Selfoss - 17.07.2014, Blaðsíða 4
4 17. júlí 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
14. TBL. 3. ÁRGANGUR 2014
Selfoss inn á hvert heimili!
laNDSLag / laNDSCape
á Laugarvatni
Sýningunni laNDSLag / laNDSCape sem er í sýn-ingarsal Gullkistunnar á
Laugarvatni lýkur á sunnudaginn.
22 listamenn taka þátt í sýn-
ingunni, m.a. Ólafur Th Ólafsson,
Elísabet H. Harðardóttir, Jón Ingi
Sigurmundsson og Hallur Karl
Hinriksson. Opið er laugardag og
sunnudag kl 1 - 6.
Sundlaugin rís
Tónlistarhátíðin Englar og menn í Strandarkirkju í Selvogi
Feðgarnir Bragi
Bergþórsson og
Bergþór Pálsson
kl. 14.30 á laugardaginn.
Tónlistarhátíðin „Englar og menn“ hljómar í Strandar-kirkju í Selvogi í júlí.
Ómar kirkjan næst af fagurri tón-
list laugadag 19. júlí með feðgunum
Braga Bergþórssyni tenór og Berg-
þóri Pálssyni baritón. Yfirskriftin er
„Blásið þið, vindar!“ þar sem sönglög
Inga T. Lárussonar munu hljóma.
Meðleikari þeirra verður Þóra Fríða
Sæmundsdóttir píanóleikari. Athygli
er vakin á því að þessir tónleikar
hefjast kl. 14.30.
Á lokatónleikum hátíðarinnar
þann 26. júlí kl. 14 koma fram þau
Gunnar Guðbjörnsson tenór og
Helga Bryndís Magnúsdóttir org-
elleikari undir yfirskriftinni „Heyr
mig, lát mig lífið finna“, en hluti
dagskrár þeirra verður tileinkaður
150 ára fæðingarafmæli Einars Bene-
diktssonar ljóðskálds, sem bjó síð-
ustu æviár sín í Herdísarvík í Selvogi.
Björg Þórhallsdóttir sópransöng-
kona er listrænn stjórnandi og fram-
kvæmdastjóri hátíðarinnar, sem er
styrkt af Menningarráði Suðurlands
og Strandarkirkjunefnd. Aðgangs-
eyrir að tónleikunum er 1.500 kr.
Ekki er tekið við greiðslukortum.
Íslenskir skulu þeir vera
- taflmennirnir sem eru einstakar fornminjar.
Það er ekkert lát á viðburð-um í Fischersetrinu á Sel-fossi. Þar er ekki bara teflt
og aldrei á tæpasta vað. Guðmund-
ur G. Þórarinsson flutti fróðlega
og skemmtilega tölu í safninu sl.
föstudag. Viðfangsefnið var ætt-
greining á merkum munum sem
tengjast skáklistinni. Árið 1831
fundust taflmenn á eyjunni Ljóð-
húsum (Lewis). Þeir fyrstu með nú-
tímasniði. Sagðir vera norskir (úr
Þrændalögum) en Guðmundur G.
hefur fært rök fyrir öðru. Líklegra sé
að þeir séu íslenskrar ættar og höf-
undarnir séu listamenn sem dvöldu
í Skálholti á tímum Páls Jónssonar
biskups um 1200. Margrét hin haga
er þar nefnd til sögunnar og fleiri
listakonur.
Guðmudnur varpaði fram
forvitnilegum spurningum – og
svaraði: Voru Íslendingar fátækir á
þessum tíma sem taflmennirnir eru
sagðir frá? Svo fátækir að þeir hefðu
ekki getað staðið að slíkum verkum?
Kunnu Íslendingar að tefla á 12.
öld? Voru yfirleitt nokkrir listamenn
á Íslandi? Flæktust Íslendingar
nokkuð að ráði um á þessum tíma?
Hvað um það. Guðmundur G.
dregur fram málfræðilegar tilgátur
máli sínu til stuðnings. Og hefur
sér nokkurt fulltyngi sérfræðinga ís-
lenska í þeim málum. Skemmtilegar
tilvísanir. Til dæmis til biskupsins
sjálfs. Biskup í tafli er aðeins til á
Íslandi og á Bretlandi. Nú er svo
komið að svo virðist sem frumkvæð-
ið að lausn gátunnar um uppruna
þessara merku minja sé frekar að
finna hjá íslenskum fræðimönnum
og er Guðmundur G. Þorarinsson
einn þeirra. Eru taflmennirnir frá
Ljóðhúsum eftir allt búnir til í skjóli
auðs og valda í Skálholti?
ÞHH
„Hér eru allir kátir,“
segir Elfa Dögg Þórðardóttir í Frosti og Funa í Hveragerði.
„Vætutíðin hefur haft einhver áhrif á upplifun gestanna, enda er mun ánægjulegra að
vera á náttúruhóteli í góðu veðri.
En hér eru allir kátir, enda mik-
il upplifun fyrir gestina að geta
skroppið út í hverinn á hlaðinu
og soðið sér egg í morgunverð sem
þau setja svo ofan á nýtt hverabak-
að brauð. Auk þess erum við með
sundlaug, heita potta, náttúrulega
gufu, heita Varmánna, Kneipp böð
og nudd svo eitthvað sé nefnt.“
Elfa Dögg segir sumarið mjög
gott og nánast fullbókað alla daga
bæði á Frost og Funa hóteli, Axels-
húsi guesthouse og einnig sé mjög
góð aðsókn á veitingahúsið Varmá.
Þá séu þau mjög vel bókuð í vetur.
Búið sé að stækka veitingahúsið
niður að ánni, setja upp setustofu
og bæta við herbergjum þannig
að hægt sé að taka á móti fjölda
fólks, ekki veitti af að stækka þetta
svolítið.
„Við viljum bara bjóða Sunn-
lendinga sem og aðra vel-
komna hvort sem er í ljúffengan
kvöldverð, í rómantíska helgarferð,
vinnufundi eða annað. Við bjóðum
upp á alveg frábært hótel í yndis-
legu umhverfi, fundaraðstöðu,
allskonar ferðir, svo ekki sé nú
talað um okkar rómaða veitinga-
hús Varmá. Við erum með tilboð
á hverju kvöldi og því ekki úr vegi
að panta borð og prófa einhverja
af okkar einstöku réttum. Okkur
langar að þakka góðar viðtökur
og þakka gestum okkar fyrir tíðar
heimsóknir á Varmánna á því ári
sem liðið er frá því að við opnuð-
um,“ segir Elfa Dögg.
Hvernig leggst rigningin í erlenda ferðamenn? Er rosinn kannski á útleið?
Dregur veðrið úr aðsókn?
Svarið er nei ef ferðafrömuðir á
Suðurlandi eru inntir álits
„Þeim er nokk sama um rigninguna,“
segir Elísabet Jóhannsdóttir Sörensen í Gesthúsum á Selfossi.
„Ég held reyndar að við kvört-um meira yfir veðrinu heldur en
útlendingarnir. Þeim er oftast nokk
sama um rigninguna en verra finnst
þeim rokið.“
Elísabetu finnst sumarið hafa byrjað
snemma í ár og aðsókn hafi vaxið stöð-
ugt. Og mikið að gera. „Það er 30%
aukning hjá okkur á tjaldstæðinu. Við
höfum reyndar heyrt af því að í sumum
leiðarbókum er fólk hvatt til að fara á
tjaldstæði Gesthúsa á Selfossi ef veðrið
er vont því þar sé svo góð aðstaða. Betri
meðmæli er nú varla hægt að fá.“
Verið er að ljúka við byggingu á
þremur sumarhúsum. Það eykur fjöl-
breytnina. Húsin eru fyrir 6 manns
og vel búin.
„Það er skemmtilegt að vinna við
ferðaþjónustu. Maður hittir mikið af
fólki og fær að fræða um land og þjóð.
Stundum að leiðrétta ranghugumyndir
um landið okkar eins og það að hér sé
dimmt allan sólarhringinn á veturna.
Við horfum björtum augum fram á
veginn.“
ÞHH
Þeir létu ekki suddann hafa áhrif á sig og slógu upp fyrir viðbyggingu
Sundhallar Selfoss. Myndasmið bar að sem staðreyndi aðgerðir.