Prentarinn - 01.03.1987, Blaðsíða 23

vinna að því að tryggja betri meðferð á
föngum og þeim sé veitt læknishjálp og
endurhæfing eftir að þeir hafa verið
látnir lausir. Fé er safnað fyrir mat,
fatnaði og öðrum nauðsynjum til handa
föngum og einnig fjölskyldum þeirra.
Hvaða lönd eru verst?
Amnesty International gerir engan
greinarmun á ríkisstjórnum eftir því
hvernig á mannréttindamálum er hald-
ið í landinu og gerir heldur ekki neinn
„svartan lista“. f mörgum löndum er
lokað fyrir allan fréttaflutning af
mannréttindabrotum. Einnig er mjög
breytilegt milli landa hvers konar kúg-
unaraðferðum er beitt og hversu víð-
tækar þær eru. í sumum löndum eru
samviskufangar dæmdir af dómstólum
til langrar fangelsisvistar, í öðrum eru
þeir hafðir í varðhaldi í mörg ár án
dóms og laga. f sumum lögreglustöðv-
um eru menn pyntaðir með rafstraumi,
í öðrum er beitt geðrænum aðferðum. í
stað þess að gera samanburð einbeita
Amnesty International samtökin sér að
því að reyna að binda endi á þau
mannréttindabrot sem til þeirra kasta
koma hverju sinni.
Skipuleggur Amnesty
International samskipta-
bönn?
í viðleitni sinni til að hafa áhrif á
almenningsálitið um heim allan tekur
Amnesty International enga afstöðu
varðandi viðskipta- eða samskipta-
bönn. Þó er tekin afdráttarlaus afstaða
gegn því að sérhæfur tækjabúnaður
hers, lögreglu eða öryggisþjónustu sé
fluttur frá einu landi til annars og miðl-
að sérþekkingu sem móttökulandið
notfæri sér síðan til pyntingar á sam-
viskuföngum eða til að taka þá af lífi.
Er þarna ekki verið að
blanda sér í innanríkis-
mál?
Verndun mannréttinda er á ábyrgð
allra þjóða heims. Þessi meginregla er
viðurkennd af alþjóðlegum samtökum
svo sem Sameinuðu þjóðunum. Ríkis-
stjórnir eru nú opinberlega ábyrgar
gagnvart umheiminum um verndun
réttinda sinna eigin ríkisborgara. í þess-
ari ábyrgðarskyldu felst viðurkenning á
rétti alþjóðlegra stofnana til að bera
fram fyrirspurnir og láta í ljós áhyggjur
þegar mannréttindi eru skert.
Starf Amnesty International er byggt
á algildum grundvallarreglum um
mannréttindi sem hið alþjóðlega sam-
félag hefur sett. Ef ríki brýtur þessar
mannréttindareglur snýst Amnesti Int-
ernational til varnar fórnarlömbunum.
Þúsundir manna eru í fangeslum
vegna skoðana sinna. Margir eru hafðir
í haldi án dóms og laga. Pyntingar og
aftökur eiga sér stað víða um heim. í
mörgum löndum hafa menn, konur og
börn „horfið" eftir að hafa verið tekin í
vörslu yfirvalda. Enn aðrir hafa verið
teknir af lífi umsvifalaust án þess að
lagaheimildir séu hafðar að yfirskini,
verið leitaðir uppi og drepnir af
stjórnvöldum og þeirra útsendurum.
Þessi ódæðisverk eru framin í
löndum með mjög mismunandi stjórn-
arfari og hugmyndafræði. Brýnt er að
við þeim verði brugðist á alþjóðlegum
vettvangi. Mannkynið í heild sinni ber
ábyrgð á verndun mannréttinda og
markast sú verndun ekki af þjóðerni,
kynþáttum eða hugmyndafræði. Þetta
er grundvallarstefnan sem starf Amn-
esty International byggist á.
Hvað er Amnesty
International?
Amnesty Ingernational er óháð al-
heims hreyfing sem gegnir sérstöku
hlutverki í alþjóðlegri verndun
mannréttinda. Starfsemi samtakanna er
sérstaklega helguð föngum.
— Samtökin berjast fyrir frelsun
samviskufanga. Þar er um að ræða fólk
hvar sem er í heiminum, sem hefur
verið fangelsað vegna skoðana sinna,
litarháttar, kynferðis, uppruna, tungu-
máls eða trúarbragða og hefur hvorki
beitt ofbeldi né hvatt til ofbeldis.
amnesty international
íslandsdeiid,
Hafnarstræti 15, 5.h„
101 Revkjavík.
Pósthólf 618,
121 Reykjavík — Sími: 91-16940.
PRENTARINN 3.7.'87
23