Fjarðarpósturinn - 01.03.2007, Page 14

14 www.fjardarposturinn.is Fimmtudagur 1. mars 2007
Lítil 65 fm - 3 herbergja íbúð í
einbýlishúsi við Hverfisgötu,
Hafnarfirði. Hentar vel skólafólki
eða einstaklingi. Leiguverð 75
þúsund kr. Reyklaus og reglusemi
áskilin. Laus. Uppl. í símum 822
3849 og 821 2529 milli kl. 14-19
Notað baðherbergissett frá IFÖ til
sölu. Baðker-klósett-vaskur, ljósblátt
að lit og lítur vel út. Tilboð.
Upplýsingar í síma 897 7020.
Hjón með tvö börn óska eftir 3-4
herb. íbúð til leigu í Hafnarfirði frá
1. apríl. Leigutími u.þ.b. eitt ár.
Erum reyklaus og reglusöm.
Kristín, sími 694 5517
Hvítri úlpu, Didriksson 1913, var
stolið af hurðarhún við
Klettabyggð. Þeir sem geta gefið
upplýsingar um úlpuna hafi
vinsamlega samband í s. 660 3084.
Norski skógarkötturinn Silvio er
týndur. Býr á Brekkugötunni í
Hafnarfirði. Hann er lítill, loðinn,
steingrár með hvítan blett á
bringunni og hvíta snoppu. Hann er
ekki með ól en er eyrnamerktur og
gæfur. Vinsamlegast hafið samb. í
síma 660 1502, email: iris@lh.is
Ungur og hraustur starfskraftur
óskast til lager- og
útkeyrslustarfa. Þarf að geta hafið
störf sem fyrst. Vinnutími kl. 9-17.
Uppl. í síma 567 8900 eða
lager@godirhlutir.is
Þú getur sent
smáauglýsingar á:
a u g l y s i n g a r @ f j a r d a r p o s t u r i n n . i s
e ð a h r i n g t í s í m a 565 3066
A ð e i n s f y r i r e i n s t a k l i n g a , e k k i
r e k s t r a r a ð i l a . V e r ð a ð e i n s 5 0 0 k r .
Ta p a ð - f u n d i ð o g f æ s t g e f i n s : F R Í T T
R e k s t r a r a ð i l a r :
F á i ð t i l b o ð í r a m m a a u g l ý s i n g a r !
Atvinna
Húsnæði óskast
Til leigu
Tapað - fundið
Eldsneytisverð
28. febrúar 2007 í Hafnarfirði:
Sölustaður 95 okt. dísil
Atlantsolía, Kaplakr. 111,2 112,1
Atlantsolía, Suðurhö. 111,2 112,1
Esso, Rvk.vegi. 112,8 113,7
Esso, Lækjargötu 112,8 113,7
Orkan, Óseyrarbraut 109,3 110,8
ÓB, Fjarðarkaup 109,4 110,9
ÓB, Melabraut 109,4 110,9
Skeljungur, Rvk.vegi 113,0 113,7
Öll verð miðast við sjálfs af greiðslu og
eru fundin á vef síð u olíufélaganna.
Að auki getur verið í boði sérafsláttur.
Ýsa var það heillin
Verslum í Hafnarfirði!
www.fjardarposturinn.is
Um nokkurt skeið hafa fjöl -
margir hópar sprottið upp, stórir
sem smáir til að tjá sig um
hugsanlega stækk un álversins í
Straums vík. Hópar
sem hafa orðið til
vegna kosn inganna.
Nú hafa hins vegar
verka lýðsfélögin Hlíf
og Félag vélstjóra og
málmiðnaðar manna
bæst í hópinn sem
ályktar og er það vel,
enda félög sem eiga
sér langa sögu og víð -
tæk an uppruna.
Það er vissulega mikilvægt
skref sem tekið er í sögu lýð ræð -
is mála hér á landi með kosn -
ingunni um álversdeiliskipulagið
31. mars nk.. 90% íbúa í Hafn -
arfirði hafa tekið undir það að
stór mál eigi að fara í dóm íbúa á
þenn an hátt. Íbúar í Hafnarfirði
hafa á ótvíræðan hátt sýnt það að
lýðræðismálin skipti miklu og
fylgt eftir þeirri áherslu sem
Samfylkingin í Hafnarfirði lýsti
vorið 2002 og innleiddi fyrst og
eitt sveitarfélaga á landinu með
lögfestu í samþykktum bæjarins.
Það er hinsvegar rétt að vekja
athylgi á þessum ályktunum
verka lýðsfélaganna. Jafnaðar- og
félagshyggjufólk á uppruna sinn
í verkalýðshreyfingunni og það
er vissulega athyglisvert þegar
eitt fjölmennasta verkalýðsfélag
lands ins ályktar að mæla með
stækkun Álversins í Straumsvík
og skorar á Hafnfirðinga að
greiða með stækkun þess og
renna með því styrkari stoðum
und ir atvinnulífið í bænum.
Verkalýðsfélagið Hlíf segir
það staðreynd að þrátt fyrir að ál -
framleiðsla Alcan í Straumsvík
meira en tvöfaldist eftir stækk -
unina verða loftgæði, með tilliti
til heilsu fólks og mengun gróð -
urs og jarðvegs, undir öllum
mörk um sem sett hafa verið inn -
an sem utan lóðamarka álversins.
Hjá Alcan starfi nú rúmlega 460
manns í heilsársstörfum en eftir
stækkunina mun þeim fjölga í
850 og árlegar tekjur Hafnar -
fjarðar aukast úr 490 milljónum
króna í rúman 1,4 milljarð.
Fund ur Hlífar skorar á Hafn -
firðinga að greiða stækk uninni
atkvæði sitt í vænt an -
legri kosn ingu og
renna með því styrkari
stoð um undir atvinnu -
lífið í bænum.
Félag vélstjóra og
málm tækn imanna
legg ur einnig áherslu á
að álver Alcan í
Straums vík verði
stækk að. Þetta kom
fram í álykt un fundar
félagsins. Í ályktun fund armanna
var bent á að eftirspurn eftir áli
væri mikil og að hér á landi sé
hægt að fram leiða það með
umhverfisvænni hætti en annars
staðar í heim inum. Í ályktuninni
kemur einnig fram að við stækk -
un myndu fjölmörg störf skapast
og tekjur Hafnarfjarðar myndu
aukast veru lega. Minnt var á að
mikil vægt sé að ekki verði hafist
handa við stækkun fyrr en efna -
hagslegur stöðugleiki næðist á
landinu.
Ég vil þakka verkalýðsfélög -
unum fyrir að taka málið á dag -
skrá. Það skiptir máli að verka -
lýðsfélög, líkt og grasrótarhópar,
ræði málin og kom niðurstöðum
sínum á framfæri og berjast fyrir
henni. Í stórum hópum eru ólíkar
skoðanir og nokkur félög hafa
t.d. ályktað að það skuli ekki
tekin félagsleg ákvörðun. Það
ber einnig að virða.
Ég hvet Hafnfirðinga til að
hugsa alvarlega um hvað okkar
verka lýðsfélög segja. Það hefur
verið ríkt fylgi við að styðja
verka menn í baráttu þeirra fyrir
betra lífi, betri launum og betra
mannlífi. Það mun hafa mikið að
segja við val fjölmargra hópa
sem þekkja verkalýðsbaráttuna á
eigin skinni – jafnaðar- og
félags hyggjufólk standið með
ykkar fólki.
Höfundur er formaður 60+
Hafnarfirði, varaþing maður
Samfylkingar í Suðvest ur -
kjördæmi.
Verkalýðsfélögin álykta
um álver
Jón Kr.
Óskarsson
Ráðstefna verður haldin um
verndun Skerjafjarðar á morgun,
föstudag kl. 13-17 í Íþrótta -
miðstöð Álftaness.
Dagskráin hefst með ávarpi
forseta Íslands og um hverfis -
ráðherra. Ýmsir aðilar sem hafa
sérfræðiþekkingu á málinu flytja
erindi. Meðal efnis er fuglalíf á
svæðinu, vákort af Skerjafirði,
fráveitumál, útivist á sjó og
landi, umfjöllun um náttúru- og
menningarmiðstöð á Álftanesi
og framtíðarsýn þeirra sex
sveitarfélaga sem eiga land að
Skerja firði. Að dagskrá lokinni
verða umræður um samstarf
sveitar félaganna um hvort og
með hvaða hætti staðið verður að
vernd un Skerjafjarðar. Einnig
verða fyrirspurnir úr sal.
Fundarstjóri er Gunnar Ein -
arsson bæjarstjóri Garða bæjar.
Að ráðstefnunni standa Sveit -
ar félagið Álftanes, Um hverfis -
stofnun og umhverfis nefndir að -
liggjandi sveitarfélaga, Reykja -
víkur, Seltjarnarness, Kópa vogs,
Garðabæjar og Hafn arfjarðar.
Ráðstefnan er opin öllum.
Opin ráðstefna um
verndun Skerjafjarðar
Álftanes og Hafnarfjörður meðal aðstandenda
Gísli Vigfússon læknir lenti í
miklum hremmingum í vikunni
þegar hann komst að því að hann
hafði týnt lyklakippu sinni með
lyklum af húsinu, bílnum og
vinnunni. Gísli átti að mæta á
kvöld vakt þann daginn en áður
hafði hann ákveðið að fara
klukku tíma göngutúr með hund -
inn. Þegar hann kom til baka
upp götvar hann að lyklakippan
er horfin þannig hann kemst ekki
inn í húsið eða bílinn og ekki
get ur hann hringt því farsíminn
var læstur inn í bílnum.
Hann ákvað að endurtaka
hring inn í hvelli til að reyna að
finna kippuna en án árangurs.
Gísli var þá orðinn of seinn í
vinnuna og ekkert annað fyrir
hann að gera en að binda hund -
inn fastan í garðinum og ná í
leigubíl.
Síðar sama dag fann heiðar -
legur vegfarandi lyklakippuna
og skilaði henni strax til lög -
reglu. Lögreglan sá að það var
dælulykill á kippunni og hafði
samband við Atlantsolíu. Þar á
bæ var brugðist skjótt við og
fannst út að þarna var á ferð
dælulykill FÍB-félaga og haft var
samband við Gísla Vigfússon
eig anda kippunnar. Hann var að
vonum mjög ánægður með
fundinn því ella hefði hann þurft
að skipta um lás á húsinu, gera
nýjan lykil fyrir bíl sinn en slíkt
hefði kostað tugi þúsunda auk
annarra óþæginda.
Það er stórmál þegar lykla -
kippa týnist og slíkt getur kost að
frá 2000 og upp í 50 þúsund fyrir
nýjar gerðir bifreiða. Í nýj um
bílum þarf oftast að forrita
lyklana og fyrir sumar tegundir
er slíkt gert erlendis. Í einstökum
tilfellum þarf jafnvel að skipta
um tölvukubb í bifreiðinni
sjálfri. Að skipta um lás á heim -
ilinu er öllu ódýrara en það fer þó
eftir því hvort notaðir séu
kerfislyklar og fjölda þeirra sem
hafa aðganga að húsinu. Í öllu
falli eru hins vegar óþægindin
við týndar lyklakippur mikil.
Dælulykillinn
vísaði á eigandann
Hugi Hreiðarsson Atlantsolíu, Gísli Vigfússon læknir, og Runólfur
Ólafsson hjá FÍB.