Dagblaðið Vísir - DV - 25.10.2007, Blaðsíða 7

DV Fréttir fimmtudagur 25. október 2007 7
Líf og störf
n GuðlauGur Þór Þórðarson er fæddur í reykjavík 19. desember 1967.
n eiginkona hans er ÁGústa Johnson framkvæmdastjóri. Saman eiga þau tvö
börn og Ágústa á önnur tvö frá fyrra hjónabandi.
n guðlaugur lauk stúdentsprófi árið 1987 og útskrifaðist með ba-gráðu í
stjórnmálafræði frá Háskóla Íslands árið 1996.
n Hann starfaði meðal annars sem sölumaður hjá Vátryggingafélagi Íslands,
forstöðumaður hjá fjárvangi/frjálsa fjárfestingabankanum og forstöðumað-
ur hjá tryggingadeild búnaðarbanka Íslands.
n Hann sat í stjórn Sambands ungra sjálfstæðismanna, í miðstjórn og
framkvæmdastjórn Sjálfstæðisflokksins. guðlaugur hefur verið í borgarstjórn
frá 1998.
n Hann varð alþingismaður Sjálfstæðisflokksins árið 2003 en hafði tekið sæti
varaþingmanns árin 1997 og 1998. Á þingi hefur hann setið í félagsmála-
nefnd, sjávarútvegsnefnd, umhverfisnefnd og Íslandsdeild þingmannanefnd-
ar efta.
n guðlaugur var skipaður heilbrigðis- og tryggingamálaráðherra 24. maí
2007. Heimild: Vefur alþingiS
„Við settum okkur það markmið að
vera með eitt besta heilbrigðiskerfi
í heimi. Við eigum alveg að geta náð
því,“ segir Guðlaugur Þór Þórðar-
son heilbrigðis- og tryggingamála-
ráðherra. Honum var hent út í djúpu
laugina í vor þegar hann var skipað-
ur ráðherra með skömmum fyrirvara.
„Ég finn að það eru gerðar miklar
væntingar til mín. Mér þykir auðvitað
vænt um það en vil þó vekja athygli
á því að þetta er stórt og mikið verk-
efni sem er fram undan. Róm var ekki
byggð á einum degi,“ segir hann.
Guðlaugur er ekki gamall en á
engu að síður mikla pólitíska reynslu
að baki. „Ég hef komið að mörgu,
hvort sem er í atvinnulífinu, í borgar-
málum og á þingi. Einnig hef ég gegnt
ýmsum trúnaðarembættum fyrir
Sjálfstæðisflokkinn í gegnum tíðina.
Ég vona að þessi reynsla nýtist mér í
starfi og verði til þess að ég nái þeim
árangri sem stefnt er að.“
Útrás í heilbrigðismálum
Hann hefur háleit markmið fyr-
ir heilbrigðisgeirann. „Það er ekkert
sem mælti sérstaklega með útrás Ís-
lendinga í efnahagsmálum en hér
voru skapaðar aðstæður fyrir fólk til
að njóta krafta sinna. Ég sé í raun það
sama fyrir mér varðandi heilbrigð-
ismál. Ég sé fram á mun fjölbreyttari
þjónustu en þá sem er til staðar nú,
þjónustu sem tekur mið af þörfum
einstaklingsins.“ Að mati Guðlaugs
felast mikil tækifæri í því að virkja
þann mikla mannauð sem við eigum
á sviði heilbrigðismála. „Ég er sann-
færður um að ef fólkið sem hér starfar
fær aukinn sveigjanleika í starfi getum
við boðið upp á enn betri þjónustu en
áður.“
Kristið siðferði
Guðlaugur telur að hátt mennt-
unarstig, veigamiklar rannsóknir og
framsýn þróun veiti okkur forskot á
aðrar þjóðir. „Við höfum náð afskap-
lega góðum árangri á mörgum svið-
um, svo sem í frjósemisaðgerðum og
bæklunaraðgerðum. Hér er boðið upp
á aðgerðir á heimsmælikvarða.“ Guð-
laugur vonar að með auknum gæð-
um og skilvirkni í heilbrigðisþjónustu
verði það ekki aðeins Íslendingar sem
geta nýtt sér hana heldur verði horft
til okkar hvaðanæva úr heiminum.
Guðlaugur mótmælir algjörlega þeim
áhyggjuröddum sem láta í það skína
að jafnrétti til heilbrigðisþjónustu
verði fyrir bí með einstaklingsmið-
uðum lausnum. „Ísland er tiltölulega
stéttlítið þjóðfélag og þannig á það að
vera áfram,“ segir hann. „Heilbrigðis-
þjónustan er byggð upp á kristnu sið-
ferði. Okkur er ekki sama um náung-
ann og viljum að fólk hafi aðgengi að
þjónustunni án tillits til efnahags. Ég
held að Íslendingar myndu aldrei líða
að fólk geti ekki leitað sér læknisað-
stoðar þegar hennar er þörf.“
Biðst afsökunar
Fjöldi fólks leitar eftir fundi með
heilbrigðisráðherra til að fá lausn
sinna mála. „Ég verð að vera ærleg-
ur og játa að aldrei á mínum pólitíska
ferli hef ég sinnt ver þeim einstakling-
um sem til mín leita,“ segir Guðlaugur
og finnst það greinilega miður. „Þetta
er þó alls ekki stefnan. Ég hef hins
vegar þurft að eyða miklum tíma í að
setja mig inn í hlutina og hef því orð-
ið af því að hitta allt það fólk sem mig
langar gjarnan að heyra frá. Ég vil bara
nota tækifærið og biðjast afsökunar á
því. Vonandi hefur fólk skilning á því
að fyrstu mánuðirnir í embætti sem
þessu eru ansi annasamir.“
Húsnæðismál Landspítalans eru
meðal þess sem finna má á verkefna-
lista Guðlaugs. „Það er skylda mín
sem ráðherra að fara vel yfir málefni
hátæknisjúkrahúss. Ég held að það
sé ekki rétt að líta á Landspítalann
sem eyland. Mér finnst mikilvægt að
skoða aðstöðumál heilbrigðiskerfis-
ins í stærra samhengi.“ Hann sér ýmis
sóknarfæri þegar kemur að húsakosti.
„Spítalinn á ýmsar eignir sem væri
hægt að nýta betur. En ég tel eðlilegt
að sjúklingar og aðstandendur þeirra
komi að slíku ferli.“ Eins og stendur
er nefnd skipuð af Guðlaugi að skoða
aðstöðumál Landspítalans heild-
rænt. „Þetta þarf að skoða vel áður en
lengra er haldið,“ segir hann.
Nálgumst sænska kerfið
Margir hafa uppi þær hugmyndir
að íslenska heilbrigðiskerfið nálgist
það bandaríska óðfluga. Guðlaug-
ur þvertekur fyrir það. „Við erum að
nálgast sænska kerfið. Það er ekk-
ert leyndarmál að við höfum litið til
Norðurlandanna og höfum tekið upp
ýmislegt sem gengið hefur vel þar. Ef
einhver heldur öðru fram, þá annað
hvort talar viðkomandi gegn betri vit-
und eða þá hann þekkir ekki málið,“
segir hann og er mikið niðri fyrir.
Frítíminn er af skornum skammti
þegar haldið er utan um heilbrigðis-
mál heillar þjóðar. „Ég hef reynt að
forgangsraða þannig að ég eigi tíma
með fjölskyldunni,“ segir Guðlaugur.
Meðal áhugamála hans eru útivist,
fótbolti, skotveiðar og leikhúsferðir.
„Áhugamál mín eiga það öll sameig-
inlegt að ég get eiginlega ekkert sinnt
þeim.“ Hann reynir þó að vera dug-
legur í ræktinni. „Maður verður að
hreyfa sig. Sérstaklega í starfi eins og
þessu,“ segir hann.
Staða REI miður
Guðlaugur mælti fyrir frumvarpi
um afnám einokunarsölu ríkisins á
bjór og léttvíni áður en hann varð
ráðherra. Sama frumvarp var lagt
fram nýlega án hans aðkomu. „Þau
mál sem ég mæli fyrir eru mál ríkis-
stjórnarinnar allrar,“ segir hann til
skýringar. „Eðlilegast er að þingmenn
flytji mál sem þetta.“ Hann lýsir þó yfir
fullum stuðningi sínum. „Ég held að
margir þeir sem gagnrýna frumvarp-
ið hafi hreinlega ekki lesið það. Þar
er kveðið á um virkt eftirlit og skýran
regluramma.“ Hann telur ekki sjálf-
gefið að neysla muni aukast ef frum-
varpið yrði samþykkt. „Þetta snýst
fyrst og fremst um að verið er að veita
fleirum en ríkinu heimild til að selja
þetta. Ríkið hefur opnað fjölda áfeng-
isverslana á undanförnum árum,“
segir hann og bendir á að enginn hafi
þá haft áhyggjur af vaxandi áfengis-
drykkju landans. Málefni Reykjavik
Energy Invest hafa verið ein þau heit-
ustu undanfarnar vikur. Guðlaugur
var stjórnarformaður Orkuveitunnar
þegar REI var stofnað. „Ég verð að játa
að mér þykir það miður hvernig staða
er í dag. Mín sýn var önnur,“ segir
hann. „Hugmyndin var að áhættan
væri hjá þeim einkaaðilum sem vildu
koma að rekstrinum. Ég vona að út-
rásin gangi vel en hlutirnir hafa breyst
frá því ég kom að þeim. Mér finnst að
þarna hefði átt að íhuga málin betur,“
segir hann.
ERla hlyNSdóttIR
blaðamaður skrifar: erla@dv.is
Guðlaugur Þór Þórðarson tók við heilbrigðis- og tryggingamála-
ráðuneytinu í vor. Hann mælir fyrir útrás í heilbrigðismálum og
vill nýta mannauðinn betur. Guðlaugur vill ekki að litið sé á Land-
spítalann sem eyland. Hann segist horfa til Norðurlandanna sem
fyrirmynda í heilbrigðismálum. Guðlaugur kom að stofnun REI
og þykir staðan í dag miður.
VIÐ gEtUM gErt
gott BEtrA
Guðlaugur Þór ásamt nánasta samstarfsfólki sínu berglind
Ásgeirsdóttir ráðuneytisstjóri, inga dóra Sigfúsdóttir ráðgjafi, ingiríður
Hanna þorkelsdóttir, ritari ráðherra, Hanna katrín friðriksson, aðstoðar-
maður ráðherra, og ráðherrann sjálfur, guðlaugur þór þórðarson.
„Heilbrigðisþjónustan er byggð upp á
kristnu siðferði. Okkur er ekki sama um
náungann og viljum að fólk hafi aðgengi
að þjónustunni án tillits til efnahags.“