Monitor - 04.10.2012, Blaðsíða 5

facebook.com/noisirius
7FIMMTUDAGUR 27. SEPTEMBER 2012 Monitor
Fleetwood
Mac 45 ára
Tónleikar til heiðurs hljómsveitinni
Fleetwood Mac verða haldnir í Aust-
urbæ eftir viku, fimmtudaginn 11.
október. Fjöldi tónlistarmanna stíg-
ur á stokk til þess að gera magnaðri
tónlist þessarar goðsagnakenndu
hljómsveitar skil. Auk sjö manna
hljómsveitar munu söngvararnir
Agnes Björt Andradóttir úr hljóm-
sveitinni Sykur, Dagur Sigurðsson
úr X-factor í Bretlandi, Lísa Einars-
dóttir, Elvar Friðriksson og Þórunn
Antonía Magnúsdóttir og gítar-
leikarinn Björgvin Gíslason flytja
allt það besta sem komið hefur frá
Fleetwood Mac. Hljómsveitin, sem
var stofnuð í London árið 1967 af
gítarleikaranum Peter Green í miðri
bresku blússprengingunni, vakti
strax mikla eftirtekt. Eftir að parið
Stevie Nicks og Lindsey Bucking-
ham gekk til liðs við Fleetwood Mac
árið 1975 sló hún í gegn um allan
heim með lögum eins og Don‘t Stop,
Go your own way, Dreams, Little
Lies og ótal fleirum.
Tónleikarnir verða haldnir í
Austurbæ hinn 11. október kl.
21.00 en húsið verður opnað kl.
20.00. Miðaverð er 3.900 kr. og fer
miðasala fram á midi.is.
Nýtt lag frá
Bruno Mars
Síðastliðinn mánudag sendi Bruno
Mars frá sér nýtt lag sem ber nafnið
„Locked Out of Heaven.“ Lagið er
fyrsta smáskífan af væntanlegri
plötu frá honum sem mun bera
nafnið „Unorthodox Jukebox.“
Platan sú er önnur sólóplata
kauða því árið 2010 sendi hann
frá sér „Doo-Wops & Hooligans“
sem mokseldist og náði tvöfaldri
platínumsölu. Tvö lög af henni náðu
toppi bandaríska Billboard-listans,
fyrst lagið „Just the Way You Are“
og svo seinna „Grenade.“ Rödd
Brunos prýddi einnig tvö önnur lög
sem náðu topp-fimm á sama lista,
lag B.o.B „Nothing on You“ og lagið
„Billionaire“ sem hann samdi með
Travie McCoy og félögum sínum
í lagasmíðateyminu the Smeez-
ingtons, þeim Philip Lawrence og
Ari Levine. Þessi lög áttu stóran
þátt í að gera Bruno Mars að þeirri
ofurstjörnu sem hann er í dag.
Sjálfur mun svo Bruno Mars, eða
Peter Gene Hernandez eins og
hann heitir réttu nafni, fagna 27
ára afmæli sínu á mánudaginn
næstkomandi, 8. október.
Biggi Hilmars sendi á mánudaginn frá sér sína
fyrstu sólóbreiðskífu en hún var 3 ár í smíðum
Lengi í smíðum
Á mánudaginn var sendi Birgir Hilmarsson,
eða Biggi Hilmars eins og hann er gjarnan
kallaður, frá sér sína fyrstu sóló-breiðskífu.
Bigga ættu margir að kannast við enda fór
hann fyrir hljómsveit sinni Ampop sem átti
marga smelli hér fyrir nokkrum árum.
Undanfarin ár hefur Biggi starfað við tónlist
í London, Reykjavík, Los Angeles og New
York. Hann hefur meðal annars starfað sem
tónskáld hjá Universal Music í London og
Pusher Music í Los Angeles við hin ýmsu kvik-
mynda-, sjónvarps- og auglýsingaverkefni en
Biggi hefur samið tónlist fyrir verðlaunafram-
leiðandann Ridley Scott og kvikmyndirnar
„Future of Hope.“ Þá hefur tónlist hans heyrst
í auglýsingum þekktra vörumerkja á borð við
Chevrolet, Nike og Motorola.
Fyrsta breiðskífa Bigga ber titilinn „All We
Can Be“ og inniheldur 11 frumsamin lög
ásamt endurútsetningu á „Famous Blue Rain-
coat“ eftir Leonard Cohen. Hún hefur verið í
vinnslu í 3 ár og fóru upptökur fram í London
og París en eftirvinnslan fór fram í Reykjavík.
Í tilefni af útgáfu plötunnar ætlar Biggi að
halda tónleika í Fríkirkjunni í Reykjavík í
kvöld. Húsið er opnað klukkan 20 en tónleik-
arnir hefjast klukkan 20.30. Forsala miða er
hafin á midi.is en miðaverðið er 1.800 krónur.
ALL WE CAN BE NEFNIST
PLATAN HANS BIGGA