Dagblaðið Vísir - DV - 18.06.2007, Blaðsíða 6

MÁNudagur 18. JÚNÍ 20076 Fréttir DV
Amast ekki við
Miðhúsabraut
Lagning nýs vegar á Akureyri,
Miðhúsabrautar, verður ekki háð
mati á umhverfisáhrifum. Um-
hverfisráðuneytið hefur staðfest
þann úrskurð Skipulagsstofnun-
ar frá í nóvember en hann var
kærður til ráðuneytisins og farið
fram á að framkvæmdin yrði háð
slíku mati.
Fyrirhugað er að gatan verði
1.850 metra löng og 7,5 metra
breið tengibraut með einni ak-
rein í hvora átt, frá Hlíðarbraut
vestan Mjólkursamlags austur að
gatnamótum við Mýrarveg.
Íslenskir fjárfestar hafa fest kaup
á sögufrægri byggingu í Belgravia
hverfinu í London fyrir um tíu millj-
arða króna, en frá þessu greinir fast-
eignablaðið Property Week. Hús-
ið sem er við Grosvenor Crescent
er samtals um 6,000 fermetrar að
stærð en byggingin mun innihalda
alls 14 lúxusíbúðir en ráðgert er
að framkvæmdum muni ljúka árið
2009. Húsið var upphaflega byggt
sem íbúðarhús á fyrri hluta 19. ald-
ar, en breski Rauði krossinn hafði
aðsetur í húsinu frá lokum síðari
heimsstyrjaldarinnar og var því þá
breytt í skrifstofubyggingu. Fjár-
festingarfélagið Blackstone keypti
húsið af Rauða krossinum árið 2005
fyrir um 4,5 milljarða og sótti um
leyfi til að breyta því í íbúðarhús-
næði og voru arkitektar ráðnir til
þess að breyta útliti þess. Nú hefur
fyrirtækið Zegna III Holdings sem
sagt er vera í eigu Íslendinga keypt
húsið fyrir rúmlega helmingi hærri
upphæð. Hverfið sem um ræðir er
eitt dýrasta hverfi Lundúna en það
er rétt fyrir utan Hyde Park, þar sem
Harrods hefur höfuðstöðvar sínar.
Minnsta íbúðin í húsinu er um 570
fermetrar en sú stærsta er rúmlega
1000 fermetrar að stærð. Íbúðirnar
eru allar á sex hæðum ásamt kjallara
en stærsta hæðin í einni íbúðinni
er um 270 fermetrar. Byggingarnar
sem um ræðir voru allar byggðar í
sögulegum stíl en Belgravia hverf-
ið í London er þekkt fyrir sérstakan
arkitektúr.Lagt verður upp með að
halda því einkenni þegar bygging-
arnar fara í sölu.
einar@dv.is
Íslenskir fjárfestar hafa fest kaup á sögufrægri byggingu í London:
Tíu milljarða lúxusíbúðir í London
Lúxus Hér gefur að líta lúxusíbúðirnar sem íslenskir fjárfestar keyptu.
Atvinnuleysi
mest á Suður-
nesjum
Aðeins mældist 1,1 prósent
atvinnuleysi í maí samkvæmt
upplýsingum frá Vinnumála-
stofnun en það jafngildir því að
1.759 hafi að jafnaði verið án
atvinnu í mánuðinum. Frá því í
apríl á síðasta ári hefur atvinnu-
lausum fækkað um 107 manns
en á sama tíma í fyrra mældist
atvinnuleysi 1,3 prósent.
Aðeins meira atvinnuleysi var
á meðal karla en það mældist
0,8 prósent bæði á höfuðborg-
arsvæðinu og á landsbyggð-
inni. Mest atvinnuleysi er meðal
kvenna á Suðurnesjum eða 4
prósent. Á landsbyggðinni allri
mældist atvinnuleysi kvenna 2
prósent en 1,1 prósent á höfuð-
borgarsvæðinu.
InnlendarFréttIr
ritstjorn@dv.is
Þrjár íbúðir seld-
ar dag hvern
Alls voru 88 kaupsamningar
þinglýstir á Akureyri í maímán-
uði en þetta kemur fram á vef
Fasteignamats ríkisins. Þar af
voru 47 kaupsamningar um eign-
ir í fjölbýli en meðalupphæð á
hvern samning var 20,6 milljónir
króna.
Á Árborgarsvæðinu var alls 78
samningum þinglýst þar af voru
sautján um eignir í fjölbýli. Með-
alupphæð á hvern samning var
21,1 milljón króna. Á Akranesi
var 46 kaupsamningum þinglýst
og þar af var 35 samningum um
fjölbýli þinglýst. Meðalupphæð
á hvern samning á Akranesi var
20,5 milljónir króna. Athygli er
vakin á því að meðalupphæð
kaupsamnings segir ekki til um
verðþróun. Þetta er vegna þess
að hver kaupsamningur getur
verið um fleiri en eina eign auk
þess sem stærð og aldur eigna
hefur áhrif.
Faðir fjórtán ára stúlku segir dóttur sína niðurbrotna eftir að starfsmaður barnavernd-
arnefndar hafi náð í hana í fylgd einkennisklæddra lögreglumanna í sjoppu í Grafar-
holti. Starfsmaður Barnaverndarnefndar Reykjavíkur segir vinnubrögðin ekki yfir
gagnrýni hafin.
SETT INN Í LÖGREGLUBÍL
FYRIR FRAMAN VINI SÍNA
„Það komu tveir einkennisklæddir
lögreglumenn í sjoppu í Grafarholt-
inu, ásamt einhverri manneskju sem
sagðist vera frá Barnaverndarnefnd
Reykjavíkur, og tóku fjórtán ára
gamla dóttur mína og hentu henni
inn í merktan lögreglubíl,“ segir Karl
M. Karlsson, faðir unglingsstúlku í
Reykjavík.
Karl, sem ekki hefur forræði yfir
dóttur sinni, hefði ekki vitað af þessu
nema af því að dóttir hans hringdi í
hann í uppnámi en þá var búið að
færa hana á Stuðla. Hann segist eng-
in svör fá frá barnaverndarnefnd um
af hverju dóttir hans hafi verið tekin
og ekki heldur frá móður hennar sem
hann segir ekki svara símhringingum
sínum. Um klukkan fimm á föstudag
átti svokölluð pabbahelgi að hefjast
án þess að Karl hefði nokkuð heyrt af
því sem kom fyrir dóttur hans.
Finnst brotið gegn dóttur sinni
„Að fjarlægja hana í lögreglu-
fylgd með þessum hætti er hundr-
að prósent brot gegn barninu og
það er líka brot á upplýsingaskyldu
gagnvart mér að ég fái ekkert að vita
um ástæður þessa. Hún var grát-
andi, mjög hrædd og vildi láta sækja
sig,“ segir Karl. Hann fær smáskila-
boð frá dóttur sinni sem biður hann
um að hjálpa sér, en hann upplifir
sig hjálparlausan að geta ekkert gert
til þess að rétta henni hjálparhönd.
„Hún var gjörsamlega niðurbrotin
eftir að hafa verið niðurlægð með
þessum hætti fyrir framan vinkon-
ur sínar úr unglingavinnunni,“ seg-
ir Karl sem telur ekki gott fyrir dótt-
ur sína að vera rifna út úr umhverfi
sínu.
Karl segir móður stúlkunnar hafa
margsinnis brotið á umgengisrétti
hans við börn sín, þó hann hitti dótt-
ur sína reglulega þar sem hún er á
fimmtánda ári og geti því sjálf komið
til hans af og til.
Hefði mátt lágmarka
áfall stúlkunnar
Vilborg Þórarinsdóttir, hjá Barna-
verndarnefnd Reykjavíkur, segir að
oftast sé óskað eftir því að lögreglu-
menn séu óeinkennisklæddir þegar
þeir eru fengnir í verkefni sem þetta.
Hún rengir ekki að lögreglan hafi
verið einkennisklædd í þessum til-
felli og hún segist ekki vita hvort ósk-
að hafi verið eftir því eða ekki.
„Auðvitað er ekki gripið til slíkra
aðferða nema búið sé að reyna allt
annað. Ég skil vel ef ekki eru all-
ir sáttir við hvernig farið var að en
stundum eru ekki aðrar leiðir til
þess að fara. Við þurftum að koma
höndum yfir stúlkuna til að reyna
að tryggja að hún fái eðlilega skóla-
göngu og eðlilegt líf,“ segir Vilborg.
Hún segir aðgerðir sem þessa, hluta
af þeirri vinnu sem auðvitað sé mjög
vandasöm og ekki yfir gagnrýni haf-
in. „Ef þetta fór fram með þessum
hætti hefði mátt minnka áfall stúlk-
unnar með því að lögreglumennirnir
væru óeinkennisklæddir, við tökum
gagnrýnina til okkar,“ segir Vilborg
en bendir á að aðalmálið hafi verið
að ná til stúlkunnar.
Hjördís rut sigurjónsdóttir
blaðamaður skrifar: hrs@dv.is
Verslunarkjarni í
grafarholti Stúlkunni
fannst hún niðurlægð og
biður föður sinn um hjálp.