Sveitarstjórnarmál - 01.06.2003, Síða 19

Gísli Gíslason, bæjarstjóri Akraneskaupstaðar.
Fólk sækir vinnu og
nám suður
Gísli segir samgöngubreytinguna vissulega
hafa virkað í báðar áttir. „Stærsti hluti
bæjarbúa var mjög áhugasamur um að fá
betri samgöngur. Það heyrðust neikvæðar
raddir en þær snéru fyrst og fremst að
versluninni. Flestir voru sammála því að
tækifærin væru miklu fleiri en ógnanirnar.
Tækifærin koma meðal annars fram með
þeim hætti að verktakar og ýmsir þjón-
ustuaðilar eru farnir sækja inn á höfuð-
borgarsvæðið frá Akranesi. Fólk býr hér
og sækir vinnu og nám í auknum mæli til
Reykjavíkur, fólk sem áður hefði flutt héð-
an vegna skólagöngu og atvinnutækifæra.
Þetta skilar sér beint inn í samfélagið.
Fólkið býr áfram í bænum og starfar þar
að loknu námi." Gísli segir að nú sé unn-
ið að því að auðvelda þeim sem starfa og nema
á höfuðborgarsvæðinu búsetu á Skaganum,
meðal annars með ákveðnum hugmyndum um
bættar almenningssamgöngur. Hann segir
gangagjaldið ákveðinn þröskuld
en vonandi takist með tilstuðlan
ríkisins að lækka gangagjaldið í
áföngum. Viðræður hafi verið milli
Spalar og fulltrúa
samgönguráðuneytisins um það
mál. Gjaldið hafi lækkað að raun-
virði og nú sé vonast til að unnt
verði lækka það enn frekar í samvinnu við
stjórnvöld. „Hagsmunir okkar allra eru að
gjaldið lækki og falli niður sem allra fyrst eða í
síðasta lagi innan 16 ára. Ég held að þrátt fyrir
alla bjartsýni hafi engan órað fyrir því að þessi
samgöngubót yrði að veruleika á svo skömm-
um tíma. Fjárhagsmódelið vegna byggingar
ganganna var ekki gert til þess að hanna einka
framkvæmd heldur fyrst og fremst til þess að
bæta samgöngur." Gísli segir að tilkoma Hval-
fjarðarganganna hafi ekki eingöngu haft áhrif á
Akranesi heldur einnig í Borgarfirði og á Snæ-
fellsnesi. „Ég horfi til þess að svæðið frá
Borgarfirði um höfuðborgarsvæðið og
austur til Selfoss verði skoðað í ákveðnu
skipulagslegu samhengi. Margir þættir
koma inn í slíka skipulagsvinnu. Staðsetn-
ing atvinnufyrirtækja, hafnarmannvirki og
fleira sem horfa þarf á frá sameiginlegum
sjónarhóli."
Borgarfjörður í tvö
sveitarfélög
Gísli segir sameiningu sveitarfélaganna
eitt brýnasta verkefnið fyrir svæðið í
heild. Hann segir að til að mæta breyttum
tímum verði sveitarstjórnirnar að renna
saman. „Með því munum við fá sterkari
sveitarstjórn og ég hef þá trú að út úr
slíku starfi fáist mun markvissari vinnu-
brögð f öllu sem horfir til framtíðar og
skili íbúunum mun öflugra sveitarfélagi."
Gísli horfir til tveggja sveitarfélaga í Borgarfirði
til að byrja með. Annars sunnan Skarðsheiðar
en hins í uppsveitum sýslunnar. „Ég vil þó alls
ekki útiloka að það geti orðið álit-
legur kostur að sameina allt Borg-
arfjarðarhérað í eitt sveitarfélag í
framtíðinni. f dag búa um 6.400
manns á suðursvæðinu og um
3.600 á því nyrðra. Ef allt Borgar-
fjarðarhérað yrði sameinað teldi
það ekki nema um 10 þúsund
manns. Samstarf sveitarfélaganna er gott en því
fylgja alltaf einhverjar takmarkanir sem samein-
ing myndi leysa. Sameinaðir myndum við skora
oftar og betur," segir Gísli Gíslason, bæjarstjóri.
„Þetta sprettur ekki fullskapaö fram heldur bygg-
ist það á vinnu og puði og að halda sig við verk-
efnin. Ég held að þetta hafi tekist nokkuð vel og
við séum á réttri leið."
Nákvæm og
Þegar litið er yfir vefsvæði Akraneskaupsstaðar
á Netinu kemur meðal annars í Ijós að bæjar-
yfirvöld hafa mótað mjög nákvæma aðgerða-
áætlun, eða skorkort, þar sem ýmis verk og
áfangar í starfi bæjarfélagsins eru skilgreindir
og tímasettir.
Svo nákvæmt er kortið að Gísli bæjarstjóri
var spurður hvort menn hefðu haft læknisfræði
til hliðsjónar við gerð þess. Hann var greini-
lega ánægður með spurninguna og sagði að
ýmis sveitarfélög hafi unnið við gerð skorkorta
sýnileg aðge
þar sem sett væru fram ákveðin stefnumið og
aðferðir við að ná markmiðum. Hann sagði
skorkort Akraneskaupstaðar byggt á þeim mál-
efnasamningi sem meirihluti bæjarstjórnar hafi
sett sér við upphaf kjörtímabilsins þar sem
ákveðin verkefni eru tilgreind og tímasett.
Þannig megi mæla árangur bæjarstjórnar af því
að koma verkefnum sínum í framkvæmd.
„Með þessu er verið að gera starf bæjarstjórnar
sýnilegra og gegnsærra um leið og verkefna-
ramminn er skýrt afmarkaður. Framsetning
rðaáætlun
kortsins með þessum hætti skapar kjörnum
fulltrúum ákveðið aðhald og einnig embættis-
mönnum sem bera ábyrgð á að hrinda einstök
um verkefnum í framkvæmd." Gísli segir að
bæjarstjórn Akraneskaupstaðar sýni nokkurt
áræði með því að leggja stefnumál sín fram til
umfjöllunar með svo opnum hætti en meginat-
riðið sé að þeir sem veita kjörnum fulltrúum
umboð til að fara með stjórn bæjarmála sjái
hvernig að málefnum er unnið.
19