Barnablaðið - 26.04.2014, Blaðsíða 5
BARNABLAÐIÐ 5
Lj
ós
m
yn
di
r/
Eg
ge
rt
Jó
ha
nn
es
so
nygg
sku
líka
kur,
6. og
m. Þar
a mót
ina.
fi ríkt á
u um
vont að detta
Haukur Steinsen er 7
ára hokkíleikmaður úr
Engidalsskóla. Hjá honum eru
hokkí og fótbolti í uppáhaldi.
Ert þú búinn að æfa íshokkí
lengi?
Já - ég er samt ekki alveg viss
hvað lengi.
Eru fleiri í kringum þig að æfa,
eins og t.d. í fjölskyldunni?
Nei, enginn eiginlega. Ég er sá
eini í bekknum mínum sem æfi
íshokkí.
Hvernig kom það til að þú
fórst að æfa?
Ég var að æfa handbolta en
langaði það síðan ekki lengur
og fór að æfa íshokkí.
Kunnir þú á skauta áður en þú
byrjaðir í hokkí?
Nei.
Varstu ekkert hræddur?
Fyrst bara, þegar ég var lítill.
Það hætti fljótt.
Hvað æfir þú oft í viku?
Þrisvar sinnum í viku –
þriðjudaga, miðvikudaga og
laugardaga (stundum á
sunnudögum).
Hvað gerið þið á
æfingum?
Við erum oft að
keppa. Stundum
æfum við líka
hringina, að fara þá
hratt og fleira.
Þú ert í flottri treyju
– hvaðan kemur hún?
Þetta er treyja frá
liðinu sem ég held með í NHL-
deildinni í Bandaríkjunum, það
er liðið frá St. Louis.
Eru mörg hokkílið á Íslandi?
Það eru þrjú félög, SR
(Skautafélag Reykjavíkur),
Björninn og SA (Skautafélag
Akureyrar). Við keppum
stundum, eins og núna um
helgina.
Hvað með önnur áhugamál?
Já, ég hef mikinn áhuga á
fótbolta. Hérna heima held ég
með FH, í ensku deildinni held
ég með Manchester United og
Liverpool, líka Barcelona. Ég
er oft í fótbolta í skólanum og
síðan að leika við vini mína í
íshokkíinu.
Að endingu – hvað myndir þú
segja að skipti mestu máli,
ef maður vill verða góður í
íshokkí?
Að vera duglegur að mæta á
æfingar og vilja fara.
„Heldur meðSt. Louis íNHL-deildinni“
„Mamma markmaður
í landsliðinu“
Arnar Smári Karvelsson er 9 ára og
gengur í Norðlingaskóla. Hokkí-íþróttin er
vinsæl hjá hans fjölskyldu.
Ert þú búinn að æfa íshokkí lengi?
Ég er búinn að æfa í nokkur ár – þrjú
eða fjögur.
Hvernig kom það til að þú fórst að
æfa?
Þegar ég var í 1. bekk fór ég með
skólanum í heimsókn í Skautahöllina.
Þegar ég kom til baka áttum við að
teikna mynd af því sem okkur þótti
skemmtilegast og ég teiknaði mynd af
íshokkí. Þegar mamma sá hana spurði hún
hvort ég vildi æfa íshokkí og ég sagði já.
Kunnir þú á skauta áður en þú byrjaðir í
hokkí?
Nei – ég prófaði fyrst að skauta með grind,
og líka aðeins að spila en datt þá voðalega
oft og meiddi mig. En það var bara í byrjun.
Hvað finnst þér skemmtilegast við hokkí?
Að spila leiki.
Það eru fleiri í kringum þig að æfa, segðu
okkur aðeins frá því?
Já – það eru eiginlega allir í fjölskyldunni
að æfa íshokkí. Mamma mín, Arna
Rúnarsdóttir, er markmaður, hún er í
landsliðinu – ég hef fengið að fara á æfingar
með henni. Pabbi var að æfa hokkí með old-
boys-liði en er í smá-pásu, hann er meiddur
í hnénu. Síðan er Haukur Freyr bróðir minn
að æfa og Hilmar vinur minn, Jóhann Atli,
Benjamín, Eric, Níels og fleiri.
En er ekki vont að fá „pökkinn“ [boltann] í
sig, til dæmis ef maður er í marki?
Jú jú - ég hef verið markmaður og fengið
pökkinn í mig, beint í hnéð. Það var ekki
gott.
Verður hættulegt úti á ísnum?
Mér finnst það ekki, en það er alveg
hættulegt stundum. En við erum með hlífar
og hjálma og svona.
Eru fáar stelpur í hokkí?
Það er ein stelpa í 5. flokki hér, hún
heitir Brynhildur, svo er líka a.m.k. ein í
fjórða flokki. Stelpurnar gera allar sömu
æfingarnar og strákarnir - alveg upp í
meistaraflokk.
Hvað með önnur áhugamál?
Það eru eiginlega bara skautarnir og hokkí -
það er skemmtilegast.
Áttu þér einhvern uppáhalds
íshokkíleikmann?
Það er markmaðurinn í New York Rangers.
Að endingu – hvað myndir þú segja að
skipti mestu máli, ef maður vill verða
góður í íshokkí?
Það sem mér finnst gott er að vera alltaf
glaður í þessu. Maður gefst auðveldar upp
ef maður er í fýlu. Maður á líka alltaf að æfa
sig í öllu jafn mikið – þannig getur maður
orðið góður í öllu. Ef maður er til dæmis
góður í að skauta, getur maður æft sig
meira í að skjóta og slíkt.