Vesturland - 30.05.2013, Qupperneq 10

10 30. maí 2013
Kennarar MK með ungfrú
Snæfellsnes í ferðalag!
Ungfrú Snæfellsnes vill fá að vita hverjir ætla með henni í vorferð 27. maí. Þessi áletrun
er letruð á þetta eintak af ungfrú
Snæfellsnes sem hefur hangið uppi á
kennarastofu Menntaskólans í Kópa-
vogi. Væntanlega hefur leiðin legið
um Snæfellsnes í þessu vorferðalagi
og vonandi hafa starfsmenn mennta-
skólans fengið þokkalegt veður til þess
að njóta útvistar og náttúrufegurðar
Snæfellsnes. Menntaskólinn í Kópavogi
brautskráði nemendur 17. maí sl. svo
nú taka væntanlega við sumarfrí hjá
starfsliði skólans.
Íbúakönnun á Vesturlandi
Samtök sveitafélaga á Vesturlandi, SSV, standa fyrir íbúakönnun á Vesturlandi, eins og gert hefur
verið á þriggja ára fresti frá árinu 2004.
Í þessum könnunum hafa íbúar verið
spurðir um ýmis álitamál sem tengj-
ast þjónustu og aðstæðum þar sem
þeir búa. Niðurstöður og upplýsingar
könnunarinnar hafa reynst mikilvægar
varðandi hvað betur mætti fara varð-
andi þjónustu við íbúa. Að þessu sinni
verður könnunin í fyrsta skipti rafræn
og sparast þannig tilkostnaður við
prentun og annað því tengt. Markmið
er að fá fleiri svör en í fyrri könnunum,
þannig að unnt verði að segja til um
afstöðu íbúanna í hverju sveitarfé-
lagi. En fram til þessa hefur eingöngu
verið hægt að skipta niðurstöðum upp
í fjögur svæði. Íbúar geta tekið þátt
í íbúakönnuninni með að fara inn á
slóðina www.ssv.is/ibuakonnun
Íbúaþróun á Vesturlandi
Búsetuþróun ungs fólks á Vesturlandi
hefur verið nokkuð í takt við þróun
á öðrum stöðum landsins, en fyrsta
manntal á Íslandi var framkvæmt árið
1703. Þá voru 50.358 íbúar á landinu
öllu, þar af 10.339 á Vesturlandi, en
nær 20% landsmanna. 1. janúar sl.
voru íbúar á Vesturlandi 15.368 tals-
ins, eða um 5% þjóðarinnar og hafði
þeim fjölgað um rétt rúmlega 5.000
á 30 árum. Mannfjöldinn í kringum
10.000 íbúa allar götur fram til 1960, ef
frá er talin fækkun á 18. öld en eftir það
fjölgaði íbúum ört fram til ársins 1980
en hægði mjög á fjölguninni eftir það.
Til samanburðar er athyglisvert að
að skoða Vestfirði. Þar voru 7.492 íbúar
árið 1703, eða 15% þjóðarinnar. Þeim
fjölgaði hins vegar jafnt og þétt alla 19.
öldina og voru komnir í 13.397 íbúa
árið 1920. Vestfirðingar voru þá 14%
þjóðarinnar og höfðu nærri því haldið
sinni hlutdeild í heildarmannfjölda á
Íslandi. Eftir það hefur íbúum fækkað
á Vestfjörðum og 1. janúar sl. voru þeir
6.955 talsins, eða rúmlega 500 færri en
árið 1703, og eingöngu 2% þjóðarinnar.
N1 í Borgarnesi:
Góð afþreying
við þjóðveg 1
N1-stöðin í Borgarnesi opnar formlega næsta föstudag, 31. maí og verða heilmikil
hátíðarhöld þann dag í stöðinni og þar
í kring, bæði fyrir börn og fullorðna.
Dagskráin hefst kl. 15.00 með m.a.
að boðið verður upp á skólahreysti
með mini-útgáfu af þrautarbraut,
kynning verður á Sögusetrinu, hand-
verksmarkaður verður á staðnum,
andlitsmálun, hoppukastali, blöðrur,
körfuboltakörfur og veitingar, m.a.
grill með pylsum, ís, gos og smakk.
Um fjögurleytið kemur kór frá
Borgarbyggð og syngur og síðan
verður stöðin vígð eftir ávörp for-
stjóra N1, Eggerts Benedikts Guð-
mundssonar, og sveitarstjóra Borg-
arbyggðar, Páls Brynjarssonar. Síðan
mætir körfuknattleikslið Skallagríms
á svæðið og hljómsveit N1 spilar fyrir
viðstadda.
Forvera N1, Hyrnunni var lokað
í desembermánuði sl. og hætti
Samkaup um leið rekstri í húsinu.
Bensínafgreiðsla og olíuverslun N1
hefur þó verið opin á meðan fram-
kvæmdir stóðu yfir. Hyrnan var allt
frá opnun stöðvarinnar árið 1991
einn af stærstu viðkomustöðum
ferðafólks við hringveginn og mikið
notuð af heimafólki. Ýmsir hafa haft
á orði að sökum mikilla viðskipta
hafi Hyrnan í raun verið andlit hér-
aðsins, fyrsti viðkomustaður fólks á
leið um landshlutann og því mikil-
vægt að mati heimamanna að þar
væri veitt góð þjónusta í snyrtilegu
umhverfi. Hætt verður að kalla húsið
og starfsemi í því Hyrnuna heldur
mun húsið standa undir merkjum
N1 og Nestis, en þar verður hægt
að taka 150 manns í sæti og verður
skemmtilegt útivistar- og leikja-
svæði fyrir börnin beint út af einum
veitingasalnum, en það verður girt af
svo ekki þurfi að hafa áhyggjur að
litlu krílin hlaupi burtu.
Sigurður Guðmundsson, stöðvarstjóri.
Ungfrú Snæfellsnes eins og hún birtist starfsmönnum Menntaskólans í Kópavogi.
Ólafsvík er að sjálfsögðu einn þeirra staða þar sem íbúakönnun fer fram.