Morgunblaðið - 29.05.2014, Page 24

VIÐSKIPTI Á MBL.IS
Mest lesið í vikunni
INNHERJI
RÉTTARRÍKIÐ
SKOÐUN
Það er áhyggjuefni að „margar og
flóknar reglur ýti meira en góðu hófi
gegnir undir skuggabanka-
starfsemi“. Þetta kom fram í ávarpi
Unnar Gunnarsdóttur, forstjóra
Fjármálaeftirlitsins (FME), á árs-
fundi stofnunarinnar í gær.
Hún nefndi að unnið væri mark-
visst að því að treysta fjármálastöð-
ugleika í samræmi við þróun á al-
þjóðavísu. Þessu fylgi „ótrúlegur
fjöldi nýrra reglna sem óhjákvæmi-
lega íþyngir starfsemi banka og ann-
arra eftirlitsskyldra aðila“. Unnur
telur þó „vandséð hvernig íslenskt
fjármálakerfi getur áunnið sér nauð-
synlegt traust að nýju nema íslensk
stjórnvöld hafi metnað og úthald til
að byggja umgjörðina upp í sam-
ræmi við bestu viðmið hvers tíma“.
Í ávarpi sínu fjallaði Unnur um
setningu laga um fjármálastöð-
ugleikaráð sem hún telur skref í
rétta átt til að afstýra tjóni.
„En betur má ef duga skal,“ að
mati Unnar, sem telur að mikilvæga
stoð skorti. Hún sé „varanleg löggjöf
um skila- og slitameðferð fyrirtækja
á fjármálamarkaði þannig að al-
menningur eða skattborgarar bíði
ekki tjón af falli þeirra. […] Leitast
hefur verið við að tryggja stöðu inn-
stæðueigenda og verja þá fyrir því
að tjón sem hlýst af fjárfestinga-
bankastarfsemi flytjist yfir á við-
skiptabankastarfsemi ef banki lend-
ir í rekstrarerfiðleikum“.
Forstjóri FME telur löggjöf á
öðrum sviðum mikilvæga og nefndi
þar afleiðingar af falli vátrygginga-
félagsins European Risk Insurance
(ERIC). Stjórn FME afturkallaði
starfsleyfi þess 12. febrúar sl. og í
kjölfarið var skipuð þriggja manna
skilastjórn. ERIC fékk starfsleyfi á
Íslandi 2004 en hefur mest starfað í
Bretlandi og greitt þar í trygg-
ingasjóð vátryggjenda. „Mál ERIC
hefur beint sjónum okkar að því að
hér á landi skortir sjóð sem hefði
það hlutverk að gera upp vátrygg-
ingaskuldbindingar ógreiðslufærra
vátryggingafélaga og tryggja hags-
muni vátryggingataka og vá-
tryggðra,“ segir Unnur.
Morgunblaðið/Ómar
Forstjóri FME kallar eftir „varanlegri“ löggjöf um slitameðferð banka.
Ýtt undir skugga-
bankastarfsemi
Hörður Ægisson
hordur@mbl.is
Forstjóri FME sagði á árs-
fundi í gær að margar og
flóknar reglur ýttu undir
skuggabankastarfsemi.
Sigurður Nordal
sn@mbl.is
Viðskipti eru í eðli sínu íhalds-söm. Þau byggjast á sígildum
grunngildum, svo sem virðingu,
trausti og sanngirni. Að sama skapi
lifir enginn af í viðskiptum án reglu-
legrar endurnýjunar, sjálfsgagnrýni
og dirfsku. Bestur árangur næst
þegar saman fer traust undirstaða
og vakandi auga.
Með þau gildi í huga förum við afstað með nýtt og breytt við-
skiptablað Morgunblaðsins, Við-
skiptaMoggann. Morgunblaðið hef-
ur löngum verið einlægur málsvari
frjálsra viðskipta, framþróunar at-
vinnulífs og frelsis til athafna. Það er
góð undirstaða fyrir viðskiptaum-
fjöllun og í krafti hennar munum við
leitast við að varpa ljósi á sem flest-
ar hliðar efnahagsmála, viðskipta og
atvinnulífs.
Lesendur í atvinnulífinu eru víð-feðmur hópur sem kallar eftir
fjölbreytilegu efni í knöppu og
markvissu formi. Fréttir og frétta-
skýringar mynda hryggjarstykkið í
blaðinu, en auk þess er lögð áhersla
á faglega umfjöllun og fróðleik af
ýmsu tagi, mannlýsingar og að-
gengilegt lesefni.
Einnig er mikilvægt að setja inn-lenda umræðu í alþjóðlegt sam-
hengi og þar er ómetanlegt að njóta
framlags blaðamanna Financial
Times, sem óumdeilt eru einhverjir
þeir fróðustu og ritfærustu á sínu
sviði.
Með samblandi frétta, fróðleiksog skemmtunar er það okkar
markmið að gera ViðskiptaMoggann
að nauðsynlegu lesefni þeirra sem
lifa og hrærast í viðskiptalífinu – og
helst annarra líka.
Hin rétta
blandaÍslands er bankaríkt land. Hérdrjúpa bankar af hverju strái,
gamlir bankar og nýir bankar,
sparisjóðir og lánasjóðir. Útibú út
um alla borg og í hverjum bæ,
helst fleiri en eitt. Oft er þó býsna
tómlegt í útibúunum, enda stunda
flestir sín bankaviðskipti á netinu
eða í farsímanum.
Það var varla tilviljun að fyrsta
lagið sem Íslendingar sendu í al-
þjóðlega söngvakeppni var óður um
banka – banka gleðinnar.
Það er því að þjóðlegum sið að
nú er stefnt að umtalsverðri fjölg-
un bankastofnana. Hér er átt við
húsnæðisveðlánastofnanir, öðru
nafni íbúðalánabanka, sem verkefn-
isstjórn um framtíðarskipan hús-
næðismála mælir með að stofnaðar
verði utan um íbúðalán. Hér gefst
kjörið tækifæri til þess að fjölga
bankastofnunum til muna. En mun
þetta leiða til aukinnar hagræð-
ingar og betri þjónustu?
Nýtt kerfi íbúðalánabanka mun
verða að danskri fyrirmynd sem
vissulega gerir það nánast ómót-
stæðilegt. Í hjarta okkar erum við
flest aðdáendur Dana og þess sem
danskt er, enda margt sem við höf-
um lært af herraþjóðinni gömlu.
En í ljósi þess að Danir eru smám
saman að hverfa frá því kerfi sem
við ætlum að taka upp, væri
kannski ráðlegt að hugsa málið
betur.
Sértryggð skuldabréf tryggja
það að húsnæðislán og fjármögnun
þeirra eru afgirt með tryggum
hætti innan fjármálastofnana. Það
er því ekki augljóst að það sé til
aukinnar hagræðingar að stofna
sérstakar stofnanir í kringum
íbúðalán, enda fellur þjónusta
vegna húsnæðislána vel að þeim
innviðum sem þegar eru í banka-
stofnunun.
Væru bankar okkur ekki jafn
kærir og raun ber vitni, þá mynd-
um við líklega frekar einbeita okk-
ur að því að minnka kerfið, fækka
einingum, samþætta og hagræða.
Svo má minna á það að útlán á Ís-
landi skiptast nokkuð jafnt á milli
sjóða og banka í ríkiseigu, erlendra
fjármálastofnana og banka í eigu
erlendra kröfuhafa. Svo kannski
það séu brýnni mál við endur-
uppbyggingu bankakerfisins nú um
stundir en fjölgun banka, þó svo
þeir séu gleðibankar.
Í landi gleðibankanna
Hagfræðideild Landsbank-
ans spáir nú 5,5% hagvexti á
næsta ári, eða ríflega tvöfalt
meiri hagvexti en hún spáði í
nóvember.
Landsbankinn stór-
hækkar hagvaxtarspá
1
2
3
4
5
Samningar undirritaðir
Samningur upp á 67 milljarða
Vilja reisa þyrpingu vindmyllna
Haukur aðstoðarframkvæmdastjóri LÍÚ
Ungur frumkvöðull rekur þrjú fyrirtæki
Við höfum í áratugi verið leiðandi í framleiðslu stjórnbúnaðar fyrir hitakerfi
og séð notendum um allan heim fyrir búnaði og lausnum,
sem gerir líf þeirra þægilegra.
Við erum eini framleiðandinn á markaðinum sem sérhæfir sig í framleiðslu
stjórnbúnaðar ásamt varmaskiptum og tengigrindum fyrir hitakerfi.
Við leggjummetnað okkar í að finna réttu lausnirnar fyrir viðskiptavini okkar
hverjar sem stærðirnar, þarfirnar eða kröfurnar kunna að vera.
Þegar spurt er um hitakerfi er svarið:
“Já, Danfoss er með lausnina fyrir þig”
Danfoss hf • Skútuvogi 6 • 104 Reykjavík • Sími 510 4100 • www.danfoss.is
Viðskiptablað Morgunblaðsins Hádegismóum 2, 110 Reykjavík. Sími 5691100, vidskipti@mbl.is. Útgefandi Árvakur hf.
Umsjón Sigurður Nordal fréttastjóri, sn@mbl.is. Auglýsingar Sími 5691111, augl@mbl.is. Bréfsími 5691110 Prentun Landsprent ehf.
VIÐSKIPTA