Monitor - 08.12.2011, Side 13

VINNINGAR AFHENTIR Í ELKO LINDUM. 149 KR/SKEYTIÐ.
MEÐ ÞVÍ AÐ TAKA ÞÁTT ERTU KOMINN Í SMS KLÚBB.
WWW.SENA.IS/ARTHUR
FULLT AF VINNINGUM:
BÍÓMIÐAR
TÖLVULEIKIR - DVD MYNDIR - GOS OG FLEIRA!
SENDU SMS SKEYTIÐ
ESL ARTUR Á NÚMERIÐ
1900 OG ÞÚ GÆTIR UNNIÐ!
9. HVER
VINNUR!
FJÖLDI
AUKAVINNINGA
VILTU
VINNA
MIÐA?
KOMIN Í BÍÓ!
Hefurðu velt því fyrir þér hvernig maður fer að
því að afhenda tvo milljarða gjafa á einni nóttu?
13 FIMMTUDAGUR 8. DESEMBER 2011 Monitor
Það er hverjum manni nauðsynlegt að eiga gott bakland. Að sama skapi er mikilvægt að styrkja bakland sitt og rækta samböndin
við fjölskyldu og vini. Fyrir ekki alls löngu var ég
að spjalla við vin minn þegar tal okkar barst að
fjölskyldumálum og upp úr þurru hafði hann orð
á því að ég yrði efl aust góður afi . Hann var ekki að
pæla í hvernig sonur ég væri, hvernig bróðir ég væri
né hvernig faðir ég yrði, heldur sá hann eitthvað
afalegt í mér.
Viðbrögð mín voru á þá leið að ég hló og spurði hann hvern fjárann hann meinti eiginlega með þessu. Ég fékk engar sérstakar
útskýringar svo pælingin gleymdist en var þó ekki
grafi n. Staðreyndin er sú að ég er hvergi í stakk
búinn til að verða afi .
Ég kann ekkert að afast. Afar kunna að smíða og kenna barnabörnunum sínum að tálga úti í bílskúr. Afar kunna að veiða og fara með
barnabörnin sín í veiðitúra. Afar geta frætt barna-
börnin sín um öll helstu örnefni og náttúrufyrirbæri
Íslands í bílferð úti á landi. Afar reykja vindla, pípu
eða taka að minnsta kosti í nefi ð.* Ég er hins vegar
gjörsamlega vonlaus í þessu öllu.
Vandamálið er að mig langar að verða góður afi . Einhver kann þá kannski að staldra við og hugsa: „Þú verður ekki afi fyrr en eftir
30-40 ár. Þú hefur nægan tíma til að læra að smíða
og læra landafræði Íslands.“ Vandinn er þó annars
eðlis. Jafnvel þótt árin séu mörg fram að afaárunum
þá veit ég að ég mun aldrei gefa mér tíma til þess að
rýna í kortabók spjaldanna á milli eða æfa mig úti í
smíðaskúr. Nú til dags þarf maður alltaf að fl ýta sér
og hefur aldrei tíma til neins.
Að svo sögðu kalla ég eftir aðstoð sem ég hugsa að allir strákar sem hafa áhuga á að verða góðir afar ættu að sjá sér fært að
notfæra. Það ætti að sjálfsögðu að vera stofnaður
svokallaður afaskóli, sem gæti ef til vill verið
sambærilegur við hússtjórnarskólana. Námið gæti
maður sótt beint eftir menntaskóla eða þess vegna
þegar maður kæmist á ellilífeyri.
Þar yrðu kenndar allar kúnstirnar og öll þau fræði sem ég hef þegar nefnt auk afalegs orðaforða. Afar þurfa að geta notað formlegt
málfar auk þess að nota einhver fyndin orð yfi r
barnabörnin sín eins og að kalla þau „lömbin sín“
eða „mýsnar sínar“. Að lokum myndi maður æfa
sig í að borða afalegan mat, þeir eru nefnilega alltaf
með svo þroskaða bragðlauka.
Það eru forréttindi að eiga fl ottan afa og mig langar gjarnan að geta boðið barnabörnum mínum upp á slík forréttindi. Ég held að
möguleikinn að geta skráð sig í svona afanám væri
sá hvati sem þarf svo ég geti æft mig upp í að verða
sá afi sem mig langar að verða. Svo væri líka bara
svo kostulegt að vera busi í Afaskóla Íslands. Alveg
afar kostulegt.
*Athugið, alhæfi ngar sem þessar og staðalímyndin
sem af þeim fæst koma einungis frá kynnum
höfundar af öfum. Þeim ber
lesendum að taka ekki of
alvarlega.
Einar Lövdahl Gunnlaugsson
einar@monitor.is
ORÐ Í BELG
Busi í Afaskóla Íslands
AFARNIR ERU ALLTAF
Á UPPLEIÐ Í LÍFINU
fílófaxið
fi mmtud8des
MIÐ-ÍSLAND ÁSAMT
ANDRÉ WICKSTRÖM
Þjóðleikhúskjallarinn
20:00 Hláturtaugakitlararnir í Mið-Íslandi hafa stútfyllt
Þjóðleikhúskjallarann í hvert einasta sinn
sem þeir hafi blásið til uppistands þar. Í þetta
sinn verður með þeim í för Svíinn André
Wickström. Miðaverð er 2.900 kr.
REYKJAVÍK!, MUCK OG
GANG RELATED
Gaukur á Stöng
21:00 Hljómsveitirnar Reykjavík!, Muck og Gang Related
auglýsa eftir fólki sem er skemmtilegt og
ekki fávitar til að koma og skemmta sér á
tónleikum. Miðaverð er 1.000 kr.
KREPPUKVÖLD – WE
MADE GOD
Bar 11
21:00 Hin vinsælu Kreppukvöld á Bar 11 halda áfram þegar
hljómsveitin We Made God treður upp. Sem
fyrr er aðgangur ókeypis og verður öl á
vinalegum kjörum fyrir ölþyrsta.
Í FREYÐIBAÐI MEÐ SKYTTUNUM
Föstudaginn 9. nóvember kl. 22
Prikið
„Inn á milli hafa alltaf verið haldin íslensk hipphopp-
kvöld en mér fannst of langt liðið frá því síðast og þá datt
mér í hug að setja af stað þessa mánaðarlegu tónleikaröð,
Í freyðibaði. Nú er komið að þriðja kvöldinu og þá troða
Skytturnar upp í fyrsta sinn í Reykjavík í heil sjö ár og
þetta verður algjör geðsýki,“ segir Emmsjé Gauti, rappari,
sem stendur fyrir tónleikaröðinni sem hýst er af Prikinu.
„Svo er ég sjálfur að gefa út „mix-tape“ sem kemur út á
föstudaginn og verður selt á Freyðibaðinu. Það verður síð-
an fáanlegt á Netinu seinna fyrir þá nísku. En þessi kvöld
eru klárlega komin til að vera. Kannski að Freyðibaðið fari
bara í samkeppni við Airwaves á næsta ári.“
Frítt er inn á þessa rappveislu og húsið opnar kl. 22:00.
Í samkeppni
við Airwaves?
JÓLATÓNLEIKAR 1860
Café Rosenberg
21:00 Strákarnir í 1860 hyggjast leika prógramm sitt sem
samanstendur af uppáhaldsjólalögum
meðlima í bland við lög af breiðskífu þeirra
sem kom út í haust. Miðaverð er 1.000 kr.
laugardag10des
MIÐ-ÍSLAND ÁSAMT
ANDRÉ WICKSTRÖM
Þjóðleikhúskjallarinn
20:00 Mið-Ísland endurtekur leikinn frá því um kvöldið
áður.
LAY LOW, BENNI H. H. OG
PRINS PÓLÓ
Faktorý
22:00 Þau Lay Low, Benni Hemm Hemm og Prins Póló standa
fyrir tónleikum á Faktorý á föstudaginn.
Miðaverð er 1.000 kr.
föstudagu9des
ÚLFUR ÚLFUR –
ÚTGÁFUTÓNLEIKAR
Faktorý
23:00 Hljómsveitin Úlfur Úlfur gefur út sína fyrstu plötu og
heldur af því tilefni útgáfutónleika á Faktorý.
Platan ber nafnið Föstudagurinn langi og
verður aðeins gefi n út í 100 eintökum ásamt
því að vera fáanleg á heimasíðu sveitarinnar.
Aðgangseyrir eru 999 kr.
SÁLIN
NASA
23:30 Sálverjar hyggjast taka fram hljóðfærin á ný eftir rólegt ár
þegar þeir blása til tónleika þar sem þeir lofa
helstu smellunum auk óvæntra uppákoma.
Miðaverð er 2.500 kr. og er 20 ára aldurstak-
mark inn á giggið.