Dagblaðið Vísir - DV - 02.08.2007, Page 51
DV Ferðalög fimmtudagur 2. ágúst 2007 51
U m s j ó n : B a l d u r G u ð m u n d s s o n . N e t f a n g : b a l d u r @ d v . i s
á ferðinni Vissir þú......að rúmlega 20 þúsund Íslendingar hafa skotvopnaleyfi. Það gerir um 6 prósent þjóðarinnar. Erfitt er að fullyrða nákvæmlega um fjölda veiðimanna en skotveiðifé-lag Íslands áætlar að um 10 þúsund manns stundi skotveiðar að einhverju marki á Íslandi. Haustin eru tími veiðimanna og því má ætla að margur Íslendingurinn sé
farinn að huga að skipulagningu veiðiferða víðsvegar um landið.
Hreindýraveiðin hafin
Hreindýraveiðar hafa farið ágætlega af
stað í sumar, en færri komast að en
vilja. Eftirspurnin eftir veiðileyfum er
mikil og biðlistar eftir leyfum langir.
tarfaveiðin byrjaði 15.júlí en þegar
þetta er skrifað hafa 66 tarfar verið
felldir á þeim tveimur vikum sem
liðnar eru frá því veiðar hófust.
Veiðitímabilið á törfum er tveir
mánuðir en einn og hálfur á kúm en
ekki má skjóta hreindýr lengur en til
15. september. Kvóti hreindýraveiða í
ár telur 1137 dýr sem skiptist í 557 kýr
og 560 tarfa, sem þýðir að 12 prósent
tarfa hafa þegar verið felld.
„Mér leist nú ekkert á blikuna þegar
þeir fóru að tala um að ganga Lauga-
veginn, 36 tíma göngutúr á tveimur
dögum,“ segir Hlynur Þór en viður-
kennir að hann hafi ekki kunnað við
að guggna. „Ég hélt að þeir myndu
vilja skreppa í smábíltúr norður í land
eða eitthvað slíkt, gista á hótelum og
njóta þess að slappa af, en nei, Lauga-
vegurinn skyldi genginn sama þótt ég
reyndi á mjög lúmskan hátt að koma
styttri og þægilegri ferðalögum að.“
Hlynur segir að hann hafi sjaldan
eða aldrei séð jafnskipulagða menn
og Danina þrjá. „Þeir voru greinilega
búnir að skipuleggja ferðina í þaula;
þurrmatur, Knorr-súpur, pasta, dýnur
sem voru algjörlega sniðnar að stærð
þeirra, tjald, aukasokkar, vasahnífur,
prímus og súkkulaði. Hvert einasta
smáhólf var fullnýtt í bakpokunum
þeirra. Mér leið svolítið eins og kjána
því ég var að nota bakpokann minn
í fyrsta skipti frá því ég fékk hann í
fermingargjöf.“
Stórbrotið landslag
„Danirnir gera þetta öðruvísi en
við Íslendingar. Á meðan við vinnum
meira og minna allt sumarið taka þeir
sér frí og ganga á fjöll um heim all-
an,“ segir Hlynur sem fyrirfram gerði
sér ekki miklar vonir um að Lauga-
vegurinn yrði jafnstórkostleg leið
og raun bar vitni. „Það er skemmst
frá því að segja að landslagið sem
mætti okkur á leiðinni var stórbrot-
ið. Mig hafði aldrei órað fyrir þessari
fegurð. Við sáum alls kyns steinteg-
undir, hveri, læki og meira að segja
snjóskafla. Hrafntinnusker hafði ég
oft heyrt nefnt en aldrei séð. Það var
mjög flott. Við urðum vitni að öllu því
sem íslensk náttúra hefur upp á að
bjóða; allt frá íslenskri eyðimörk til
gróinna lunda. Litadýrðin og breyti-
leiki náttúrunnar var mögnuð sjón.
Danirnir reyndu ítrekað að spyrja mig
hvað þetta og hitt væri og ég reyndi
eftir fremsta megni að bulla mig út úr
því. Þeir sáu fljótlega í gegnum bullið
og áttuðu sig á því að þeir vissu marg-
falt meira um steintegundir og gróð-
ur en ég.“
Pasta í steikjandi hita
Veðurblíðan lék við þá fjórmenn-
inga allan tímann. „Það er búið að
rigna eldi og brennisteini í Danmörku
síðustu vikur og mánuði, en veðrið
sem við fengum þarna var það besta
sem ég hef upplifað á Íslandi. Þeir
höfðu engan veginn gert ráð fyrir því
að skaðbrenna í íslenskri sól, en sú
varð raunin.“ Fyrri daginn gengu þeir
félagar 18 kílómetra en seinni daginn
heila 38 kílómetra. „Þetta var sæmi-
leg törn; 56 kílómetrar á einum og
hálfum sólarhring. Við stoppuðum
þrisvar til fjórum sinnum á dag til að
borða pasta, en það var nánast það
eina sem við borðuðum. Við áttum
eftir að súpa seyðið af því síðar.“ Hlyn-
ur segir það hafa verið mjög sérstaka
stund þegar þeir gengu fram á minn-
isvarða um mann sem lést í blindbyl í
júnílok árið 2004. „Þessi minnisvarði
er vitnisburður um þær ótrúlegu öfg-
ar sem íslenskt veðurfar hefur upp á
að bjóða. Það var mjög sérstök upp-
lifun að standa þarna í 20 stiga hita og
sól að skoða minnisvarða um mann
sem fórst í snjóbyl, nánast á sama
tíma, þremur árum áður.“
Eins og eftir hangikjötsfestival
Þeir félagarnir komu í Þórsmörk
klukkan 2 að nóttu, 36 tímum eftir
að þeir lögðu í hann úr Landmanna-
laugum. „Við vorum mjög þreyttir
þegar við komum loks á áfangastað
og sofnuðum værum svefni. Þegar við
vöknuðum daginn eftir blasti við okk-
ur einkennileg sjón. Pastaátið hafði
bundið svo mikinn vökva í okkur að
við sáum varla út úr augunum fyr-
ir bjúg. Þetta var eins og eftir þriggja
daga hangikjötsfestival,“ segir Hlyn-
ur léttur í bragði, en hann segist ekki
sjá eftir að hafa farið þessa ferð. „Þessi
ferð var mögnuð í alla staði. Það var
mjög sérstök tilfinning að setjast upp í
rútu og gerast túristi í sínu eigin landi.
Ég hef aldrei upplifað þá tilfinningu
áður en ég sé svo sannarlega ekki eft-
ir því.“
Verðlaun fyrir
vængjaskil
„Þeir gæsaveiðimenn sem skila inn
vængjum í haust munu fara í
sérstakan pott þar sem vegleg
haglabyssa verður meðal annars í
verðlaun.“ Þetta segir sigmar B.
Hauksson formaður skotveiðifélags
Íslands, en hann segir varpið hafa
gengið mjög vel í vor og virðist gæsin
koma frábærlega vel undan sumri. Nú
styttist óðum í gæsaveiðitímabilið en
það hefst 20.ágúst. „ungarnir eru feitir
og pattaralegir og virðast betur á sig
komnir en í fyrra en þá var vorið
nokkuð kalt,“ segir sigmar. Þrátt fyrir
góða viðkomu gæsarinnar í ár vill,
skotvís vill brýna fyrir veiðimönnum
að veiða einungis fyrir sig og sína
fjölskyldu og minnir sérstaklega á að
blesgæsin er friðuð.
GENGU LAUGAVEGINN Á 36 TÍMUM
kínversk
heilsumeðferð
heilsugreining
S k e i f u n n i 3 j · S í m i 5 5 3 8 2 8 2 · w w w. h e i l s u d r e k i n n . i s
Hlynur Þór Auðunsson er 32 ára tannlæknir. Hann er mikið fyrir ferðalög og úti-
vist en á dögunum fékk hann heimsókn frá þremur dönskum vinum sínum. Þeir
gerðu sér lítið fyrir og gengu Laugaveginn, frá Landmannalaugum til Þórsmerkur.
ÞREYTTIR EN SÆLIR thomas
glob Berthelsen, Hans Joel Jensen
og Hlynur Þór auðunsson nutu
göngunnar í blíðskaparveðri.