Morgunblaðið - 20.03.2014, Page 7

MORGUNBLAÐIÐ FIMMTUDAGUR 20. MARS 2014
VIÐSKIPTI 7
lagast og þeim má stýra í gegnum netið. Google
hyggst vera í fararbroddi á þessu sviði.
Andy Rubin, sem er höfundur snjall-
símastýrikerfisins Android, stýrir nú nýrri vél-
mennadeild Google. Undanfarið hefur Google
keypt nokkur fyrirtæki, sem eru leiðandi í vél-
mennarannsóknum. Eitt þeirra er Boston Dyna-
mics, sem meðal annars hefur unnið verkefni
fyrir bandaríska varnarmálaráðuneytið. Það
framleiðir vélmenni, sem hlaupa hraðar en Usain
Bolt og geta klifrað upp veggi og tré. Þessi kaup
urðu tilefni samsæriskenninga (sem auðvelt er
að finna með því að slá inn spurninguna „Er Go-
ogle að smíða vélmennaher?“ í leitarvél Google)
um að Google hygðist smíða vélmennaher.
Í fyrstu atrennu hyggst Google bylta verk-
smiðjuvélmenninu. Markmiðið er að framleiða
vélar, sem auðveldara er að halda við en hefð-
bundin verksmiðjuvélmenni, og geta lært að
skilja umhverfi sitt og taka yfir flókin verkefni,
til dæmis við að setja saman rafmagnstæki.
Metnaðarfyllsta verkefnið er þó sennilega
leitin að æskubrunninum. Í september kynnti
Larry Page, sem yfirleitt forðast að koma fram
opinberlega, að Google hefði stofnað fyrirtækið
Calico, „nýtt fyrirtæki, sem einbeitir sér að
heilsu, nánar tiltekið öldrun og sjúkdóma, sem
henni fylgja“.
Fyrirtækið er undir stjórn Arthurs Levin-
son, sem áður var stjórnarformaður fhjá Apple
og þar áður yfir líftæknifyrirtækinu Genentech.
Levinson hefur undanfarið sótt til sín leiðandi
vísindamenn til að starfa hjá Calilco, en lítið hef-
ur spurst til viðbótar um fyrirhugaða starfsemi.
Samkvæmt Der Spiegel er enn verið að leita að
réttum útgangspunkti, hvort rannsóknirnar eigi
að snúast um að lengja lífið eða hvernig eigi að
tryggja heilbrigt og athafnasamt líf allt til ævi-
loka. Frekar er litið á Calico sem rannsókn-
arstofnun en lyfjafyrirtæki. Enn munu vís-
indamenn fyrirtækisins vera að viða að sér
gögnum um líffræði mannsins, sjúkdóma og
dauðann. Meðal annar mun vera horft til þess
hvort þyngd, hæð og lífslíkur tengist með ein-
hverjum hætti. Google er ekki eitt um hituna á
þessum vettvangi. Í upphafi þessa mánaðar til-
kynnti Craig Venter, sem varð frægur í kapp-
hlaupinu um að kortleggja erfðamengi manns-
ins, að hann hefði stofnað fyrirtækið Human
Longevity (langlífi) til þess að rannsaka erfða-
mengið og stofnfrumur í leit að meðferð til að
gera öldruðum kleift að halda heilsu og lifa virku
lífi eins lengi og unnt er.
Metnaður stofnenda Google er ekki lítill.
Áætlanir fyrirtækisins eru heillandi, en ekki er
laust við að þær veki líka óhug og komi af stað
vangaveltum um að fyrirtækið sé orðið stærra
og valdameira en hollt geti talist. Auðvitað er
ekki gefið mál að allar fyrirætlanir Google muni
skila árangri. Fyrirtækið hefur stigið feilspor.
En það ætlast ekki lítið fyrir. Kjörorðið „ekki
vera vondur“ á kannski ekki að skilja í bók-
staflegri merkingu. Kannski er það frekar ákall
um að menn eigi ekki að vera vondir við Google,
ekki að standa í vegi fyrir þróun fyrirækisins.
Markmið eru vissulega háleit, gangi þau upp
myndi það stuðla að framförum fyrir allt mann-
kyn. Um leið lítur Google á notendur – almenn-
ing – sem auðlind eða hráefni. Fyrirtækið hefur
átt í þrætum við Evrópusambandið um sam-
keppnismál og umgengni við friðhelgi einkalífs-
ins.
Ræða gagnavernd og gagnsæi
Gagnrýnin hefur reyndar einnig haft sín áhrif.
Vísindamaðurinn Sebastian Thrun segir Der
Spiegel að innan herbúða Google fari fram mikl-
ar umræður um gagnavernd og gagnsæi. Grein
eftir tvo háttsetta stjórnendur Google, Erick E.
Schmidt og Jared Cohen, sem birtist í New York
Times um miðjan mánuðinn, ber þessari um-
ræðu vitni. Þar segja höfundarnir að á næsta
áratug muni fimm milljarðar manna tengjast
netinu og mest verði fjölgunin í samfélögum þar
sem ríkir ritskoðun og það geti varðað fangelsi
eða þaðan af verri örlögum að smella á grein,
sem ekki er þóknanleg. Velta þeir síðan fyrir sér
leiðum fyrir andófsmenn til að fela slóð sína á
netinu fyrir alsjáandi auga ritskoðara. Það er at-
hyglisvert að Google skuli taka frumkvæðið í
þessari umræðu, en vitaskuld er lofsvert að fyr-
irtæki, sem ætlar að tryggja aðgang heims-
byggðarinnar að netinu skuli líka hafa áhyggjur
af réttindum og velferð notendanna.
Netið hefur margar hliðar. Það opnar al-
menningi fjölda dyra og mörgum er lífið óhugs-
andi án þess, en um leið er það lukkupottur fyrir
viðskiptalífið og gullnáma fyrir njósnir og eft-
irlit, sem bæði lýðræðisríki og alræðisríki
stunda. Og í miðjum vefnum situr Google, veit
allt um alla og hvað þeim er fyrir bestu og ætlar
að bylta lífi mannkyns.
breyta heiminum
AFP
form á prjónunum og hvetur starfsmenn til að hugsa ekki smátt, heldur stórt. Allt, sem fyrirtækið gerir, á ð vera tífalt betra en það sem fyrir er.
Google er stór vinnustaður og störf þar eru eft-
irsótt. Árlega berast fyrirtækinu tvær milljónir
umsókna um vinnu. Þar starfa rúmlega 40 þús-
und manns að því er kemur fram á heimasíðu
fyrirtæksins. Hjá fyrirtækinu vinna fremstu vís-
indamenn á sínu sviði.
Fyrirtækið fer hins vegar óhefðbundnar leiðir
í leit að starfsfólki. Í viðtali í fyrra sagði Laszlo
Bock, sem titlaður er varaforseti mannahalds
hjá Google, að meðaleinkunnir væru vita
gagnslausar þegar kæmi að ráðningum og ein-
kunnir á prófum væru einskis virði: „Við höfum
komist að því að þær segja ekki til um neitt.“
Dagblaðið New York Times gekk á Bock í við-
tali í febrúar og bað hann að skýra orð sín.
„Góðar einkunnir skemma vissulega ekki fyrir,“
sagði hann. Mörg störf hjá Google krefðust
þekkingar á stærðfræði, tölvum og forritun. Ef
einkunnir endurspegluðu hæfni á þessum svið-
um væri það til framdráttar. Hjá Google skipti
hins vegar svo margt annað máli.
Fimm hlutir skipta mestu við ráðningar hjá
Google. Fyrirtækið metur tæknilega getu og
forritunarkunnáttu. Helmingur starfa hjá fyr-
irtækinu byggist á slíkri kunnáttu. Í hverju
starfi er hins vegar fyrst og fremst horft til
hæfileikans til að skilja og greina. Þar er ekki
átt við greindarvísitölu, heldur hæfileikann til
að læra og tileinka sér hluti í erli dagsins.
Ráðningarsamtöl fyrirtæksins miða að því að
greina hegðunarmynstur þar sem þessir eig-
inleikar eru dregnir fram.
Leiðtogahæfileikar skipta máli, en ekki í
hefðbundnum skilningi. Bock segir að málið sé
ekki hvort viðkomandi einstaklingur hafi verið
kominn hátt í metorðastiganum þar sem hann
var áður eða hversu hratt hann kleif hann.
„Okkur er sama um það,“ segir hann. „Okkur
skiptir máli hvort viðkomandi, þegar hann er
hluti af liði, lætur til sín taka þegar við á og
veitir forustu. Eins er mikilvægt hvort hann
getur dregið sig í hlé, látið forustuhlutverkið af
hendi og hleypt öðrum að. Í þessu umhverfi er
nauðsynlegt til að vera skilvirkur leiðtogi að
vera tilbúinn að afsala sér völdum.“
Ábyrgðartilfinning er skyld leiðtogaþætt-
inum. Starfsmanninum þarf að finnast hann
bera ábyrgð á verkefnum fyrirtækisins og stíga
fram til að leysa vandamál og vera síðan tilbú-
inn að láta aðra taka við þegar hann hefur lagt
sitt af mörkum.
Þá er mikilvægt að starfsmaðurinn búi yfir
auðmýktinni, sem þarf til að læra af mistökum
og vera tilbúinn til að viðurkenna hugmyndir
annarra. „Sami maðurinn þarf samtímis að
hafa mikið sjálfsálit og lítið sjálfsálit,“ segir
hann.
Athyglisverðust eru ummæli Bocks um sér-
þekkingu. Hann segir að hún skipti minnstu
máli þegar umsækjendur eru vegnir og metnir.
„Ef þú tekur mann sem hefur mikla greining-
arhæfileika, er forvitinn að eðlisfari, viljugur til
að læra og hefur rétta leiðtogahæfileika og
ræður hann í mannahald eða bókhald án þess
að hafa neina þekkingu á því sviði og berð hann
saman við mann, sem aðeins hefur gert einn
hlut og er mesti sérfræðingur í heimi, mun sér-
fræðingurinn segja: Ég hef séð þetta hundrað
sinnum áður, svona gerum við. Yfirleitt mun sá
sem ekki er sérfræðingur komast að sömu
lausn vegna þess að yfirleitt er hún ekki svo
flókin.“ Stundum muni hinir ósérhæfðu vissu-
lega klúðra hlutunum, en þeir geti líka komið
með nýjar og óvæntar lausnir og það hafi mikið
gildi.
Niðurstaða Bocks er sú að hæfileikar birtast
með margvíslegu móti og því þurfi þeir, sem
ráða fólk, að gera það með opnum huga fyrir
öðru en virtustu háskólunum.
„Fólk, sem kemst áfram í lífinu án þess að
hafa farið í skóla, er óvenjulegt og við eigum að
gera okkar besta til að finna þetta fólk,“ segir
hann og bætir við að oft standi háskólar ekki
undir nafni, nemendur hlaði upp skuldum án
þess að læra það sem máli skipti til að komast
áfram í lífinu: „Það er bara framlenging á ung-
lingsárunum.“
Einkunnir og próf eru einskis virði þegar umsóknir eru metnar
TVÆR MILLJÓNIR MANNA SÆKJA UM STÖRF HJÁ RISAFYRIRTÆKINU GOOGLE Á ÁRI HVERJU
Sergey Brin, annar stofnenda Google, kynnir Google-
gleraugun, sem eru með innbyggðri tölvu.