Morgunblaðið - 16.04.2013, Qupperneq 23

FRÉTTIR 23Erlent
MORGUNBLAÐIÐ ÞRIÐJUDAGUR 16. APRÍL 2013
Kristján Jónsson
kjon@mbl.is
Skýrt var frá því í Venesúela síðdegis
í gær að Nicolas Maduro yrði lýstur
sigurvegari kosninganna á sunnudag.
Hann hlaut 50,66% atkvæða en keppi-
nautur hans, Henrique Capriles,
49,07%. Capriles krafðist endurtaln-
ingar, og sagðist vita um 3.200 tilfelli
þar sem ekki hefði verið farið eftir
settum reglum í kosningunum.
Stuðst er við rafræna kosningu
en búnaðurinn prentar út hvern at-
kvæðaseðil ef til endurtalningar kem-
ur. Maduro hafði verið spáð öruggum
sigri og kom því á óvart að munurinn
skyldi vera svo lítill. Maduro var
skjólstæðingur vinstrisinnans Hugo
Chavez forseta, er
lést úr krabba-
meini fyrr á árinu.
Capriles sakaði
Maduro um að
misnota sér gróf-
lega vald yfir rík-
isfjölmiðlum.
Ákafir stuðn-
ingsmenn Mad-
uros fögnuðu ákaft en aðrir létu sér
fátt um finnast og sögðu frambjóð-
andann hafa notið samúðar vegna
dauða Chavez. „Þessi spilaborg mun
hrynja, sannleikurinn mun koma í
ljós,“ sagði Maria Rodriguez, 48 ára
gamall sjoppueigandi. „Hann er eng-
inn Chavez, hefur ekki leiðtogahæfi-
leika hans. Hann endist ekki í ár.“
Maduro lýstur sigur-
vegari í Venesúela
 Atkvæðamunur örlítill og Capriles krefst endurtalningar
 Mikill efnahagsvandi og glæpafár bíður næsta forseta
AFP
Kæti Nicolas Maduro fagnar sigri með eiginkonu sinni, Cilia Flores, í Caracas eftir að hafa heyrt úrslitin.
Henrique Capriles
Ófremdarástand
» Miðjumaðurinn Capriles
háði öfluga baráttu en hann
stýrir fjölmennu sambandsríki.
» Hann höfðaði til þeirra
sem eru ósáttir við stans-
lausan glundroða í efnahags-
málum, mikla verðbólgu og
hæstu morðtíðni í S-Ameríku.
» Oft er skortur á mat og
rafmagnið dettur út. Ekki virð-
ist duga að Venesúela er eitt af
olíuauðugustu löndum heims.
Bandarískum vísindamönnum við
Massachusetts-sjúkrahúsið hefur
tekist að rækta nýra í rottu á til-
raunastofu. Nýrað hefur verið grætt
í dýr og þar framleiddi það þvag eins
og lög gera ráð fyrir. En að sögn
ritsins Nature Medicine var virknin í
dýrinu þó ekki jafn góð og í nátt-
úrulegu nýra, aðeins um 5% af eðli-
legri þvagframleiðslu.
Gera þarf umfangsmiklar rann-
sóknir áður en hægt verður að huga
að því að nýta árangur tilraunar-
innar á fólki. En BBC hefur eftir dr.
Harald Ott, vísindamanni á sjúkra-
húsinu, að þótt ræktað nýra skilaði
aðeins um 10-15% af eðlilegri fram-
leiðslu gæti það nægt til þess að
maður þyrfti ekki á nýrnavél að
halda. Framkvæmdar eru um 18.000
nýrnaígræðslur í Bandaríkjunum ár
hvert.
Nýru sía úr blóðinu ýmsan úrgang
og vökva sem er ofaukið. Áður hafa
verið ræktuð líffæri með svipuðum
aðferðum en aldrei jafn flókin og
nýra. Tilraunin vestanhafs hefur
vakið vonir um að hægt verði að
leysa vanda margra sem bíða árum
saman eftir líffæragjöf en skortur er
á ýmsum líffærum, einkum nýrum,
og biðlistar langir. kjon@mbl.is
Rottunýra á
tilraunastofu
 Nota frumur úr dýrinu við smíðina
Nota skelina
» Tekið var nýra úr rottunni og
gamlar frumur fjarlægðar en
eftir stóð þá eins konar skel úr
prótínum með flóknu æðakerfi.
» Frumur úr rottunni voru síð-
an notaðar til að smíða nýja
vefi með skelina sem grind.
Virkar Nýrað sem búið var til á
sjúkrahúsinu í Massachusetts. Heimsins öflugasta Hersluvél
1057Nm 20Volt
Iðnaðarvélar
fyrir fagmenn
Síðumúla 11, 108 Reykjavík,
sími 568 6899, vfs@vfs.is
www.vfs.is
W7150 ½ Rafhlöður
2* 3,0 Ah Li-Ion
Létt og þægileg
aðeins 3,1 kg
Þú færð GO walk skó í
Skór.is, Kringlunni og Smáralind | Steinar Waage, Kringlunni
og Smáralind | Intersport Lindum, Kópavogi | Skóhöllinni Firði,
Hafnarfirði | Versl. Nína, Akranesi | Blómsturvellir, Hellisandi
Hafnarbúðin, Ísafirði | Skóhúsið, Akureyri | Mössuskór, Akureyri
Skóbúð Húsavíkur, Húsavík | Sentrum, Egilstöðum | Lónið, Höfn
í Hornafirði | Skóbúð Selfoss, Selfossi | Axel Ó, Vestmanneyjum
Skóbúðin, Keflavík