Morgunblaðið - 31.10.2013, Page 12

12 | MORGUNBLAÐIÐ
S
aga Franska spítalans er
þrungin hinum samtvinn-
uðu örlögum franskra sjó-
manna á Íslandsmiðum
fyrr á öldum og um leið Ís-
lendinga. Um hríð leit út fyrir að
húsið myndi einfaldlega fara í glat-
kistuna en góðu heilli verður það
fært í nýjan og glæsilegan búning
næsta vor og opnar þá sem Foss-
hótel Austfirðir. Hin franska saga
mun eftir sem áður svífa yfir vötnum
í hinu nýja hóteli, eins og Davíð Torfi
Ólafsson, framkvæmdastjóri Ís-
landshótela, segir frá.
„Við áttum ágætissamstarf við
Minjavernd þegar við byggðum á
sínum tíma hótel í Aðalstræti 16 í
Reykjavík, sem núna er Hótel
Centrum,“ segir Davíð. „Þau hjá
Minjavernd leituðu til okkar með
þetta verkefni fyrir austan og þar
sem við höfðum verið að svipast um
eftir heppilegu húsnæði fyrir hótel í
þessum landshluta leist okkur vel á
að skoða málið.“ Að sögn Davíðs
leist honum og samstarfsfólkinu
strax vel á húsið enda myndarlegt
bæði og sögufrægt. „Þá er mjög
skemmtilegt hvernig búið er að
teikna húsið upp fyrir endurbygg-
inguna en heiðurinn af því eiga Arg-
os arkitektar, þeir sömu og teiknuðu
fyrir okkur hótelið í Aðalstrætinu og
hafa unnið með fleiri gömul og sögu-
fræg hús.“
Franskri sögu haldið til haga
Tilbúið hótel verður svo opnað
næsta vor og verður í fullri starfsemi
næsta ferðasumar hér á landi.
„Þetta verða 26 herbergi sem við
opnum í fyrstu lotu og svo áformum
við að bæta öðrum sex herbergjum
við árið 2015. Þetta verða því að
minnsta kosti 32 herbergi og svo
mögulega eitthvað meira í framtíð-
inni.“
Húsið var áður hinn sögulegi
franski spítali þar sem franskir sjó-
menn fengu aðhlynningu þegar á
þurfti að halda eftir átök sín við
óvæginn ægi. Hingað reru þeir frá
Norður-Frakklandi, einkum frá hér-
uðunum Bretagne og Normandí til
að sækja þorsk á miðin kringum Ís-
land. Að sögn Davíðs verður sögu
hússins haldið á lofti í hinu nýja hót-
eli með margvíslegum hætti. „Þetta
eru fjögur hús í það heila. Aðalbygg-
ingarnar tvær verða gamli franski
spítalinn og svo læknabústaðurinn,“
útskýrir Davíð. „Á milli þessara
tveggja húsa liggur gata sem verður
hálfgerð vistgata þar sem gert er ráð
fyrir gangandi vegfarendum í bland
við hæga bílaumferð. Einnig verður
hægt að ganga á milli húsanna í und-
irgöngum undir veginn og þar undir
verður Franska minjasafnið sem
hefur verið á Fáskrúðsfirði. Hluti
þess verður einnig í anddyri hót-
elbyggingarinnar. Þarna verður sem
sagt minjasafn sem verður starf-
rækt af sveitarfélaginu.“
Hús í tengslum við hafið
Ekki verður þó látið staðar numið
með minjasafnið eins og það kemur
fyrir heldur bendir Davíð á að hót-
elið verði allt meira eða minna með
frönskum stíl. „Herbergin verða til
dæmis með frönskum nöfnum og
veitingastaðurinn á hótelinu, sem
mun taka allt að 60 manns í sæti,
verður með frönskum blæ, bæði
hvað varðar innréttingar og matseð-
il. Út af veitingastaðnum er gengt út
á verönd sem svo aftur liggur út á
bryggju sem gengur út í sjó með út-
sýni yfir fjörðinn. Svo þetta verður
allt svolítið franskt og tengingunni
við hafið og frönsku sjómennina
verður haldið ríkulega á lofti. Það er
engin spurning.“ jonagnar@mbl.is
Ljósmynd/Argos ehf
Fáskrúðsfjörður Á þessari mynd sem er frá því um 1911 sést þorpið og franski spítalinn til hægri.
Nýtt hótel með frönskum blæ
Franski spítalinn á
Fáskrúðsfirði er í hópi
sögufrægari húsa á
Austurlandi. Þessi
merka bygging öðlast
nýtt líf á vordögum
þegar þar verður
opnað nýtt hótel –
Fosshótel Austfirðir.
Morgunblaðið/Eggert
Davíð Torfi Ólafsson Framkvæmda-
stjóri Íslandshótela.
Ljósmynd/Argos ehf
Framtíðin Eins og sjá má á þessum tölvuteikningum er hinu sögufræga húsi franska spítalans sýndur sá sómi sem því ber með fyrirhugaðri endurreisn.
Umhverfið er allt hið fallegasta og tengingin við læknabústaðinn undir götuna mun hýsa hluta af Franska minjasafninu.
Herbergin verða til dæmis með frönskum nöfnum og
veitingastaðurinn á hótelinu, sem mun taka allt að 60
manns í sæti, verður með frönskum blæ, bæði hvað
varðar innréttingar og matseðil.
Ljósmynd/Argos ehf
Skemmdir Franski spítalinn var vanhirtur um áratuga skeið og illa farinn
þegar loks var afráðið að endurreisa hann. Hans bíður betri tíð sem hótel.