Prentarinn - 01.10.2001, Page 6

Skemmtilegasti
skóli sem ég hef
verið í
Sigurbjörg
Jóhannesdóttir
Margmiðlunarskólinn útskrifaði í
janúar síðastliðnum hóp nemenda
sem hafði stundað nám í skólan-
um í eitt ár, í 520 stunda námi.
Ritnefnd Prentarans ákvað að taka
viðtal við einn þessara nemenda.
Fyrir valinu varð Birgir Guð-
mundsson sem stundaði kvöld-
nám í skólanum ásamt því að vera
í vinnu á daginn. Viðtalið fór
fram í litlu kaffihúsi á Rauðarár-
stígnum á fallegum vetrardegi
seint í febrúar þegar rúmlega
mánuður var liðinn frá útskrift-
inni.
Þegar ég kom á kaffihúsið sátu
karlmenn við þrjú borð einir síns
liðs. Ég skoðaði þá í leit að við-
mælanda mínum, vó og mat hvort
einhver þeirra gæti verið þessi
Birgir. Ég var að hugsa um að
ganga á þá og spyrja hvert nafn
þeirra væri en var hrædd um að
áhugi minn yrði misskilinn og
ákvað að taka upp farsímann og
hringja í Birgi, sem reyndist þá
rétt ókominn. Ég pantaði handa
okkur drykki og skömmu síðar
gekk Birgir inn. Um leið og ég sá
hann kannaðist ég við hann úr
skólanum og frá útskriftinni.
Raunar var mér búið að detta í
hug hvort tilvonandi viðmælandi
minn væri sá Birgir sem ég mundi
eftir, því í minningunni var hann
einhvers staðar á aldrinum 25-30
ára. Jú, þarna var hann kominn
með sína rólyndislegu framkomu
sem mér hefur fúndist einkenna
hann. Við heilsuðumst með virkt-
um enda ekki sést síðan á út-
skriftinni, settumst niður í einu
horni kaffihússins og spjölluðum
aðeins um lífið og tilveruna áður
en hið eiginlega viðtal hófst.
- Flvaða menntun ertu með íyr-
ir utan margmiðlunarnámið?
„Ég lærði prentsmíði og hef
starfað sem slíkur síðastliðin 10
ár.“
- Af hverju valdirðu að fara í
margmiðlun og þrívíddargrafík?
„Ég vildi víkka sjóndeildar-
hringinn og fannst þetta nám til-
valið sem áframhald á því sem ég
hafði verið að gera.“
- Flvernig finnst þér námið
hafa skilað sér?
„Ja, ég er alla vega kominn
með vinnu sem er mjög spenn-
andi. Ég sé fram á skemmtilegra
starf sem tengist því sem ég hef
verið að gera en gefur samt meiri
möguleika. Fyrir atvinnurekand-
ann skipti fyrst og fremst máli að
ég er prentsmiður en ég tel að
margmiðlunarnámið hafi verið
stór plús, því framtíðaráætlun fyr-
irtækisins er að leita inn á nýja
miðla og ég mun vonandi koma
sterkt þar inn. Skilar annars ekki
allt nám sér?“
- Flvernig sérðu framtíðina íyr-
ir þér?
„Ég sé mikla möguleika á því
að fara út í margmiðlunina í nýju
starfi og vonast til að tengjast
þeim heimi í náinni íramtíð.“
- Flvernig líkaði þér í skólan-
um?
„Mér fannst afskaplega gaman.
Margmiðlunarskólinn er skemmti-
legasti skóli sem ég hef verið í.“
- Flvernig gekk að samræma
skóla, vinnu og einkalíf?
„Það gekk ótrúlega vel þó það
hafi komið erfið tímabil. Loka-
verkefnishrinan var mjög stremb-
in en það bjargaðist fyrir horn.
Manni finnst maður alltaf geta
gert betur, sérstaklega þegar hug-
myndirnar eru geðveikt margar.
Ég varð að skera duglega niður og
takmarka efnið verulega. Ég efast
um að ég hefði farið í skólann
eins og hann er uppbyggður núna.
Mér fannst nóg að vera þrjú
kvöld í viku í skólanum í heilt ár,
ég hefði ekki treyst mér í eins
mikið nám og er í boði núna, með
fúllri vinnu, sérstaklega þar sem
ég á dóttur og myndi þá ekki liafa
tíma fyrir hana.“
- Samræmdist námið í skólan-
um vonum þínum?
„Já, mér finnst það hafa gert
það. Ég er mjög jákvæður gagn-
vart þessu námi og finnst það frá-
bært. Raunar voru einhver nám-
skeið sem boðið var upp á ekkert
sérstök og kennslan hefði mátt
vera betri á einstöku námskeiði en
í heildina séð var námið mjög
gott.“
- Hvert er uppáhaldsforritið
þitt?
„3D StudioMax og þar á eftir
After Effects. Ég er einmitt núna
að rifja upp After Effects.“
- Hver var uppáhaldskennarinn
þinn?
„Gísli, mér fannst hann mátu-
lega léttruglaður og svo var hann
auðvitað að kenna á skemmtileg-
asta forritið."
- Geturðu nefnt eitthvað sem
þér fannst vera neikvætt?
„Kannski að kennslan í ein-
hverjum forritum hefði mátt vera
betri og einhver námskeið voru
greinilega sett inn til uppfyllingar
og lítið lagt í þau.“
- Geturðu nefnt eitthvað sem
þér fannst vera sérstaklega já-
kvætt?
„Mér fannst alveg frábært
hvernig skólayfirvöld tóku á til-
lögum nemenda um ýmsar úrbæt-
ur en þau gerðu allt sem þau gátu
til að koma til móts við þá, sbr. að
lengja opnunartíma kennslustof-
anna og fleira.“
Ég þakkaði Birgi fyrir gott við-
tal, enda líkaði mér vel að sitja
inni í dimmu horni kaffihússins í
skemmtilegum félagsskap. Birgir
er afskaplega brosmildur og já-
kvæður. Mér virðist hann vera
einn af þeim sem brosa framan í
heiminn, sjá það fallega i öllum
og taka lífinu af stóískri ró. Ég er
viss um að hann á eftir að ná
langt á sínu sviði og Margmiðlun-
arskólinn má vera hreykinn af
sínum þætti í frama hans.
6 ■ PRENTARINN