Selfoss - 27.02.2014, Blaðsíða 4

4 27. febrúar 2014
25% aukning í innritunum
í sjávarútvegstengt nám
Framhaldsskólinn í Vest-mannaeyjum býður upp á skipstjórnarnám og FSu
nám í vélvirkjun. Aðsókn í nám
tengt sjávarklasanum á Íslandi hef-
ur vaxið stöðugt frá árinu 2009 og
fjölbreytni námsbrautanna hefur
aukist. Merkja má aukinn áhuga á
nýsköpun og fullvinnslu afurða á
sókn ungs fólks í grunnnám tengt
sjávarútvegi, segir í greiningu Sjáv-
arklasans, sem birtist sl. þriðjudag.
Aukinn áhugi er einnig á námi í
matvælafræði og þverfaglegu námi
á sviði sjávarútvegs.
• Fjöldi nemenda við skipstjórn-
arskólann nærri þrefaldaðist á
árunum 2008 og 2013 og enn
aukast nýskráningar.
• Eftirtektarverður viðsnúningur
hefur orðið í aðsókn í sjávarút-
vegsfræði við Háskólann á Ak-
ureyri en námið hefur verið eflt,
m. a. með aukinni tengingu við
atvinnulífið. Heildarfjöldi nem-
enda þar hefur aldrei verið meiri
en nú leggja 69 nemendur stund
á sjávarútvegsfræði.
(Heimild: Sjávarklasinn)
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
4. TBL. 3. ÁRGANGUR 2014
Selfoss inn á hvert heimili!
Kennarar krefjast engra ofurlauna
Gerðar eru auknar kröfur til kennara með nýjum verkefnum, sérlausnum og einstaklingsmiðaðri þjónustu,
utan sem innan kennslustofunnar, segir Gylfi Þorkelsson.
Kjarasamningar framhalds-skólakennara runnu út í lok janúar sl. og stéttin er því
samningslaus. Samninganefnd rík-
isins hefur ekkert að bjóða, og hefur
greinilega ekki umboð stjórnvalda
til að gera það sem menntamálaráð-
herra og fleiri stjórnmálamenn hafa
sagt opinberlega að þurfi að gera: að
hækka laun kennara.
Mikil samstaða ríkir meðal
kennaranna og nemendur hafa
stutt þá einhuga, m.a. með kröfu-
stöðu á Austurvelli, enda varðar það
þá og framtíð þeirra, ekki síður en
starfandi kennara, að kennaralaun
séu mönnum bjóðandi. Nýliðun í
kennarastéttinni hefur verið léleg
lengi undanfarið og meðalaldur
framhaldsskólakennara er nú kom-
inn í 56 ár. Framhaldsskólanemar
munu ekki velja kennaranám þegar
þeir sjá að byrjunarlaunin sem ný-
liðum í kennslu bjóðast eftir 5 ára
háskólanám og meistarapróf eru
300.000 krónur. Yngstu kennararnir
munu líka flýja skólana. Stór hópur
framhaldsskólakennara fer á eftirlaun
á næsta áratug. Hverjir eiga að taka
við af þeim? Ekki er að sjá að stjórn-
völd hafi teljandi áhyggjur af því.
Einstaklingsmiðuð
þjónusta, utan sem innan
kennslustofunnar.
Á síðustu árum hefur orðið mikil
breyting í framhaldsskólunum. Nán-
ast allir, eða meira en 95% af hverjum
árgangi, halda sem betur fer áfram
námi eftir grunnskóla. Ánægjulegt
er líka að viðhorfsbreyting hefur
orðið gagnvart námserfiðleikum af
ýmsu tagi. Vandi hvers einstaklings er
greindur af fagmönnum og með því
lagður grunnur að aðstoð við hæfi.
Um leið hefur kennarastarfið orðið
margfalt flóknara, gerðar eru auknar
kröfur til kennara með nýjum verk-
efnum, sérlausnum og einstaklings-
miðaðri þjónustu, utan sem innan
kennslustofunnar. Í þessu ljósi er það
rétt skref að lengja kennaranámið
og endurskoða innihald þess, til að
efla kennara framtíðarinnar og gera
þeim betur kleift að takast á við
aukinn fjölbreytileika og flóknari
aðstæður. Flestir telja það vonandi
eðlilegt að þessu fylgi aukinn kostn-
aður: að 5 ára nám sé dýrara en 3ja
ára nám og að borga þurfi stétt sem
þarf masterspróf til starfsréttinda
hærri laun en ef aðeins væri krafist
bachelorgráðu. Eða hvað?
Stefnt í þverögfuga átt.
Blóðugur niðurskurður í framhalds-
skólunum, a.m.k. 12 milljarðar
undanfarinn tæpan áratug, hefur
þvingað skólana til að fara í þveröf-
uga átt en augljósast mætti telja að
stefnt væri: fjölgað hefur almennt
í námshópum og fámennari valá-
fangar verið skornir, eða kennsla í
þeim skert, á sama tíma og aðstæður
hrópa á minni hópa og aukna fjöl-
breytni í námsframboði til að koma
betur til móts við ólíkar einstak-
lingsþarfir. Margir skólanna ramba
nefnilega á barmi gjaldþrots. Stofn-
anasamningar, sem gefa áttu færi á
„sveigjanleika“ og launaskriði, eru
orðin tóm, því ekkert verður af engu.
Laun framhaldsskólakennara hafa
hækkað minna en hjá öllum öðrum
stéttum hér á landi frá 2006 og eru
nú 17% lakari en annarra háskóla-
menntaðra starfsmanna hjá ríkinu.
Verri starfskjör, aukið álag og lélegri
laun, fyrir lengri (og vonandi betri)
menntun, hafa þegar valdið atgervis-
flótta, eins og fram hefur komið.
Ekki þarf að fara mörgum orð-
um um áhrif þessarar sveltistefnu.
Þjóðfélag sem í framtíðinni verður
að reiða sig æ meir á nýsköpun, há-
tækni- og þekkingariðnað til að halda
uppi viðunandi lífskjörum þarf á vel
menntuðu fólki, öflugu skólakerfi og
úrvals kennurum að halda. Nemend-
ur sem nú sitja í framhaldsskólunum,
og gætu annars hugsað sér að verða
kennarar, munu leita annað, mennta
sig til starfa sem gefa þeim a.m.k.
möguleika á að framfleyta fjölskyldu.
Hverjir eiga þá að kenna komandi
kynslóðum, sem þjóðin á allt undir
að standi fyrir nýsköpun í auknum
mæli?
Stytting náms mun
auka brottfall.
Við þessar aðstæður mætti ætla að
frá stjórnvöldum kæmu hugmynd-
ir til endurbóta. En svo er ekki.
Helstu tillögurnar þaðan koma frá
menntamálaráðherra um „að stytta
framhaldsskólann“ og frá sveitar-
stjórnarstiginu „að láta kennara gera
meira af því sem þeir eru bestir í,
að kenna“. Ráðherrann fullyrðir að
styttingin muni bæta skólastarf. Þar
er hann á villigötum. Í fyrsta lagi
er framhaldsskólinn meira en bara
bóknámsbrautir til stúdentsprófs.
Vandinn snýr ekki að þeim sem geta
tekið stúdentspróf á þremur árum
(margir gera það nú þegar) heldur
hinum sem gengur erfiðlega að ljúka
því á fjórum árum, af ýmsum ástæð-
um. Stytting náms mun þess vegna
auka brottfall, ekki minnka það.
Fleiri af þeim sem glíma við náms-
erfiðleika, eða þurfa að vinna með
skóla, munu hætta námi. Athygl-
inni ætti fremur að beina að eflingu
verk-, list- og starfsnáms og hvetja
þannig fleiri nemendur til að velja
slíkt nám í stað stúdentsbrautanna.
Þetta kostar peninga, sem stjórnvöld
eru ekki reiðubúin að leggja til.
Fremur ætti að minnka
kennsluskylduna en
auka hana.
Varðandi tilvitnuð orð málsmetandi
sveitarstjórnarmanna er það að segja
að þau lýsa algeru skilningsleysi á
eðli kennarastarfsins og aðstæðum
í grunnskólunum. Markmiðið er,
eins og með styttingaráformum ráð-
herrans, að spara peninga. En krafa
sveitarfélaganna um meiri kennslu
felur um leið í sér skerðingu á tíma
kennaranna til undirbúnings og úr-
vinnslu, foreldrasamskipta, teymis-
vinnu, samráðs og annarra starfa sem
óhjákvæmilega fylgja því að kenna
grunnskólabekk. Í „skóla án aðgrein-
ingar“ og við breyttar aðstæður vegna
aukins hegðunar- og námsvanda
veitir kennurum sannarlega ekki af
þeim tíma sem þeir nú hafa til að
sinna starfi sínu af fagmennsku og
metnaði, og fremur ætti að minnka
kennsluskylduna en auka hana, ef
mönnum er alvara með því að mik-
ilvægt sé að bæta skólastarf og að
sinna hverjum nemanda betur á eigin
forsendum.
Kennarar hafa engan áhuga á verk-
föllum og krefjast engra ofurlauna,
aðeins sanngjarnrar leiðréttingar út
frá eðlilegum samanburði við opin-
bera starfsmenn með sambærilega
menntun. Kjarabarátta þeirra varðar
ekki bara starfandi kennara og launa-
seðil þeirra, heldur ekki síður kom-
andi kynslóðir sem munu þurfa sífellt
betri menntun til að sinna framtíðar-
störfum sem gefa þjóðinni færi á að
standast alþjóðlega samkeppni um
framleiðni og lífskjör. Slík úrvals-
menntun verður ekki í boði án góðra
kennara. Fáir nemendur, og engir
afbragðsnemar, munu velja kennara-
nám við núverandi aðstæður. Það er
mikið áhyggjuefni.
Gylfi Þorkelsson, formaður
Kennarafélags Fjölbrautaskóla
Suðurlands
„Ánægjulegt er líka að viðhorfsbreyting hefur orðið gagnvart námserfiðleikum
af ýmsu tagi. Vandi hvers einstaklings er greindur af fagmönnum og með því
lagður grunnur að aðstoð við hæfi,“ segir Gylfi Þorkelsson. Myndin er tekin
af nemendum í fSu. ÞHH
Gylfi Þorkelsson.
Sunnulækjarskóli:
Kynning á framhalds-
skólum í heimabyggð
Kynning á framhaldsskól-um í heimabyggð verður haldin í Fjallasal fyrir for-
ráðamenn og nemendur í 9. og 10.
bekk í Sunnulækjarskóla, verður
í dag, fimmtudaginn 27. febrúar
kl.18:00.
Námsráðgjafar, sviðstjórar og
fulltrúar nemendafélaga Fjöl-
brautaskóla Suðurlands og Mennta-
skólans að Laugarvatni koma og
kynna námsframboð og starfsemi
skólanna. Foreldrar eru hvattir til
að mæta með börnum sínum en
búast má við að fundurinn taki um
klukkustund.