Reykjanes - 10.01.2013, Blaðsíða 2

2 10. janúar 2013
Suðurkjördæmi er sterkasta vígi Sjálfstæðisflokksins. Skoðanakannanir síð-ustu mánaða hafa sýnt það ótvírætt að Sjálfstæðisflokkurinn er gífurlega sterkur í Suðurkjördæmi. Núverandi þingmenn flokksins í kjördæminu
Ragnheiður Elín, Unnur Brá og Árni Johnsen geta verið ánægð með þennan
glæsilega árangur. Þessi niðurstaða sýnir að þeim hefur tekist vel að halda á
málstað flokksins og staðið sig vel í að berjast fyrir hagsmunamálum Suðurkjör-
dæmis. Framundan er prófkjör Sjálfstæðisflokksins í Suðurkjördæmi, en það
verður haldið laugardaginn 26. janúar n. k. Það eru 15 einstaklingar sem gefið
hafa kost á sér í prófkjörið. Athygli vekur að af þessum 15 eru aðeins 3 konur
sem gefa kost á sér. Það sjá það allir að það myndi aldrei ganga að í efstu sæti
framboðslistans væru eingöngu karlmenn. Kjósendur í prófkjörinu verða að
sjá til þess að í 6 efstu sætum framboðslistans sitji 3 konur. Annað gengur ekki.
Að viðhafa prófkjör til að velja á framboðslista er ekki gallalaus aðferð en samt
sú lang lýræðislegasta. Stuðningsfólki gefst þannig tækifæri til að setja saman
framboðslista þess fólks sem það telur líklegast að starfa muni af samviskusemi
að hagsmunamálum kjördæmisins og landsins alls. Í vali eru 15 einstaklingar
sem sum eru velþekkt en aðrir eru nú á fullu við að kynna sig, þannig að við
getum betur metið fyrir hvað þau standa.
Miklar líkur eru á því að Sjálfstæðisflokkurinn geti fengið 5 til 6 þingmenn
í Suðurkjördæmi. Það er því eðlilegt að frambjóðendur berjist nú hart til að
ná í eitt af efstu sætunum. Það er ekkert athugavert við að stuðningsmenn
Sjálfstæðisflokksins meti nú hver fyrir sig hvaða frambjóðendur væri nú
best að velja úr þessum 15 manna hópi. Reykjanes hvetur allt stuðningsfólk
Sjálfstæðisflokksins til að mæta á kjörstað og taka þátt í vali á framboðslistans.
Hver og einn getur haft áhrif á það hvernig framboðslistinn lítur út. Það þýðir
lítið að skammast út í framboðslistann ef við sitjum heima og tökum ekki
þátt. Nýtum okkur rétt okkur og höfum áhrif á það hverjir verða þingmenn
Sjálfstæðisflokksins á næsta þingi.
Það eru gífurlega stór mál sem bíða úrlausnar, ESB, fiskveiðistjórnun, rammaá-
ætlun um virkjanir, atvinnuuppbygging, skattalækkanir svo fátt eitt sé upptalið.
Hvaða einstaklingum treystum við best til að fást við þessi stóru mál?
Leiðari
Sterkasta vígi
Sjálfstæðis-
flokksins
Frí blað ið Reykja nes vill gjarn an kom ast í sam band við íbúa Suð ur nesja.
Seg ið ykk ar skoð un með því að senda inn pist il. Send ið inn fyr ir spurn.
Vin sam leg ast send ið okk ur tölvu póst á net fangið asta. ar@sim net.is eða
hring ið í síma 847 2779.

Reykjanes 1. Tbl. 3. áRganguR 2013
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang: amundi@fotspor.is.
framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54,  108 Reykja vík. Auglýsingasími: 578 1190, netfang: auglysingar@fotspor.is.
Ritstjóri: Sigurður Jónsson, netfang: asta. ar@simnet.is, sími: 847 2779. Myndir: Ýmsir. Umbrot: Prentsnið
Prentun: Ísafoldarprentsmiðja. Upplag: 8.000 eintök. dreifing: Íslandspóstur. Vefútgáfa Pdf: www. reykjanesblad.is
reykjanes er dreift í 8.000 eintökum ókeypis í allar íbúðir á reykjanesi.
Viltu segja skoðun þína?
VSFK AFmæLiSrit 80 árA
Út er komið aafmælisrit Verka-lýðs og sjómannafélags Keflavíkur og nágrennis. Blað-
ið er gefið út í tilefni af 80 ára afmæli
félagsins. Stútfullt blað af fróðlegu efni
um sögu og baráttu VSFK. Það er góð
og lærdómsrík lesning að kynna sér þá
hörðu baráttu sem verklýðshreyfinguin
háði til að ná fram bættum kjörum og
réttindum. Hlutum sem okkur finnast
sjálfsagðir í dag en gerum okkur ekki
grein fyrir hversu hart þurfti að berjast til
að ná þeim fram. Reykjanes sendir VSFK
hamingjuóskir á merkum tímamótum.
15 tAKA þátt í próFKjöri
í SuðurKjördæmi
- Prófkjörið fer fram
laugardaginn 26. janúar 2013
Fimmtán manns gefa kost á sér í prófkjöri Sjálfstæðisflokksins í Suðurkjördæmi sem fram fer
laugardaginn 26. janúar 2013. Fram-
bjóðendur í stafrófsröð:
• Árni Johnsen, alþingismaður, Vest-
mannaeyjum
• Ásmundur Friðriksson, f. v. bæjar-
stjóri, Garði
• Friðrik Sigurbjörnsson, nemi og
varabæjarfulltrúi, Hveragerði
• Geir Jón Þórisson, f. v. yfirlögreglu-
þjónn, Vestmannaeyjum
• Halldór Gunnarsson, f. v. sóknar-
prestur, Hvolsvelli
• Hulda Rós Sigurðardóttir, meistar-
anemi í opinberri stjórnsýslu, Höfn
í Hornafirði
• Kjartan Þ. Ólafsson, f. v. alþingis-
maður, Ölfusi
• Magnús B. Jóhannesson, fram-
kvæmdastjóri, Reykjanesbæ
• Magnús Ingberg Jónsson, atvinnu-
rekandi, Selfossi
• Oddgeir Ágúst Ottesen, hagfræðing-
ur, Hveragerði
• Ragnheiður Elín Árnadóttir, al-
þingismaður, Reykjanesbæ
• Reynir Þorsteinsson, löggiltur fast-
eigna-, fyrirtækja- og skipasali,
Garði
• Unnur Brá Konráðsdóttir, alþingis-
maður, Hvolsvelli
• Vilhjálmur Árnason, lögreglumaður,
Grindavík
• Þorsteinn M. Kristinsson, lögreglu-
maður og sveitarstjórnarmaður,
Kirkjubæjarklaustri
Utankjörfundaratkvæðagreiðsla
hefst miðvikudaginn 2. janúar 2013.
Hægt verður að kjósa bæði á skrif-
stofu Sjálfstæðisflokksins í Valhöll,
Háaleitisbraut 1 í Reykjavík, og víða
í kjördæminu.
SóLriSu-
KAFFi í
SAndgerði
Sunnudaginn 13. janúar verður sólrisukaffi í Sandgerði. Messa verður í Safnaðarheimilinu í
Sandgerði kl. 14:00 í tengslum við
sólrisukaffi Félags eldri borgara
á Suðurnesjum og Kvenfélagsins
Hvatar. Messan er öllum opin og eru
eldri borgarar sérstaklega hvattir til
þátttöku. Kaffi og skemmtum verð-
ur svo í Samkomuhúsinu kl. 15:00.
Léttur
FöStudAgur
Á morgun föstudaginn 11. jan-úar verður heljarinnar fjör
á Léttum föstudegi á Nesvöllum.
Guðmundur Ingólfsson og félagar
ætlað skemmta gestum. Sem sagt
Léttur föstudagur á Nesvöllum
kl. 14:00. Kaffihúsið opið. Allir vel-
komnir.
HVALSneSKirKjA VArð
125 árA á jóLAdAg S.L.
Hvalsneskirkja er í Útskála-prestakalli. Ketill Ketilsson hreppstjóri í Kotvogi og
eigandi Hvalsnesjarðarinnar lét reisa
kirkjuna og var hún vígð á jóladag 1887
Kirkjan er hlaðin úr tilhöggnum steini
sem var fenginn í nágrenninu. Magnús
Magnússon frá Gaukstöðum í Garði
var byrjaður á verkinu en drukknaði
veturinn 1887 og þá tók við verkinu
Stefán Egilsson úr Reykjavík. Þeir höfðu
lært að hlaða steinveggi þegar unnið var
við byggingu Alþingishússins. Magnús
Ólafsson sá um tréverk og var notaður
rekaviður og viður úr timburskipinu
Jamestown er rak upp í Höfnum 1881.
Prédikunarstóllinn er talin vera úr skip-
inu því slíkur viður hafi einungis fengist
frá Ameríku en þaðan var Jamestown.
Altaristaflan er eftirgerð af Dóm-
kirkjutöflunni máluð 1886 og sýnir
upprisuna.
Einn merkasti gripur kirkjunnar er
legsteinn Steinunnar Hallgrímsdóttur
sem dó á fjórða ári (1649). Hún var
dóttir Hallgríms Péturssonar (1614-
1674) mesta sálmaskálds Íslendinga
sem þjónaði í Hvalsnessókn 1644-1651.
Hellan var týnd lengi vel en Guðmund-
ur á Bala og Gísli á Hvalsnesi fundu
hana er verið var að endurgera stéttina
fyrir framan kirkjuna. Árið 1910 höfðu
sagnfræðingar gert mikla leit að stein-
inum án árangurs. Steinninn (hellan)
hefur nú sinn sess inni í kirkjunni.
Sigurður Grétar Sigurðson er nú
sóknarprestur í Hvalsneskirkju. Helgi-
hald er að jafnaði mánaðarlega á móti
Safnaðarheimilinu í Sandgerði. Kirkj-
an er einnig mikið notuð fyrir helgi-
athafnir eins og skírnir og giftingar. Ein
til tvær fermingarathafnir hafa farið
fram þar undanfarin ár. Stundum fara
fram kistulagningar í kirkjunni þó
útfararathöfnin sé í Safnaðarheimil-
inu. Kirkjan er lítil en tekur þó um 110
manns í sæti og fleiri með aukastólum.
Hvalsneskirkja hefur mikið að-
dráttarafl. Reynir Sveinsson er leið-
sögumaður og jafnframt formaður
Sóknarnefndar. Hann segir fólk heill-
ast mjög af kirkjunni og stórir hópar
komi stundum daglega yfir sumartím-
an gagngert til að skoða hana.
Fólk hefur á orði hve hlýleg og falleg
hún sé. Silla.
Fréttatilkynning