Dagblaðið Vísir - DV - 18.06.2007, Blaðsíða 10

1. Mætir menningargarpar fara í stúdentakjallara
og koma út sannfærðir um að ljóðið sé dautt, enda
hafa þeir ekki heyrt annað en órímað klám. Áfall
þeirra er svipað því ef knattspyrnubulla heyrði að farið
væri að selja fótboltakappa á svörtum undir markaðs-
verði. Ekki er um annað rætt á „klakanum“ en niður-
stöðuna, greinar skrifaðar og boðaföll í blogginu. Allir
sammála en upp úr gnæfir sá með silfurtunguna, enda
segist hann vera meira að segja skyldur Jóni Helgasyni
sem notaði aldrei orðið ljóð heldur kvæði, þótt orð-
ið ljóð hafi verið til í forngermönsku en ekki með ís-
lenskri stafsetningu. Óþarft er að skærasta silfurtunga
landsins styðji sig með frændum, að hún treysti skoð-
un sína með þekktum breskum gremjubelg er ógæfa.
En jafnvel frumlegustu mönnum hættir til að nota
orðaleppa og segja: Allt er dautt en lifir samt. Ljóðið
er dautt, ljóðskáldin lifa. Við skulum samt eiga bjarta
framtíð fram í dauðann.
2. Nú er í tísku og gott fyrir hag gamalmenna
að fara á torg og taka út úr sér góminn öðrum til
skemmtunar. Fólk flykkist að og kastar peningum í
plastdollur eftir atriðið. Gamalmennin græða. Þetta
er skattfrjálst einkaframtak. Ungt fólk og ferðamenn
njóta þess að sjá góminn koma út á milli varanna.
Heimshornaflakkarar taka myndir af „aburðinum“
á tíu þúsund pixelavélar. Þetta er auðvitað ekki enn
komið til Íslands en væri tilvalið á Listahátíð.
3. Ekki heldur eru komnar samstöðugöngur í
stað mótmæla. Þær ýkja hið almennt viðurkennda
og gera það hlægilegt. Tökum dæmi: Í staðinn fyrir
að mótmæla álverum er mælt með fleiri. Í göngunni
er maður sem líkir með trúboðssvip eftir til dæmis
þekktum prófessor í nýfrjálshyggju og leiðir sér við
hönd ráðherra úr Samfylkingunni en fyrrum forsæt-
isráðherra fer ráðsettur á undan eins útfararstjóri.
Á eftir trítlar ríkisstjórnin og kjósendur sem veifa
flokksfánum og hrópa: Landshorn og landsmenn
lúta álverum! Nú kann einhver að spyrja: Ber þessi
nýja aðferð árangur? Að sjálfsögðu ekki. Mótmæli
hafa aldrei borið árangur en samstöðugöngur hafa
lamandi áhrif á pólitíska athafnadólga, ekki athafna-
skáld. Þau og ljóð þeirra eru örugglega dauð.
Forsætisráðherra og forseti Alþingis gerðu báðir vanda sjávarútveg-
arins að umtalsefni í hátíðarræðum sínum á þjóðhátíðardegi okkar Ís-
lendinga í gær. Annar á Austurvelli og hinn á Ísafirði.
Þeir viðurkenndu þá erfiðleika sem smærri byggðarlög ættu nú í sem
er að miklu leyti tilkomnir vegna fiskveiðistjórnunarkerfisins. Sturla
Böðvarsson, forseti Alþingis, talaði á Ísafirði, bæjarfélagi sem gengið
hefur í gegnum erfiðleika í atvinnumálum á undanförnum árum. Þar
sagði hann meðal annars að áform okkar um að byggja upp fiskistofn-
ana með kvótakerfinu sem stjórnkerfi fiskveiða virtist hafa mistekist og
þörf væri á allsherjar uppstokkun á kvótakerfinu. Geir H. Haarde virtist
á annarri skoðun. Hann sagði á því engar líkur að annað kerfi fiskveiða
hefði takmarkað veiðarnar meira en það sem nú gildir.
Sturla sagði að margt benti til þess að aflaheimildir safnist á hend-
ur fárra útgerða. Í nafni hagræðingar láti þær skip sín landa í útflutn-
ingshöfnunum og herða enn frekar á þenslunni í atvinnulífinu þar.
Það muni koma hart niður á þeim
byggðum sem allt eiga undir veið-
um og vinnslu sjávarfangs. Geir
talaði hins vegar um kosti hag-
ræðingarinnar og bættri afkomu
fyrirtækja af þeim sökum. „Við
skulum hins vegar ekki loka aug-
unum fyrir því að kvótakerfið er
ekki fullkomið fremur en önnur
mannanna verk, og það má ugg-
laust bæta á margan hátt,“ sagði
hann.
„Vísindamennirnir segja að
við höfum veitt of mikið úr sjón-
um. Samt sem áður er háværasta
gagnrýnin á núverandi fiskveiði-
stjórnarkerfi að menn fái ekki að
veiða meira og meira,“ sagði Geir.
Þessari skoðun skal hér mótmælt.
Háværasta gagnrýnin á fiskveiðistjórnunarkerfi okkar beinist ekki að
því að ekki megi veiða meira úr sjónum en vísindamenn telja að fiski-
stofnarnir þoli. Hún beinist mun fremur að því að eftir að tilfærsla og
framsal aflaheimilda var heimiluð gafst útgerðarmönnum tækifæri til
að versla með kvóta að vild óháð því hvaða áhrif það hefði á minnstu
sjávarbyggðirnar að kvótinn hyrfi þaðan smám saman, eins og gerst
hefur.
Það fer ekki á milli mála að kvótinn hefur safnast á hendur fárra.
Taka má undir þau sjónarmið forsætisráðherra að tilfærsla og framsal
aflaheimilda hafi óbeint orðið til þess að verðmæti í sjávarútvegi hafi
aukist umtalsvert. Þetta er því tvíeggjað sverð. Aukin hagræðing felur í
sér aukin verðmæti fyrir stórútgerðarmennina - og þjóðarbúið meðal
annars í formi aukinna skattekna - en hún hefur um leið neikvæð áhrif
á afkomu þeirra byggðarlaga sem misst hafa frá sér kvóta, svo ekki sé
talað um afkomu þeirra einstaklinga og fjölskyldna þeirra sem misst
hafa vinnu sína einmitt af þessum sökum.
Í ræðu sinni boðaði forsætisráðherra að ákvörðun sjávarútvegs-
ráðherra um aflaheimildir næsta árs yrði ekki tekin með fiskifræðileg
sjónarmið í huga, heldur yrði einnig tekið tillit til þeirra byggðarlaga
sem verst standa. Það er því ljóst að ríkisstjórnin ætlar að bregðast við
vanda sjávarbyggðanna. Spurningin sem eftir stendur er samt enn sem
áður: Hvernig? Ætlar ríkisstjórnin að auka kvóta þeirra sjávarbyggða
sem eiga í erfiðleikum, eins og lesa mátti úr orðum forsætisráðherra?
Það yrði aðeins skammtímalausn. Eða ætlar hún að hugsa til lengri
tíma og aðstoða byggðarlögin við að skapa sér atvinnutækifæri til fram-
tíðar? Það er eina leiðin.
Sigríður Dögg Auðunsdóttir
MÁNudagur 18. JÚNÍ 200710 Umræða DV
Lausn til framtíðar
ÚtgáfuféLag: Dagblaðið-Vísir útgáfufélag ehf.
Stjórnarformaður: Hreinn Loftsson framkVæmDaStjóri: Hjálmar Blöndal
ritStjóri og áByrgðarmaður: Sigurjón m. Egilsson
fuLLtrÚi ritStjóra: janus Sigurjónsson
Umbrot: dV. Prentvinnsla: Prentsmiðja Morgunblaðsins. Dreifing: Árvakur. dV áskilur sér rétt til að
birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð.
fréttaStjóri: Brynjólfur Þór guðmundsson
aðStoðarritjóri: Sigríður Dögg auðunsdóttir augLýSingaStjóri: auður Húnfjörð
áföll og stóráföll
Smekklegur ritstjóri?
Reynir Traustason, ritstjóri Mann-
lífs, kemur óvart upp um óra sína
á færslu á síðunni sinni, mannlif.
is, þann 15. júní. Þar talar hann
um lista sem Geiri í Goldfinger af-
henti Guðríði Arnardóttur, odd-
vita Samfylk-
ingarinnar í
bæjarstjórn
Kópavogs, með
nöfnum og
símanúmer-
um stúlknanna
sem dansa á
súlustaðnum. Í
færslunni seg-
ir að „margur myndi gefa af sér
hægri höndina til að komast yfir
[listann]“. Þá segir: „ sjálfsagt gæti
margur karlmaðurinn hugsað sér
að slá á þráðinn til stúlknanna á
þessu blaði til þess að heyra með
þeirra eigin orðum hvað þær hafa
upp á að bjóða.“ Einnig segir: „listi
með tugum símanúmera súlu-
dansmeyja hlýtur að hljóma eins
og blautur draumur [...]“ Smekk-
legur, hann Reynir?

Oddatá
Vestfirðingar eru alveg með það
á hreinu hvaðan nafnið á nýja
fiskvinnslufyrirtækinu á Flateyri,
Oddatá, er
komið. Jú, það
heitir auðvitað
í höfuðið á Flat-
eyringnum og
þingmannin-
um Einari Oddi
Kristjánssyni.
Fyrirtækið heit-
ir því „Odda“ af
því að hann heitir Einar Oddur. Og
„tá“ af því að Einari Oddi þykir svo
gott að fá sér í tána! „Odda-tá!“ Þeir
eru svo sniðugir, þessir Vestfirðing-
ar.
Sex prósenta maðurinn
Það er merkilegt hvað sex prósent
í sveitarstjórnarkosningum geta
skilað miklu. Björn Ingi Hrafns-
son, borgarfulltrúi Framsóknar-
flokksins, er nánast alls staðar. Það
er ekki nóg með að hann hreinlega
ætti sjómannadaginn, svo mikið
fór fyrir ræðu
hans þann
daginn, heldur
toppaði hann
nánast sjálfa
Fjallkonuna á
sautjánda júní
hátíðarhöld-
unum í gær.
Ræða hans
var ekki síður þjóðlega innblásin
en fjallkonuræðan, og hafa menn
spurt sig að því hvort Björn Ingi
hefði ekki hreinlega tekið að sér
hlutverk Fjallkonunnar hefði hann
verið af öðru kyni. Sömu menn
spyrja sig einnig að því hvað við
hefðum kallað yfir okkur, hefði
Björn Ingi fengið átta prósent. Væri
hann þá að lesa fréttirnar í útvarp-
inu líka?
Stefnir í keppni?
Ljóst er af sumarþingi að Kristinn
H. Gunnarsson mun láta til sín taka
í ræðustóli á
komandi þing-
vetri. Á þess-
um fáu dögum
sem Kristinn
H. hefur set-
ið á þingi sem
fulltrúi Frjáls-
lynda flokks-
ins talaði hann
meira en allir hinir þrír þingmenn
flokks síns til samans. Það er spurn-
ing hvort Kristinn H. sé að hita upp
fyrir keppni við ræðumeistara síð-
asta árs, Jón Bjarnason, þingmann
Vinstri-grænna, sem talaði lengst
allra þingmanna, rétt um sólar-
hring. Það yrði spennandi viður-
eign.
Sandkorn
Gagnrýnin beinist mun
fremur að því að eftir
að tilfærsla og framsal
aflaheimilda var heimil-
uð gafst útgerðarmönn-
um tækifæri til að versla
með kvóta að vild óháð
því hvaða áhrif það
hefði á minnstu sjávar-
byggðirnar að kvótinn
hyrfi þaðan smám sam-
an, eins og gerst hefur.
Dugguvogi 12 - 104 Reykjavík - S: 517 7040 - www.hobbyhusid.is
Opnunartími: mán-föst 10.00-18.00, laugard 13.00-17.00, sunnud 13.00-16.00
Mikið úRval
af hjólhýSuM
verð frá 1.690.000
og húsbílar verð frá 4.990.000
Skoðaðu úrvalið hjá okkur.
GuðberGur berGSSOn
rithöfundur skrifar
„Nú er í tísku og gott fyrir hag gam-
almenna að fara á torg og taka út úr
sér góminn öðrum til skemmtunar.
Fólk flykkist að og kastar peningum í
plastdollur eftir atriðið. Gamalmennin
græða. Þetta er skattfrjálst einkafram-
tak. Ungt fólk og ferða-
menn njóta þess að
sjá góminn koma út á
milli varanna.“
Brautarholti 26 · 105 Reykjavík · 512 7000 · dv@dv.is
DV greiðir 2.500 krónur fyrir þau fréttaskot sem
leiða til frétta. Fyrir besta fréttaskot hverrar viku
eru greiddar 5.000 krónur og 10.000 fyrir besta
fréttaskot mánaðarins.
512 7070
frettaskot@dv.is