Morgunblaðið - 25.09.2014, Síða 17

MORGUNBLAÐIÐ | 17
www.isfell.is
Ísfell ehf • Óseyrarbraut 28 • 220 Hafnarfjörður • Sími 5 200 500 • isfell@isfell.is
Velkominn til okkar
í bás D-20 á
Sjávarútvegssýningunni
í Smáranum, 25. - 27. sept. 2014
M
eð tækniframförum hafa samskipti úti
á sjó tekið miklum breytingum á
undanförnum árum, og mætti jafnvel
tala um byltingu. Jóhannes Þormóðs-
son hjá Mariconnect minnir á hvað það þótti
stórt skref á sínum tíma þegar skip gátu verið í
rauntíma-talsambandi við útgerðir og ættingja í
landi. Næst kom internetið um borð, og í gegn-
um gervihnetti hægt að vera í stöðugu sam-
bandi við útgerðarfélög og markaði, nú eða ein-
faldlega kíkja á nýjustu fréttirnar á Mbl.is og
halda sambandi við vini og ættingja á Facebook.
Jóhannes er einn stjórnenda MariConnect en
fyrirtækið sérhæfir sig í netsamskiptalausnum
fyrir skip. Fyrirtækið var stofnað í árslok 2010
og eru starfsmenn í dag sjö talsins, til viðbótar
við ýmsa verktaka. Skip víða um heim eru tengd
við netið í gegnum búnað MariConnect, s.s. skip
að veiðum í Asíu, við strendur Afríku og vita-
skuld skip á íslenska landgrunninu. MariCon-
nect er útflutningsfyrirtæki því um 80% af við-
skiptavinum fyrirtækisins eru erlend skip og
útgerðir.
Facebook í káetunni
Að sögn Jóhannesar heldur gervihnatta- og
móttakaratæknin stöðugt áfram að þróast og
batna svo að tengingin úti á sjó verður æ full-
komnari og hraðari. Venjuleg fiskiskip velja þó
alla jafna lausnir sem eru miðlungshraðar og
miðlungsgagnamagnsfrekar, enda kostar gervi-
hnattatengingin enn töluvert meira en netteng-
ing í landi. „Það yrði fljótt nokkuð dýrt að skoða
myndbönd á YouTube allan daginn inni í káetu.
Um borð í stærri skipum er oft hafður sá háttur
á að komið er fyrir „heitum reitum“ á hvíld-
arsvæðum áhafnarinnar og þar hefur hver not-
andi ákveðinn notkunarkvóta. Við sjáum skip-
verja nota hvort heldur sem er fartölvur,
spjaldtölvur eða snjallsíma til að tengjast netinu
meðan þeir eru úti á sjó.“
Ekki ætti að koma á óvart hversu miklu net-
tengingin skiptir fyrir lífsgæði fólksins um borð.
Erum við í dag öll orðin svo vön því að geta
fylgst með fréttum utan úr heimi eða verið í
beinu sambandi við ástvini yfir samfélagsmiðla
eða fjarskiptaforrit eins og Skype. Jóhannes
segir að með nettengingu um borð séu sjómenn
ekki lengur eins einangraðir frá fólkinu í landi á
meðan á veiðitúrnum stendur og netið veiti
þeim um leið vel metna afþreyingu þegar róleg
stund gefst.
Verðmætar upplýsingar
En nettengingin skapar líka áhugaverða nýja
möguleika í rekstri skipsins. Jóhannes segir
stóran hluta af starfsemi MariConnect felast í
uppsetningu og sölu kerfa sem með sjálfvirkum
hætti safna og miðla rekstrarupplýsingum úr
skipinu. „Vöruna köllum við MariMonitor og er
um að ræða hugbúnað og vélbúnað sem tengist
öllum helstu kerfum skipsins og vaktar t.d.
framleiðslutölur, eldsneytisnotkun og raf-
magnsframleiðslu. Þessum gögnum er miðlað
jafnóðum yfir nettenginguna og þeim safnað á
netþjónum okkar. Þýðir þetta t.d. að stjórn-
endur útgerðarfélaga í landi geta séð mjög
skýrt og greinilega hvað er að gerast um borð í
hverju skipi í flotanum. Frá einu augnabliki til
annars er m.a. hægt að skoða farmtölurnar og
reikna út hvernig má t.d. fylla upp í stórar pant-
anir á tilteknum tegundum, eða gera viðeigandi
ráðstafanir í vinnslu og sölu löngu áður en skip
er komið að bryggju.“
Gögnin eru aðgengileg í skýinu og vistuð með
öruggum hætti. „Útgerðin þarf því ekki að
standa í rekstri eigin netþjóna og tölvustæða til
að safna þessum gögnum,“ útskýrir Jóhannes.
ai@mbl.is
Gögnin beint í land með sjálfvirkum hætti
Morgunblaðið/Ómar
Yfirsýn Jóhannes Þormóðsson segir
MariMonitor miðla upplýsingum jafn-
óðum. „Þýðir þetta t.d. að stjórnendur
útgerðarfélaga í landi geta séð mjög
skýrt og greinilega hvað er að gerast
um borð í hverju skipi í flotanum.“
Með því að tengja skip við
internetið gegnum gervihnött
er ekki bara hægt að auka
lífsgæði sjómannanna um
borð heldur miðla í rauntíma
upplýsingum um afla og
rekstur skipsins.