Sveitarstjórnarmál - 01.06.2003, Side 18

í Stjórnsýsluhúsinu viö Stillholt á
Akranesi eru, auk skrifstofu Akra-
neskaupstaðar; skattstofan, sýslu-
mannsembættið, Landmælingar
íslands, vinnueftirlitið, verslanir,
banki, veitingahús, tryggingaum-
boð og fleira. Á svokölluðum Mið-
bæjarreit handan götunnar er í
undirbúningi bygging verslunar-
og þjónustuhúss sem styrkja mun
hinn nýja miðbæ Akraneskaup-
staðar.
Akraneskaupstaður
Við munum áfram skora
„Við munum áfram skora" skrifaði Gísli Gíslason, bæjarstjóri á Akranesi í leiðara blaðsins Skag-
inn skorar, sérblaðs um Akraneskaupstað sem fylgdi Morgunblaðinu á liðnu hausti. Þótt þarna
sé gripið til orðalags knattspyrnumanna og kaupstaðurinn þekktur fyrir góða knattspyrnu snýst
lífið á Skaga ekki eingöngu um „þjóðaríþrótt" bæjarbúa.
Akraneskaupstaður er einn af eldri þéttbýlis-
stöðum landsins. Sögu hans má rekja allt aftur
til landnáms að írar gengu á land á Skaga um
eða eftir 880. Um miðja 17. öld hóf Skálholts-
stóll útgerð frá Steinsvör á Akranesi. Með því
myndaðist fyrsti vfsir að sjávarþorpi á íslandi og
hefur útvegur verið stundaður þaðan alla tíð
síðan. Akraneskaupstaður varð löggiltur versl-
unarstaður árið 1864 að verslun hófst við
Lambhúsasund og þjónaði fyrst og fremst sjó-
sókninni en einnig sveitunum í kring. Öflug
verslunarstarfsemi á Akranesi kom einkum til af
því hversu samgöngur við Reykjavík voru tak-
markaðar og miðuðust nær eingöngu við sjó
fram yfir miðja síðustu öld. Akraneskaupstaður
fékk kaupstaðarréttindi 1942 og hófst þá ákveð-
ið blómaskeið í sögu bæjarins. Með tilkomu
Hvalfjarðarganganna hófst aftur nýtt skeið í
sögu Akraness. Þótt nokkrar úr-
töluraddir heyrðust í aðdraganda
byggingar þeirra líta Skagamenn á
þau sem eina helstu stoð nýs tíma
framfara í byggðarlaginu.
Höfum styrkt innviði
þjónustunnar
Gísli Gíslason bæjarstjóri segir að fyrir
nokkrum árum hafi Skagamenn séð að ákveðin
tækifæri væru að skapast. Einkum vegna þeirrar
uppbyggingar sem hefur átt hefur sér stað á
Grundartanga og einnig með tilkomu Hval-
fjarðarganga. „Við hófum þá vinnu við ákveðna
stefnumótun til að bregðast við þessari þróun
og ekki verður annað séð en þau markmið sem
við lögðum upp með hafi gengið eftir. Við lögð-
um annars vegar áherslu á að styrkja innviði
þjónustunnar, þjónustu á borð við leikskóla,
grunnskóla og framhaldsskóla og að styrkja
heilbrigðisþjónustuna. Hins vegar höfum við
lagt áherslu að bæta aðstöðu íbúanna til af-
þreyingar, meðal annars með uppbyggingu
íþróttasvæðis á Jaðarsbökkum, með fótbolta-
svæði, sundlaug og 18 holu golfvelli. Þetta
sprettur ekki fullskapað fram heldur byggist það
á vinnu og puði og að halda sig við verkefnin.
Ég held að þetta hafi tekist nokkuð vel og við
séum á réttri leið."
Hugmynd um að byggja
verslunarkjarna
„Við gerðum okkur strax grein fyrir því að
brotthvarf Akraborgarinnar þýddi breytingar fyr-
ir verslun og ferðaþjónustu á Akranesi. „Gang-
andi" ferðamenn hættu að koma á Skagann og
útlendingar hurfu eins og dögg fyrir sólu. En
við óttuðumst ekki breytingar í samfélaginu.
Akranes hefur gengið í gegnum miklar breyting-
ar á síðari árum og við höfum verið óhræddir
að takast á við þær. Þótt Akraborgin hafi verið
hið merkilegasta fyrirbrigði og mikill menning-
argripur þá var hún einnig barn síns tíma. Hún
þjónaði hlutverki sínu vel á meðan þess var
þörf. Breytt landslag kallaði hins vegar á nýjar
áskoranir og menn hafa brugðist við því. Síð-
ustu misseri höfum við verið að endurheimta
góðan hluta þessa ferðafólks með því að benda
á sérstöðu okkar í afþreyingu og nefni ég þá
safnasvæðið, Langasand og golfvöllinn sérstak-
lega. Vegna þess að Akraborgin hætti siglingum
misstu kaupmenn af talsverðri verslun ferða-
fólks. Nú er hins vegar í undirbúningi að koma
upp verslunarkjarna á nýja mið-
bæjarsvæðinu gegnt stjórnsýsluhús-
inu. Með því teljum við okkur geta
hleypt auknu lífi í verslunina og
laðað á staðinn fjölda gesta. Á
meðan breytingar sem þessar í
samgöngum til svæðisins standa
yfir geta skapast ákveðin vandamál. Sumum
gengur vel en öðrum verr eins og gengur. I
framtíðinni eigum við mikla möguleika. Það er
bara spurning um hvernig við vinnum úr
þeim," segir Gísli Gíslason.
„í framtíðinni eigum við ákveðna möguleika.
Það er bara spurning um hvernig við vinnum úr
þeim."
18