Hús & Búnaður - 01.07.1967, Blaðsíða 12

VEFARINN
Gólfteppaframleiðandinn Vefarinn h/f, er elzta
fyrirtæki sinnar tegundar á landinu. Með tækniaðstoð
frá norsku gólfteppafyrirtæki, hóf það framleiðslu á
flos- og lykkjudreglum í september 1952. Framleiðsla
þess er að Kljásteini, Mosfellssveit, en skrifstofa og
frágangsdeild í Skeifunni 3A í lleykjavík.
Framleiðsla þess frá byrjun hefur verið hin vand-
aðasta og mjög eftirsótt svo vart hefur verið unnt
að anna eftirspurn og afgreiðslutími því stundum
nokkuð langur. Ávallt er notuð íslenzk kindaull í
slitflöt, en bezta tegund jútu og bómullar í botn. Allt
band er þríþætt og er ullarbandið unnið hjá ullarverk-
smiðjunum Framtíðin og Gefjun. Vefnaðaraðferðin,
sem Vefarinn h/f notar er Briisselafbrigði Wilton-
vefnaðar, og munstur er gert með Jacuardaðferð.
Gólfteppadreglarnir eru ofnir í 70 cm og 150 cm
breiddum, ýmist í flosi, lykkjuflosi eða lykkjuáferð.
Slitgarnshæð er ýmist 5 mm, 6 mm, eða 8 mm og
þéttleiki er einnig mismunandi.
Fyrir nokkru hóf fyrirtækið framleiðslu á 8 mm
slitgarnshæð, en nokkru gisnara til að ná fram fleiri
litum. Efnismagn er það sama og í 5 mm og verð
þvi' sama. Hafa efni í bessum gerðum begar náð mikl-
um vinsældum.
Meðfylgjandi mynd er af gólfteppi úr þessum nýja
flokki, norræna flokknum, og ber heitið NLF - 31.
Vefarinn h/f hefur annazt mörg stórverk í gólf-
teppaframleiðslu og -lögnum, þ.á.m. hið stærsta hér-
lendis, sem var Hótel Saga. Einnig Hótel Borg, veit-
ingastaðir, kvikmyndahús og margt fleira.