Selfoss - 13.03.2014, Side 11

1113. MARS 2014
Samfélagið þarf að
spyrna við fótum
Er útlitsdýrkun og lýtaaðgerðir á
kynfærum kvenna nokkurs konar ofbeldi?
Getum við haft áhrif til að breyta
hugsun ungra stúlkna og styrkja þær
gegn þessari tísku sem líkja má við
faraldur?
Annie Brynhildur Sigfúsdóttir
læknir hélt fróðlegt fræðsluerindi í
Tryggvaskála miðvikudag í sl. viku.
Zontakonur efndu til málþings til
að ræða viðkvæmt en brýnt málefni.
Annie Brynhildur sem er
fæðingar- og kvensjúkdómalækn-
ir ræddi um þá útlitsdýrkun sem
auknar læknisfræðilegar aðgerðir
bera með sér hin allra síðustu ár.
Jafnvel bráðungar stúlkur (yngri en
18 ára) sækja til lýtalækna og fara
fram á aðgerðir á skapabörmum.
Sagði Annie Brynhildur að aðgerð-
irnar féllu undir umskurð og ekki
hættulausar. Nauðsynlegt væri að
samfélagið allt spyrnti við fótum.
Tilgreindi hún þætti sem grípa
mætti til.
Spurn eftir þessum umskurðsað-
gerðum er ný af nálinni. Varpaði
Annie Brynhildur því fram hverju
sætti að þessum aðgerðum fjölgar
mjög hin allra síðustu ár. Er það
tíðarandinn? Er þetta hluti af klám-
væðingu í samfélaginu? Tískufyrir-
bæri og netvæðingin eru nefnd til
sögunnar. Með netinu berist tísku-
straumar og spurning hvort íslenska
stúlkur og konur séu móttækilegri
en stallsystur þeirra erlendis?
-Á seinni hluta málþingsins var við-
fangsefnið: Er ósýnilegt eða sýnilegt
ofbeldi í okkar samfélagi?
Hvernig getum við barist gegn því
og eru boðleiðir fórnarlambs ofbeld-
is til hjálpar nægilega skýrar?
Guðrún Jónsdóttir, talskona
Stígamóta var fyrirlesari. Guðrún
vakti meðal annars máls á því að
brýnt væri að breyta staðalímyndum
okkar: að setja ábyrgðina á ofbeldi
sem konur verða fyrir á þær en ekki
ofbeldismanninn. Sýndi hún fram
með ýmsum dæmum hvernig fjöl-
miðlar og opinberir aðilar hefðu
nálgast efnið á þann hátt: t.d. með
auglýsingu Lýðheilsustofnunar þar
sem lögð er áhersla á konuna sem
fórnarlambi. Með því að breyta
hegðun sinni mætti hún komast
hjá því að verða fyrir ofbeldi eins
og nauðgun. Athyglin væri ekki á
karlmönnunum sem gerendum.
Mikilvæg málefni á málþingi
Zontaklúbbs Selfoss. Enda fjöl-
menni í Tryggvaskála.
ÞHH Ljósm. ÞHH
Til þess að tryggja farsæla aðlögun nemenda af erlendum uppruna að samfélaginu:
Sameiginlega móttökuáætlun fyrir
nemendur af erlendum uppruna í
leik- og grunnskólum í Árborg
Á fundi fræðslunefndar Svf. Árborgar í febrúar sl. lagði ég fram fyrirspurn um
þjónustu við börn af erlendum
uppruna í leik- og grunnskólum
sveitarfélagsins. Í svörum við fyr-
irspurninni kemur m.a. fram að í
skólum Svf. Árborgar er töluverður
fjöldi nemenda af erlendum upp-
runa eða um 100 talsins. Miklu
máli skiptir að vel sé tekið á móti
þessum börnum og þeim veitt eins
góð þjónusta og okkur frekast er
unnt.
Vegna fyrirspurnarinnar, minnis-
blaðs sem fræðslustjóri lagði fram
á fundinum og umræðu í kjölfarið,
bókaði ég eftirfarandi: „Með hlið-
sjón af svörunum leggur undirrituð
til að unnið verði að stefnumótun í
málefnum nýrra íbúa sveitarfélags-
ins sem eru af erlendum uppruna.
Undirrituð leggur einnig til að unn-
in verði sameiginleg móttökuáætlun
fyrir nemendur af erlendum upp-
runa í leik- og grunnskólum sveitar-
félagsins þar sem m.a. verði sett
metnaðarfull markmið um kennslu
í móðurmáli nemendanna.“
Móðurmálskennsla
Það er hlutverk fræðsluyfirvalda
í sveitarfélaginu að tryggja að öll
börn fái jöfn tækifæri í námi. Börn
af erlendum uppruna sem ekki fá
móðurmálskennslu fá ekki sömu
tækifæri til náms og íslenskir jafn-
aldrar þeirra. Móðurmálskennsla
þarf að vera lögbundin í skólum til
þess að öll börn af erlendum upp-
runa geti haldið í við íslensk börn
í náminu. Það er afar mikilvægt
að börnin kunni að skrifa og nota
móðurmálið sitt á skapandi hátt.
Sá orðaforði sem barn býr yfir á
sínu móðurmáli hefur bein áhrif
á námsárangur í framtíðinni og er
mikilvægur grunnur til þess að læra
nýtt tungumál. Tungumálið er auk
þess hluti af rótum barnsins, menn-
ingararfur, sem er afar mikilvægur
fyrir sjálfsmynd þess.
Grunnskólar í Svf. Árborg hafa
reynt að sinna móðurmálskennslu
nemenda af erlendum uppruna eins
og kostur er síðustu ár, en betur má
ef duga skal. Mikilvægt er að skólar
sveitarfélagsins vinni saman, þannig
að hægt verði að bjóða öllum nem-
endum upp á móðurmálskennslu,
ekki bara þeim sem hópum sem eru
fjölmennastir í skólunum. Einnig
mætti bæta þjónustuna með því að
fleiri sveitarfélög, t.d. í Árnessýslu,
ynnu saman að því að bjóða upp á
móðurmálskennslu.
Sameiginleg móttökuáætlun
í sveitarfélaginu
Til þess að tryggja farsæla aðlögun
nemenda af erlendum uppruna að
samfélaginu, er afar mikilvægt að
unnin verði sameiginleg móttöku-
áætlun fyrir alla leik- og grunnskóla
sveitarfélagsins. Með sameiginlegri
móttökuáætlun tryggjum við að
unnið sé samkvæmt ákveðnum
verkferlum þannig að faglega sé
staðið að móttöku nemendanna í
öllum skólunum. Þegar unnið er
eftir skýrum verklagsreglum tekst
okkur betur að tryggja að allir
leggi metnað í að koma til móts
við ólíkar þarfir hvers og eins. Við
þurfum alltaf að leita allra leiða til
þess að börn af erlendum uppruna
séu virk í nærsamfélaginu, það gerir
samfélagið svo miklu litríkara og
skemmtilegra.
Arna Ír Gunnarsdóttir,
bæjarfulltrúi S-lista.
Öskudagsfjör í Kerhólsskóla
Öskudagur rann upp bjartur og fagur í Kerhólsskóla sem er leik- og grunnskóli
í Grímsnes-og Grafningshreppi.
Nemendur og starfsfólk skólans
mættu allir sem einn í hinum undar-
legustu gervum. Heimagerðum
búningum er jafnan gert hátt undir
höfði og fá tveir þeirra verðlaun en
keyptur búningur fær ein verðlaun.
Eftir hádegismat var haldin skemmt-
un í íþróttahúsinu á Borg á vegum
foreldra- og nemendafélags Ker-
hólsskóla. Þar var mikið fjör, kettir
slegnir úr tunnum, dansað og farið í
limbó. Þetta var hin besta skemmtun
og allir fóru ánægðir heim að henni
lokinni. HH
Miklar umræður urðu á málþinginu í Tryggvaskála hjá Zontalúbbnum.
Arna Ír Gunnarsdóttir