Sveitarstjórnarmál - 01.06.2003, Blaðsíða 23

Akraneskaupstaður
„Skagamenn eru yfir"
Akraneskaupstaður er mikill íþróttabær, hvort sem litið er til keppnisíþrótta á borð við sund og knatt-
spyrnu eða annarra íþróttagreina. fþróttirnar eru auk þess hvati að fjölbreyttri félagsstarfsemi sem er
árangursríkasta forvarnastarf sem hugsast getur.
Knattspyrna á hug og hjarta margra íbúa Akraneskaupstaðar og ekki síst yngstu kynslóðarinnar. Skaga-
menn hafa 18 sinnum orðið íslandsmeistarar í knattspyrnu karla og eiga auk þess fjölda afreksfólks í öðr-
um íþróttagreinum.
„Skagamenn eru yfir!" Hversu oft skyldi þessi
setning eða aðrar viðlíka hafa hljómað úr börk-
um þekktra íþróttafréttamanna á borð við Sig-
urð Sigurðsson, Ómar Ragnarsson, Bjarna Felix-
son eða Samúel Örn Erlingsson. Trúlega oftar
en tölu verður komið á í fljótheitum. Svo lengi
hafa Akurnesingar verið í broddi fylkingar í
knattspyrnu hér á landi.
Alvöru fótboltavöllur frá 1926
Fyrsti alvöru fótboltavöllurinn á Akranesi var
gerður 1926. Árið 1948 urðu Skagamenn ís-
landsmeistarar í öðrum flokki í fótbolta í fyrsta
skipti. Císli Císlason bæjarstjóri segir að þeir
grundvallarsnillingar, sem síðar lögðu grunninn
að hinu fræga gullaldarliði Skagamanna er varð
íslandsmeistari 1951, hafi verið í því liði. Við
það hafi kviknað ákveðinn neisti í kringum fót-
boltann sem hafi haft gríðarlega mikið að segja.
„Það hljómar ef til vill ekki trúlega að lið frá
bæ af þessari stærðargráðu hefur spilað miklu
fleiri leiki við fræg lið úti í Evrópu en stórir
klúbbar í álfunni sem hafa aldrei uppliðað
ævintýri á borð við það sem Skagamenn hafa.
Tvö minni lið hafa verið starfandi á Akranesi en
þau hafa ætíð spilað sem eitt félagslið og undir
einu nafni út á við. Það hefur gert gæfumun-
inn," segir Gísli.
Iþróttir eru alþýðumenning
Knattspyrnan er þó ekki eina íþróttagrein
Skagamanna því þaðan hefur einnig komið af-
reksfólk í sundi. Fólk á borð við Guðjón Guð-
mundsson og Ragnheiði Runólfsdóttur, sem
bæði kepptu á Ólympíuleikum og náðu einnig
því takmarki að vera valin íþrótta-
menn ársins. Golfið hefur verið að
sækja í sig veðrið í seinni tíð og
meðal annars skilað mjög góðum
golfspilurum á borð við Birgi Leif
Hafþórsson, sem er einn af fáum ís-
lenskum atvinnumönnum í grein-
inni. „Eitt af verkefnum okkar hefur
verið að skapa þessu fólki aðstöðu
við hæfi og við höfum lagt talsverða peninga í
uppbyggingu íþróttamannvirkja. Við erum þó
ekki komnir á endapunkt því við erum nú að
huga að enn bættri aðstöðu til að styrkja al-
menningsíþróttirnar, meðal annars með stækk-
un á íþróttasvæðinu á Jaðarsbökkum. Við erum
einnig að skoða þann möguleika að yfirbyggja
fótboltavöll þótt við séum ekki í þeirri stöðu að
geta byggt með sama hætti og gert hefur verið í
Reykjavík, Kópavogi, Reykjanesbæ og á Akur-
eyri. Við erum engu að síður að skoða mögu-
leika á að setja upp hús sem gæti orðið mjög
gott æfingahúsnæði fyrir fótboltann. Það sparar
okkur stækkun á íþróttahúsi og gefur möguleika
á að búa til sýningaraðstöðu og síðast en ekki
síst tryggir það okkur að halda áfram að fram-
leiða úrvals fótboltamenn. Það má ekki detta
upp fyrir. Við höfum einnig verið að skoða
möguleika á að byggja yfir sundlaugina þannig
að sundfólkið fái þá aðstöðu sem það á skilið.
Þannig eru endalaus verkefni á þessu sviði hér
á Akranesi. íþróttamannvirkin eru fullnýtt eins
og er. Aðsóknin hefur vaxið mjög ört síðustu
árin. Vel á annað hundrað þúsund manns koma
í íþróttamannvirkin hér á hverju ári. Eg hef sagt
það áður og stend á því fastar en fótunum að
fótbolti og aðrar íþróttir á Akranesi séu ekki
íþróttir sem slíkar heldur menning og ég legg
mikið upp úr þeim skilningi. Þetta er alþýðu-
menning og merkileg í þeim skilningi. Ég hef
stundum haft orð á því að þegar menn eru að
tala um að setja upp menningarhús víða um
landið hefði ég viljað sjá ríkið horfa á þessa
íþróttamenningu þótt ég viðurkenni að það hef-
ur komið myndarlega að bygg-
ingu íþróttaaðstöðu í gegnum tíð-
ina, til dæmis á Akureyri. En ég
hefði viljað sjá það gerast miklu
víðar. Þegar maður horfir á lítil
samfélög, til dæmis eins og Þórs-
höfn á Langanesi, þá eru iþrótta-
mannvirki þar; sundlaug, íþrótta-
hús og félagsaðstaða, eitthvert al-
besta menningarhús sem menn gátu fengið á
þann stað. Þetta eru mannvirki sem fólk notar
dags daglega og skapar góðan bæjarbrag," segir
Gísli Gíslason.
„Ég hef stundum haft orð á því að þegar menn eru
að tala um að setja upp menningarhús víða á
landinu þá hefði ég viljað sjá hið opinbera horfa
meira á íþróttahús og tengd mannvirki sem
íþróttamenningu," segir Gísli Gíslason.

f ^^
In iÍtm ! yl mk
M. < JU1
23