Aðventfréttir - 01.05.1995, Síða 5

FRÉTTIR FRÁ
KVENNASTARFINU
Árið 1995 er ár Aðventkonunnar.
Kvennastarfið (Women’s
Ministries) í aðventsöfnuðinum á
íslandi hófst formlega í mars s.l.
Þrjár safnaðarkonur voru beðnar
um að hrinda því í framkvæmd,
þær Unnur Halldórsdóttir, Guðný
Kristjánsdóttir og Úlfhildur Gríms-
dóttir. Hver söfnuður hefur einnig
konu í forystu í kvennastarfinu og
eru það þær María Björk Reynis-
dóttir í Vestmannaeyjum, Ester
Ólafsdóttir í Keflavík, Eyrún Ingi-
bjartsdóttir á Selfossi, Hulda Jens-
dóttir í Reykjavík, Estíva Ottós-
dóttir í Hafnarfirði og Ella Jack á
Akureyri.
í byrjun mars á þessu ári voru
konur beðnar að sjá um guðs-
þjónustu í Aðventkirkjunni í
Reykjavík. Öll tónlist og prédikanir
voru í umsjá kvenna.
Birthe Kendel kom í heimsókn
dagana 23. - 25. mars s.l. og hélt
námskeið um kvennastarfið og barna-
hvíldardagsskólastarf. Skömmu fyrir
heimsókn Birthe, hafði hópur kvenna
komið saman til að fara yfir markmið
og hlutverk kvennastarfsins og rætt
um hugmyndir að kvennastarfi á ís-
landi.
Á sumarmótinu á Hlíðardalsskóla
var konum boðið til morgunverðar og
bænagjörðar á sunnudagsmorgni og
var sú stund ógleymanleg þeim sem
þar voru. Aðalræðumaður mótsins var
Dr. Andrea Luxton skólastjóri frá
Stanborough Park í Englandi.
Útvarpsguðsþjónusta var í umsjá
kvenna þann 23. september og var
henni útvarpað næsta dag á eftir.
í október var á ný boðað til morgun-
verðar með bænagjörð, með þátttöku
bæði karla og kvenna og að þessu
sinni í Suðurhlíðarskóla á námskeiði
Gabriellu Calderara um næringu og
mararæði.
Síðasta hvíldardaginn í október sáu
konur um hvíldardagsskóla og guðs-
þjónustu í Hafnarfirði. Þegar þetta
birtist á prenti hafa þessar sömu
konur farið einnig til Selfoss og Kefla-
víkur til að sjá um guðsþjónustur og
prédika.
Fyrstu helgina í nóvember
heimsóttu, Unnur, Guðný og Úlf-
hildur Vestmannaeyjasöfnuð,
funduðu með konum og sáu um
guðsþjónustu á hvíldardeginum.
Það gladdi okkur mjög að konur úr
Aglow komu til að hlýða á guðs-
þjónustuna. Ferðin til Eyja var sér-
lega ánægjuleg og móttökur Eyja-
manna og kvenna frábærar.
Þrír lestrar og bænahópar eru nú
starfandi. Það er ósk okkar og von
að lestrarhópum fjölgi á næstu árum
og að þeir verði mörgum til mikillar
blessunar. Skortur er á lesefni á
íslensku, en nú er þýðingu á efni um
vináttuna, byggðu á sögunni um Rut
og Naomí, u.þ.b. að Ijúka.
Dagana 21. - 25. mars 1996
verður haldið námskeið um bænina í
Suðurhlíðarskóla. Námskeiðið er
skipulagt af Ruthie Jacobson sem er
mjög virk í Kvennastarfinu í Banda-
ríkjunum. Ruthie hefur flutt fjölda
fyrirlestra og námskeiða víða um
heim og skrifað greinar m.a. í blaðið
Women of Spirit sem kom fyrst út nú
í vor og kemur út fjórum sinnum á
ári. Er það von okkar að sem flestir
taki þessa helgi frá og njóti þess að
hlýða á þetta frábæra efni. Ýtarleg
dagskrá mun birtast hér í blaðinu
síðar.
Bestu kveðjur,
NÁMSKEIÐI
NÆRINGARFRÆÐI OG
MATARÆÐI
Dagana 6. - 8. október var haldið
helgarnámskeið um heilsu og
næringu í Suðurhlíðarskóla. Fyrir-
lesarinn, Gabriella Calderara, er
starfandi næringarfræðingur á
heilsuhæli aðventista, La Ligniere,
nálægt Genf í Sviss. Hún er fædd
og uppalin í Strasbourg í
Frakklandi, lærði þar sitt grunnnám
en næringarfræðina tók hún á
Andrews í Bandaríkjunum og er
með MA gráðu þaðan. Á meðan
Gabriella var í námi var hún farar-
stjóri fyrir Maranatha vinnuhópum
sem fara um heiminn og byggja
kirkjur og skóla í sjálfboðavinnu.
Hún hefur haldið fyrirlestra víða um
Evrópu um hollt mataræði og
heilsuboðskap Ellen G. White.
Matarvenjur er mikilvægur þáttur í
lífi okkar og oft er það afleiðing þjóð-
félagshátta, þjóðfélagsstöðu, trúar-
skoðana eða jafnvel bara vani frekar
en að við séum vel upplýst um
næringarlegt gildi fæðunnar. Hver og
einn hefur þann rétt að velja sitt
mataræði, en best væri að hver og
einn væri vel upplýst(ur) um
næringargildi hinna ýmisu matar-
tegunda og gæti þar af leiðandi valið á
grundvelli þekkingar. Gabriella gaf
fjölmörg dæmi um fæðuval þar sem
séð er fyrir öllum nauðsynlegum
næringarefnum í réttum hlutföllum.
„Sojabaunir - mikill kraftur í lítilli
baun“ var fyrirlestur sem fjallaði um
nýjustu rannsóknir á sojabaunum og
fyrirbyggjandi áhrifum þeirra gagnvart
ýmsum tegundum krabbameins.
Ráðlegt er að hafa sojabaunir eða
aðrar sojaafurðir í fæðunni a.m.k.
fjórum sinnum í viku. (T.d. tofu, soja-
mjólk ofl.)
Sem aðventistar getum við ekki
horft fram hjá heilsuboðskap Ellen
G. White né lokað augunum fyrir
vaxandi áhuga almennings á heilsu-
samlegu líferni. Guð hefur áhuga á
okkar líkamlegu velferð jafnt sem
hinni andlegu. Hann gaf ísraels-
þjóðinni skýr fyrirmæli varðandi
hreinlæti og mataræði. Hann hefur
sent okkur Anda spádómsins. Enn í
dag eru vísindamenn að sanna
kenningar Ellenar G. White varðandi
heilsusamlegt líferni þó hún hafi lagt
þær fram fyrir u.þ.b. hundrað árum.
Nauðsynlegt er að líta á ráð-
leggingar hennar í sínu rétta sögu-
lega samhengi og athuga síðan
hvaða meginreglur við getum dregið
af þeim.
Ester Ólafsdóttir
AðventFréttir 5,1995
5