í dag. Þetta hafa
verið margar ógleymanlegar
stundir og erfitt að benda á einn
atburð umfram annan, en þó er
mér ferð kórsins til Færeyja
1973 sérlega minnistæð, kannski
vegna þess líka að það var fyrsta
utanlandsferðin mín, og hóp -
urinn náði sérlega vel saman.
Karlakórar eiga að syngja hefð -
bundin karlakóralög, eins og t.d.
„Förumannaflokkar þeysa“ en
einnig að fylgjast með tímanum
og syngja lög sem heyrast ekki
almennt í útsendingu karla -
kóra,“ segir Helgi S. Þórðarson.
Alltaf gaman að syngja
Kristinn Elíasson hefur sung ið
með Þröstum á annað ár, en hann
á einnig föður sem söng í karla -
kór. Hann segist fyrst hafa heyrt
í Þröstum á aðfanga dagskvöld í
Hafnarfjarðarkirkju og farið þá
að huga að því hvort hann gæti
ekki verið með.
„Ég hef alltaf haft mjög gaman
af því að syngja. Tveimur vikum
eftir þetta fékk ég ásamt fleirum
á mínum aldri dreifibréf þar sem
mér var boðið að koma í
raddpróf. Ég hikaði, var ekki viss
um hvort ég hefði nógu góða
rödd. Ég ákvað þó að láta slag
standa, ég yrði þá bara sendur
heim aftur. Söngstjórinn ákvað
að setja mig í barítóna til vors,
en þar er ég enn, og finnst mjög
gaman, enda lagavalið gott. Ég
hef sérlega gaman af því að
syngja þessi gömlu karlakórslög
með öðru nýrra, s.s. „Brim -
lendingu.“
Það hefur hins vegar komið
mér á óvart allt þetta starf sem
er í karlakórnum fyrir utan
hefðbundna tónleika, s.s. söngur
við jarðafarir, afmæli og brúð -
kaup, auk þess sem kór félagar
koma stundum saman, gleðjast
saman. Mér finnst þetta félagslíf
og þessi samkennd mjög
skemmtileg viðbót, þetta er mjög
skemmtilegur félagsskapur,
menn á öllum aldri í öllum
stéttum þjóðfélagsins, og allir
jafnir. Ef maður gerir einhverjar
vitleysur í söngnum eru margir
tilbúnir til að leiðbeina manni og
leiða á rétta braut!,“ segir
Kristinn Elíasson.
8 www.fjardarposturinn.is Fimmtudagur 15. febrúar 2007
Á síðasta skólaári stóðu stjórn -
ir allra foreldrafélaga grunn -
skólanna í Hafnarfirði og For -
eldra ráð Hafnarfjarðar sameig -
inlega að ósk til fræðslu -
yfirvalda og skólastjórnenda í
grunnskólunum að breyta
fyrir komulagi öskudags í
Hafnarfirði. Óskin fólst í því
að ekki yrði lengur skipu lags -
dagur í skólunum heldur
skert ur skóladagur til að ná
stjórn á því ástandi sem for -
eldrum þótti hafa skapast á
þess um degi í Hafnarfirði.
Þótti foreldrum öryggi barna
sinna vera stefnt í hættu þegar
þau fóru snemma morguns í
kulda og myrkri í iðnaðarhverfin
hér í bæ til að syngja fyrir sæl -
gæti. Vonast var til að hægt væri
að bjóða börnunum upp á ör -
uggara og betra fyrirkomulag
með því að skipuleggja öskudag
með öðrum hætti.
Horft var til þess hvernig skól -
arnir í Garðabæ og fleiri sveit -
arfélögum hafa skipulagt þenn an
dag.
Foreldrum til mikillar ánægju
náð ist sá árangur að í ár er skert -
ur skóladagur í öllum grunn -
skólum Hafnarfjarðar frá kl. 8-
11.
Skólarnir eru nú hver með
sínum hætti að skipuleggja það
starf sem fara mun fram á ösku -
daginn og lagður er mikill metn -
aður í að gera það eins vel úr
garði og mögulegt er. Í þessu
breytta fyrirkomulagi felast mörg
tækifæri til að fræðast og
skemmta sér saman á ösku daginn
bæði fyrir nemendur, kennara og
foreldra. Og er það okkar að nýta
þau og þróa enn frekar næstu ár.
Foreldrafélögin í mörgum
skólum munu taka þátt í hátíð -
arhöldunum. Auk þess sem
Hafn arfjarðarbær heldur
skemmt un eftir hádegi í íþrótta -
húsinu við Strandgötu. Einnig
lögðum við fram ósk um að auka
ferðamöguleika barn anna á
ösku deginum með því að fara
fram á frítt í strætó þennan dag.
Það er skemmst frá því að segja
að vel var tekið í erindið og mun
verða frítt í strætó þennan dag
fyrir börn upp í 18 ára aldur.
Samstaða og samstarf heimila
og skóla er í þessu máli mikil -
vægur eins og öðrum. Vonir okk -
ar standa til þess að fyrir tæk in í
Hafnarfirði sýni þessari ósk
foreldra samstöðu og taki þátt
í að tryggja öryggi barna okk -
ar á þessum degi sem öðrum.
Það er von okkar að fyrirtæki
bæjarins taki vel á móti börn -
unum sem koma til með að
vera seinna á ferðinna á þess -
um degi en áður. Öll börn eiga
að vera í skólanum til há degis
þennann dag eins og áð ur
hefur komið fram og von um
við að vel verði tekið á móti þeim
börn um sem heim sækja fyrir -
tækin eftir hádegi.
Skemmst er þess að minnast að
með samstilltu átaki tókst að
breyta því ófremdarástandi sem
var í Hafnarfirði bæði á ára -
mótum og þrettándanum. Aft ur
með samstilltu átaki foreldra,
skólastjórnenda, bæjaryfirvalda
og fyrirtækjanna í Hafnarfirði
tekst okkur vonandi að búa börn -
unum okkar ánægjulegan ösku -
dag í öruggu umhverfi og á jafn -
ingjagrundvelli.
Sigurlaug Anna er varafor -
maður stjórnar foreldrafélags
Lækjarskóla
Helena Mjöll er formaður for -
eldraráðs Hafnarfjarðar
Öskudagur í Hafnarfirði
Helena Mjöll
Jóhannsdóttir
Sigurlaug Anna
Jóhannsdóttir
Þrastasöngur í 95 ár
Elsti karlakór landsins
Þrastafélagarnir Helgi S. Þórðarson og Kristinn Elíasson.
ORLOFSHÚS
Á SPÁNI
Umsóknir um dvöl í orlofshúsi sem Hlíf
hefur tekið á leigu á La Marína á Spáni
stendur til 24. mars n.k.
Umsóknareyðublöð eru á skrifstofu Hlífar,
Reykjavíkurvegi 64,
Hafnarfirði, sími 555 0944, www.hlif.is