Fjarðarpósturinn - 20.12.2012, Page 20

20 www.fjardarposturinn.is Fimmtudagur 20. desember 2012
Starfsfólk útibús Arion banka
í Hafnarfirði ákvað fyrir nokkru
að láta gott af sér leiða með sölu
á heimalöguðum sultum til
styrktar Mæðrastyrksnefnd
Hafn ar fjarðar. Sulturnar voru
seld ar fyrir utan bankann í Firði
þar sem starfsfólk útibúsins
stóð vaktina tvo föstudaga í
des ember. Söluborð starfsfólks
var skemmtileg viðbót í flóruna
en jafnan kennir ýmissa grasa á
göngum verslunar miðstöðv­
arinnar vikurnar fyrir jól.
„Það var mjög ánægjulegt
hvað gestir og gangandi tóku
vel í það sem við vorum að gera
og við söfnuðum hátt í 100 þús­
und krónum á einungis tveimur
dög um,“ segir Klara Lísa Her­
valds dóttir, þjónustustjóri úti­
búsins. „Öll hjálpuðumst við að
og flest okkar komu með
krukkur og efni að heiman.
Krukkurnar fylltum við með
dýrind is Eplachutney, Rauð­
laukschutney og Chilisultu. Við
vorum öll virkilega ánægð með
hvernig til tókst,“ segir Klara en
hugmyndina að verkefninu átti
starfsfólkið. „Okkur langaði að
láta gott af okkur leiða og okkur
fannst ákjósanlegast að selja
vörur í Firði. Best væri að selja
eitthvað sem geymist og auð­
velt er að taka með sér,“ segir
Jóhanna Reynisdóttir úti bús­
stjóri um þetta óvenjulega verk­
efni í útibúinu. „Uppskriftirnar
komu frá starfsfólkinu, allir
tóku þátt og mikil stemning
mynd aðist hjá okkur,“ segir
Jóhanna en það ríkir sann­
kallaður jólaandi í útibúinu og
má segja að ilmurinn úr eld­
húsinu hafi verið afskaplega
lokk andi þegar sultugerðin stóð
sem hæst.
Auk þess að gefa Mæðra­
styrks nefnd Hafnarfjarðar upp­
hæðina sem safnaðist með söl­
unni styrkti útibú Arion banka í
Hafnarfirði Mæðrastyrks nefnd­
ina um 250 þúsund krónur og
því voru nefndinni afhentar
341.700 krónur að styrk.
Seldu sultur til styrktar Mæðrastyrksnefnd
Mæðrastyrksnefnd Hafnarfjarðar nýtur góðvildar víða
Starfsfólk Arion banka sem tók þátt í sultusölunni til styrktar Mæðrastyrksnefnd Hafnarfjarðar.
Actavis óskar landsmönnum öllum gleðilegra jóla og
farsældar á komandi ári og þakkar viðskiptin á árinu
sem er að líða.
Fjarðarpósturinn
..vettvangur fyrir skoðanaskipti bæjarbúa í nær 30 ár!
Líka á www.facebook.com/fjardarposturinn
Hafnfirðingar hafa verið
duglegir að gefa út bækur og
hér eru tvær þeirra sem koma út
fyrir jólin.
Góðgæti fyrir
gæludýrin
Bjarkey Björnsdóttir hefur
gefið út bókina Góðgæti fyrir
gæludýrin, 76 bls. litskreytta
bók með uppskriftum að
góðgæti fyrir hin ýmsu gæludýr.
Þar leitast hún við að koma
fram með nýjar hugmyndir og
jafnvel gamlar aðferðir við að
búa til nammi og mat handa
dýrum. Í bókinni má finna
uppskriftir að góðgæti fyrir
hunda, ketti, páfagauka, kanínur
og hesta ásamt ýmsum fróðleik
um matarræði.
Næstum mennsk
Næstum mennsk er ný, ramm­
íslensk, gamansöm mynda saga
sem hentar eldri sem yngri les­
endum. Bókin er eftir Ísold Ell­
ingsen Davíðs dóttur, 22 ára upp­
eldis fræði nema. Sagan fjallar
um hvernig leiðir ninja lær lings,
geimvera, nýfallins eng ils,
varúlfs og álfkonu lágu sam an í
fyrsta sinn með af drifa ríkum
afleiðingum fyrir mann kynið –
og alla hina. Ísold hefur skrifað
vefstrípur um aðalper són ur
bókarinnar með hléum síð an
2007 við góðar undir tektir, en
eftir 2ja ára vinnu gefur hún nú
út sína fyrstu sögu í fullri lengd.
Bókin er 90 bls. og gefin út í lit.
Nýjar bækur
Matur fyrir dýrin
og myndasaga