Fréttatíminn - 21.06.2013, Page 18

Tuttugu ár eru síðan ég kynntist Hugo Þórissyni
Takk Hugo
É g kynnti mig einfaldlega sem Erlu á Fréttatímanum í byrjun símtalsins. „Erla Hlynsdóttir?“ spurði hann. Það
gladdi mig og ég velti fyrir mér hvort hann
myndi eftir mér eftir allan þennan tíma. Þeg-
ar ég hafði bókað viðtal við Hugo Þórisson
til að ræða við hann um krabbamein-
ið og við mælt okkur mót ákvað ég
að láta bara vaða: „Ég veit ekki hvort
þú manst eftir mér en ég var hjá þér
þegar ég var unglingur.“ Jú, hann
mundi og sagðist hafa lesið mikið
eftir mig. Ég varð enn glaðari.
Tuttugu árum síðar höfðu hlut-
verkin snúist við. Ég var nú mætt við
dyrnar hans til að taka hann í viðtal,
en ekki hann mig.
Efst í horninu á hurðinni var sand-
blásin tilvitnun í Litla Prinsinn: „Hér
er leyndarmálið. Það er mjög einfalt:
Maður sér ekki vel nema með hjart-
anu. Það mikilvægasta er ósýnilegt
augunum.“ Þegar hann kom til dyra
sagði ég að þetta væri falleg tilvitnun, og úr
uppáhaldsbók pabba míns. Hugo sagði að
þetta væri í raun tilvitnun allrar fjölskyld-
unnar hans.
Ég var í gagnfræðaskóla, nýflutt aftur á
mölina þegar ég týndi sjálfri mér. Kannski
týndi ég mér fyrr en þarna varð það áþreif-
anlegt. Ég byrjaði ung að drekka og gleypa
sjóveikitöflur. Ég hætti að fá hæstu ein-
kunnina í bekknum og strauk úr unglinga-
vinnunni til að hanga niðri á Lækjartorgi.
Mamma var ráðalaus og pantaði tíma fyrir
mig hjá hinum og þessum fagaðilum. Mér
fannst þeir allir asnar og vildi ekkert við þá
tala. Hugo var síðastur í röðinni. Loksins
vildi ég bæði tala og hlusta. Líklega hljómar
þetta eins og ýkjusaga en nákvæmlega
svona var þetta. Af einhverjum ástæðum
ákvað ég að treysta Hugo og taka mark á
honum.
Hann kom því til leiðar að ég fór í heima-
vistarskóla, missti tengslin við gömlu vinina,
byrjaði aftur að læra og fékk verðlaun fyrir
námsárangur. Nokkrum árum seinna fór ég
á Dale Carnegie-námskeið fyrir hans tilstilli.
Frá því ég var barn var ég svo feimin að það
jaðraði við sjúkleika. Smátt og smátt jókst
sjálfstraustið. Ég fór ítrekað út fyrir þæg-
indahringinn minn en ég fékk líka aðstoð.
Eftir að viðtalinu við Hugo fyrir Frétta-
tímann var lokið slökkti ég á upptökunni
og við ræddum eilítið um fortíðina. Hann
hafði áhyggjur af því að ég hefði verið ósátt
við að vera send út á land í heimavist. Ég
sagðist vissulega hafa veriði ósátt en eftir á
að hyggja hefði þetta gert mér mjög gott. Ég
sagði honum það ekki þá en í gegn um árin
hef ég alltaf hugsað afar hlýlega til Hugos.
Ég hef lesið öll viðtöl við hann og horft á
alla þætti með honum. Ég hef spurt mömmu
mína hvort hún hafi séð þetta eða hitt sem
hann skrifaði, og hún hefur spurt mig hvort
ég hafi lesið þetta eða hitt eftir hann. Hann
var skólasálfræðingur dóttur bróður míns
þegar hann skildi við konuna sína. Litla
frænka mín, sem reyndar er löngu hætt að
vera lítil, hitti Hugo til að ræða um skilnað
foreldra sinna sem hún tók mjög nærri sér.
Henni finnst hann „frábær.“
Eiginlega reiknaði ég með því að þetta
yrði eins og hvert annað viðtal þegar ég fór
og hitti Hugo. Ég hef alltaf verið einkar lagin
við að aðskilja vinnu og einkalíf. Viðtalið
var auðvitað hefðbundið í raun en eftir það
var ég afskaplega glöð. Mér fannst gaman
að hafa hitt manninn sem skipti svo miklu í
lífi mínu þrátt fyrir að ég hefði ekki talað við
hann í árafjöld. Ég sagði honum að ég væri
þakklát fyrir alla hjálpina en það hefur alltaf
legið betur fyrir mér að skrifa en að tala. Nú
segi ég og skrifa: Takk, Hugo.
Dönsku astma- og
ofnæmissamtökin
Astma- og ofnæmisfélagið á Íslandi mælir með vörum frá
FÁÐU GÓÐ RÁÐ VIÐ OFNÆMI
NEUTRAL.IS
Erla
Hlynsdóttir
erla@
frettatiminn.is
50
ár eru liðin síðan fyrsta konan
fór út í geim. Það var sovéski
geimfarinn Valentina Tereshkova.
Alls hafa 57 konur farið út í geim.
51
árs var leikarinn
James Gandolfini
sem lést í vikunni.
Gandolfini var
þekktastur fyrir hlutverk sitt sem
mafíósinn Tony Soprano. Hann
hlaut þrenn Emmy-verðlaun fyrir
leik sinn í The Sopranos.
14
ára sögu
sjón-
varps-
þáttarins Silfurs Egils er lokið.
Egill Helgason stýrði þættinum
í fjögur ár á Skjá einum, önnur
fjögur á Stöð 2 og síðustu sex
árin hefur hann verið á RÚV.
Vikan í tölum
5.000.000
krónur þarf íslenska ríkið að
greiða auglýsingastofunni
J&L eftir dóm Hæstaréttar.
Stofan lagði út í kostnað
vegna Inspired by Iceland-
verkefnisins.
57.000 fermetrar er heildarstærð eigna
félagsins HTO sem Íslandsbanki hefur
auglýst til sölu. HTO á og rekur eignirnar
á Höfðatorgi. Bókfært virði eignanna fyrir
síðasta ár var 14,967 milljónir króna.
57.000
18 viðhorf Helgin 21.-23. júní 2013