Hús & Búnaður - 01.10.1967, Blaðsíða 10

SAUMAKLUBBURINN
Ritstjóri: KRISTÍN JÓNSDÓTTIR, handavinnukennari
Mjög fallegur púði, saumaður í
grátt hörefni, með hörgarni eða
áróragerni. (Sjá mynd á forsíðu).
Púðinn er að stærð 45x21 sm. til-
búinn. Það er fremur lítill púði
miðað við þá stærð, sem áður hef-
ur tíðkazt mest.
Segja má, að litlir púðar fari
betur við létt húsgögn en stórir.
Púðinn er saumaður í hörefni,
sem er að grófleika Í5 þræðir á
hvern sentimetra. Kaupið 50 sm.
af efni, sem er innan við 90 sm.
á breidd, og er það þá í bæði borð
púðans. Ef efnið er breiðara en 90
sm. er nóg að kaupa breidd púð-
ans 28 sm. Fallegast er að sauma
með hörgarni í hörefni, en fremur
er erfitt að fá það keypt hér í
hannyrðaverzlunum. Einnig má
nota áróragarn og sauma með 4—5
þráðum.
Litirnir eru: Hvítt, ljósgult,
dökkgult (rauðgult), grænt, rautt,
lillablátt, ljósblátt dökkblátt. Ekki
er nauðsynlegt að binda sig við
þessa liti. Velja má annan grunnlit
og þá liti sem fara vel við hann.
Munstrið er saumað með flat-
saumi þráðrétt yfir 8 þræði í efninu.
1 rúða eru tveir þræðir í efninu.
Ath.: að annað hvert spor stenzt
alltaf á. Hálfu sporin eru saumuð
yfir 4 þræði £ efninu. Þræðið með
mislitum tvinna í fremra borð púð-
ans, svo myndist kross eftir miðju.
Byrjið á að sauma blóm í mitt
púðaborðið. Nú er auðvelt að telja
út hvar byrja á að sauma blómið,
finnið miðju þess og miðju púða-
borðsins sem er þar sem þræðingin
mætist. Teljið út frá miðju og eruð
þið þá öruggar með að staðsetja
munstrið rétt. Alls eru fimm blóm
£ púðamunstrinu.
Gangið vel frá öllum endum á
röngu. Allir ófrágengnir endar eða
illa frágengnir sjást mjög greini-
lega þegar búið er að pressa út-
sauminn.
Pressið púðann á röngu áður en
þrætt er saman. Þræðið púðaborðin
saman þráðrétt og saumið i vél.
Vixlsaumið (sikk-sakk) brúnirnar
svo rakni ekki. Skiljið eftir op um
20 sm. við neðri brún púðans. Tvi-
mælalaust er fallegast að setja
púða upp með fiðurkodda þó nota
megi einnig svampflögur (listadún)
í stað fiðurs, sem aldrei getur þó
orðið það sama. Nauðsynlegt er að
hafa koddann 3 sm. stærri á kant
en púðann svo hann fylli vel út í
öll horn. Sníðið koddann því 3 sm.
stærri á kant (saumför ekki reikn-
uð með) úr fiðurheldu lérefti. Tví-
saumið koddann með smáum vél-
sporum, þá er ekki hætta á að
fiður smjúgi með saumum. Gangið
frá opi á sama hátt eftir að fiður
hefur verið sett í koddann. Ef not-
aðar eru svampflögur (listadún)
verður einnig að láta hann í kodda
sem þarf þó ekki að vera úr fiður-
heldu lérefti. Varizt að láta of mik-
ið af svampi í koddann þar sem
hann bólgnar út og púðinn verður
eins og útblásinn. Auðvelt er að
eyðileggja fallegan og vel saumað-
an púða, aðeins með því að vanda
ekki nóg til uppsetningar hans.
Að lokum jaðrið fyrir op púðans
með ósýnilegum sporum.
Munstrið er úr bókinni Moderna
mönster.
JÓLAKORT
Jólakort má búa til á ýmsan hátt og hægt er að gera þau
falleg og jafnvel listræn án þess að vera góður teiknari. T.d.
þessi hugmynd, að búa til Jólasveina úr laufblöðum og punt-
stráum er aldeilis bráðsnjöll.
Notið venjulegt bréflím og límið á tvöfalt hvítt eða mislitt
karton.
Þessi engill er búinn
til úr málmpappír,
hann má einnig hafa
sem kertastjaka.
Teiknið á málm-
pappír nákvæmlega
eftir teikninerunni oe
klippið út. Brjótið
hendurnar fram yfir
höfuðið. Vindið
kyrtilinn saman svo
myndist kramarhús.
Krækið vængjunum
saman að aftan. Þá
má stinga löngu og
mjóu kerti gcgnum
hendur og rifu, sem
klippt hefur verið í
kyrtilinn. Einnig
má hengja engilinn
á jólatré.