Reykjanes - 10.01.2013, Blaðsíða 8

8 10. janúar 2013
reyKjAneSbær eKKi í
Hópi 19 SVeitArFéLAgA
með erFiðuStu Stöðu
Jöfnunarsjóður sveitarfélaga, sem nýlega tilkynnti um aukaframlög úr sjóðnum, telur Reykjanesbæ
ekki í hópi sveitarfélaga sem þurfa sér-
stök aukaframlög vegna erfiðrar stöðu.
Til þess að sveitarfélög njóti sérstaks
aukaframlags sem í heild er að upphæð
kr. 350 milljónir þarf sveitarfélag ým-
ist að vera með hátt skuldahlutfall og
þá veltufé frá rekstri undir 3%-7,5%,
með lakari íbúaþróun en hjá Reykja-
víkurborg árin 2007-2011 eða vegna
sérstakra fjárhagserfiðleika þar sem
Álftanes fellur eitt undir.
Reykjanesbær uppfyllir ekkert
þessara skilyrða þrátt fyrir hátt skulda-
hlutfall og nýtur því ekki sérframlaga.
Þau 19 sveitarfélög sem njóta sér-
framlaga undir þessum liðum, ýmist
vegna hás skuldahlutfalls og veltufjár-
vanda eða neikvæðrar íbúaþróunar,
eru: Álftanes, Sandgerðisbær, Borg-
arbyggð, Grundafjarðarbær, Stykkis-
hólmsbær, Bolungarvíkurkaupstaður,
Ísafjarðarbær, Vesturbyggð, Sveitar-
félagið Skagafjörður, Blönduósbær,
Norðurþing, Langanesbyggð, Seyðis-
fjarðarkaupstaður, Fjarðarbyggð,
Breiðdalshreppur, Djúpavogshreppur,
Fljótsdalshérað, Mýrdalshreppur og
Rangárþing Ytra.
„Það er ánægjulegt að unnt er að
veita þeim sveitarfélögum aukastuðn-
ing sem falla undir þessi skilyrði og
enn ánægjulegra að Reykjanesbær, sem
hefur fengið sinn skerf af fjölmiðla-
umræðu vegna erfiðrar stöðu, skuli
ekki metinn í þeim hópi“ segir Árni
Sigfússon, bæjarstjóri.
(Heimasíða Rnb. )
póLitíKin KoStAr Sitt
43.938.331 krónur.
Pólitíkin í Garðinum hefur á þessu kjörtímabili mikið verið í umræðunni og vakið lands-
athygli. Ekki er ég nú viss um að það
hafi verið neitt sérstakt fagnaðarefni
fyrir íbúa Garðsins eða Suðurnesja.
Sífelld átök, upphrópanir, brottrekstur
embættismanna og tíð meirihlutaskipti
hafa ekki skapað gott orðspor fyrir
Garðmenn. Allt þetta brölt og órói
hefur kostað bæjarbúa verulegar fjár-
æðir. Skipti á skólastjóra og bæjarstjóra
með starfslokagreiðslum kosta mikið.
Það hlýtur að vera umhugsunarefni að
starfsmenn sem aðeins hafa starfað í
2-3 ár hjá sveitarfélagi fái tugi milljóna
fyrir það að vera látnir fara. Bæjar-
fulltrúar sem taka svona ákvarðanir
bera mikla ábyrgð. Alls kosta þessar
mannabreytingar í Garðinum með lög-
fræðikosnaði kr. 43.938.331. Nokkuð
stór upphæð tæpar 44 milljónir fyrir
lítið sveitarfélag. Pólitíkn kostar sitt,
sem íbúar þurfa að greiða.
gLæSiLegur árAngur nemendA í reyKjAneSbæ
Yfir 90 nemendur úr Reykjanes-bæ eru á meðal þeirra 10% nemenda á öllu landinu sem
hlutu hæstu einkunnir á samræmd-
um prófum á haustönn 2012. Þetta
gerist um leið og grunnskólanemar
Reykjanesbæjar náðu almennt mjög
stórstígum framförum á samræmdum
prófum í haust.
Árni Sigfússon, bæjarstjóri, veitti
hópnum viðurkenningarskjöl í til-
efni þessa frábæra námsárangurs í
Víkingaheimum í gær að viðstödd-
um foreldrum, öfum og ömmum og
forsvarsmönnum grunnskólanna. Það
voru nemendur í 4. ,7. og 10. bekk
grunnskólanna í Reykjanesbæ sem
þreyttu samræmd próf sl. haust, alls
614 nemendur. Prófin eru framkvæmd
með sama hætti um allt land og fara
fram í íslensku, stærðfræði og ensku.
Í ávarpi Árna bæjarstjóra lagði hann
áherslu á mikilvægi þess að viðurkenna
hinn frábæra árangur sem þessir nem-
endur væru að sýna og væru þannig
umhverfi sínu og samfélaginu til sóma
og mikil hvatning fyrir aðra nemend-
ur. Í þessum hópi væru jafnan sterkir
forystumenn til framtíðar jafnt á sviði
lista, íþrótta, vísinda og félagslegrar
þátttöku.
Árni gat þess einnig að aðgerðir til
að mæla árangur í skólastarfi væru
langt frá því bundnar við mælingar
á samræmdum prófum í íslensku,
stærðfræði eða ensku. Margir nem-
endur hefðu t. d. sýnt frábæran ár-
angur á tónlistarsviðinu, og mikið
af ungu tónlistarfólki væri nú að
láta að sér kveða í þjóðlífinu eftir að
grunnur var lagður í Tónlistarskóla
Reykjanesbæjar. “Við eigum tónlist-
armenn í fjölmörgum tónsveitum sem
eru að gera garðinn frægan um þessar
mundir”, sagði Árni. Þá nefndi hann
að það væru hvorki meira né minna
en 240 Íslandsmeistarar á þessu ári
á íþróttasviðinu frá Reykjanesbæ.
Ekki síst væru miklir afreksmenn í
grunnskólum Reykjanesbæjar sem
m. a. kæmi fram í frábærum árangri
í Hreystikeppni grunnskóla, þar sem
grunnskólar úr Reykjanesbæ væru
í fremstu röð. Þá mætti minna á að
margir nemendur væru frábærir verk-
menn og þannig mætti áfram telja.
Með samræmdu prófunum er þó skýr
mæling sem væri með sama hætti um
allt land og því hentugur mælikvarði.
FjöLdi Við árAmótAbrennu
Að venju var glæsileg áramóta-brenna við Víðisvöllinn í Garðin- um. Fjöldi fólks mætti til að horfa á brennuna, sem var hin glæsilegasta. Einnig var boðið uppá ágætis flugelda-sýningu.
HugmyndAFLug í
jóLASKreytingu
Þessi skemmtilega skreyting sást í Garðinum nú um jólin. Það þarf
hugmyndaflug til að láta sér detta
svona í hug. Skemmtileg og frumleg
jólaskreyting.
FAxi í 72 ár
Jólablað Faxa 2012 er eins og ávallt vandað blað. Fjölbreytt og skemmtilegt lesefni. Á forsíðu
stendur að þetta sé 72. árgangur. Það
er mikið afrek að blað eins og Faxi
hafi lifað svo lengi. Fyrir Suðurnesin
er frábært að eiga svona blað sem
varðveitir söguna um ókomna tíð.