Morgunblaðið - 20.09.2012, Side 11

MORGUNBLAÐIÐ FIMMTUDAGUR 20. SEPTEMBER 2012
Vantar ykkur heimasíðu?
Við höfum yfir 20 ára reynslu og bjóðum
ykkur velkomin í hóp ánægðra viðskiptavina
Sími 553 0401
samskipti@tonaflod.is
www.tonaflod.is
www.ellos.is
„Við hjá Ellos á Íslandi höfum átt í
viðskiptum við Tónaflóð í mörg ár
og þekkjum ekkert annað en góða
þjónustu og áreiðanleika.”
Ingimar Ísaksson
Ellos
Á ellos.is getur þú flett í vörulistanum, umreiknað
í íslenskar krónur, bókamerkt síður sem þér finnst
áhugaverðar og umfram allt.... gert góð kaup.
Humarhusid.is
„Við hjá Humarhúsinu höfum verið í
viðskiptum við Tónaflóð í fjöldamörg
ár og höfum alltaf getað stólað á
fljóta og góða þjónustu.”
Guðmundur Þór Gunnarsson
Matreiðslumeistari og eigandi
Á Humarhúsinu töfra metnaðarfullir matreiðslu-
menn fram lostæti og leika listir sínar. Láttu það
eftir þér að panta borð... þú átt það skilið!
Ásgeir Ingvarsson
ai@mbl.is
V
andað og jákvætt viðtal í dagblaði,
spjall í sjónvarpi eða myndasyrpa
á netmiðli getur verið mjög áhrifa-
mikil auglýsing, og verðmæt búbót
þegar kreppir að í rekstrinum og
fáar krónur aflögu til að verja í markaðsmál.
Róbert Róbertsson fjölmiðlatengill hjá
Boðskiptum, segir að vissulega fáist oft meira
fyrir peninginn hjá góðum almannatengli en
með kaupum á stórum auglýsingum. „Hálfsíðu-
viðtal getur verið mun sterkara markaðstæki
en hálfsíðuauglýsing og alveg örugglega mun
ódýrara, en það er hins vegar ekki hægt að
mæla með því sem sparnaðarráði að sleppa öll-
um auglýsingum og stóla aðeins á
almannatengilinn. Best er að bæði vandað
markaðsstarf og vandað almannatengslastarf
spili saman. Þegar þetta tvennt er notað í sam-
einingu er fyrirtæki með ótrúlega sterkt vopn í
höndunum.“
Takmarkaður áhugi
Róbert bendir á að almannatengslum séu
ákveðin takmörk sett þegar kemur að kynning-
armálum. „Venjulegt fyrirtæki kemst t.d. ekki
svo oft að í viðtölum eða greinum áður en fjöl-
miðlar hreinlega mettast. Lítið eða meðalstórt
fyrirtæki getur yfirleitt komist að í sviðsljósinu
ef réttri nálgun er beitt en það er ekki hægt að
reikna með reglulegum viðtölum allt árið um
kring.“
Að ná athygli fjölmiðla þarf svo ekki að
vera mjög flókið. „Starf fjölmiðlatengilsins felst
iðulega í því að skoða reksturinn og koma at-
hygli á eitthvað sem getur orðið að áhugaverðri
sögu, spennandi frétt eða skemmtilegu viðtali.
Stjórnendurnir og starfsmennirnir koma oft
ekki sjálfir auga á hluti sem fjölmiðlum og al-
menningi geta þótt mjög áhugaverðir.“
Rétt eins og fyrirtæki skipuleggja mark-
aðsstarfið a.m.k. ár fram í tímann segir Róbert
að megi skipuleggja almannatengslin í upphafi
hvers rekstrarárs. „Of algengt er að litið sé á
almannatengla sem eins konar björgunarsveit
til að kalla til þegar krísur koma upp og allt er
farið í bál og brand. Vissulega er ómetanlegt að
fá aðstoð og leiðsögn góðs almannatengils ef
eitthvað kemur upp á og ratar út í fjölmiðla, s.s.
fjárdráttur, kynferðisleg áreitni eða dómsmál,
en það er líka hægt að nota almannatengla til
að byggja upp orðspor og skapa sýnileika með
skipulegum hætti.“
Langtíma uppbygging
Róbert segir að það megi t.d. gera áætlun um
að skoða á hvaða tímum ársins væri sniðugt að
vekja athygli fjölmiðla á áhugaverðri starfsemi
eða nýrri vöru. „En almannatengslaáætlun á
ekki hvað síst að snúast um að byggja upp góð
samskipti og jákvæðan sýnileika til frambúðar.
Viðfangsefni almannatengsla er ekki töfra-
meðöl og skyndilausnir heldur að skapa trú-
verðugleika og heiðarlega ímynd. Þessari
ímynd þarf svo að halda við og hlúa að af natni
því eins og það getur tekið langan tíma að
byggja ímyndina upp þá þarf ekki nema augna-
bliksmistök til að rústa henni.“
Eins segir Róbert að stjórnendur ættu
ekki að vera feimnir við að leita oftar ráða hjá
almannatenglum. „Það er ekki endilega hægt
að ætlast til þess af stjórnendum að þeir kunni
að eiga í samskiptum við fjölmiðla. Menn sem
geta verið mjög klárir og duglegir við að stýra
daglegum rekstri geta átt í miklu basli með að
svara fyrir reksturinn, sérstaklega ef eitthvað
hefur komið upp á og álagið er mikið. Þá felst
mikilvægur stuðningur í því að hafa aðgang að
flinkum almannatengli, rétt eins og að hafa að-
gang að lunknum markaðsmanni.“
Gera meira en slökkva elda
 Gott að skipuleggja almannatengsl fyrirtækisins til lengri tíma
 Stjórnendur feimnari en áður við að stíga fram fyrir skjöldu
Morgunblaðið/Kristinn
Kúnst „Viðfangsefni almannatengsla er ekki töframeðöl og skyndilausnir heldur að skapa trú-
verðugleika og heiðarlega ímynd,“ segir Róbert Róbertsson hjá Boðskiptum.
Þegar litið er yfir íslenskt atvinnulíf í dag virð-
ist stundum sem fyrirtækin skorti andlit:
manneskju sem almenningur þekkir, og kemur
hispurslaust fram fyrir hönd starfseminnar.
Fyrir bankahrun virðist sýnleikinn hafa verið
annar og betri að því leyti að almenningur átti
auðveldara með að tengja ákveðna aðila við
leiðandi fyrirtæki.
Róbert segir skiljanlegt ef stjórnendur vilja
halda sig til hlés miðað við það sem gengið
hefur á síðustu ár. Umræðan geti orðið mjög
óvægin ef eitthvað kemur upp á og ekki endi-
lega eftirsóknarvert að vera í sviðsljósinu á
erfiðum tímum. Það geti hins vegar haft nei-
kvæð áhrif á ímynd fyrirtækisins þegar þessa
mannlegu tengingu skortir. „Fyrir vikið verður
ásýnd fyrirtækisins litlaus, þurr og kuldalegri
en ella. Fólk hefur gaman af öðru fólki og er
örugglega líklegra til að treysta og vilja versla
við fyrirtæki sem hafa einhvern forsvarsmann
sem hægt er að mynda tengingu við. Sókn er
besta vörnin og núna er kannski rétti tíminn
fyrir stjórnendur að koma úr felum og stíga
fram fyrir skjöldu.“
STJÓRNENDUR KOMI ÚR FELUM
Er fyrirtækið andlitslaust?
11