Hafnarfjörður - Garðabær - 11.07.2014, Blaðsíða 2
2 11. júlí 2014
Auka niður-
greiðslur
skólamáltíða
Bæjarráð Garðabæjar hefur sam-þykkt að auka niðurgreiðslur
skólamáltíða í grunnskólum bæjar-
ins. Ákveðið var að endurnýja samn-
ing við Skólamat ehf. um eitt ár, en
endurnýjuninni fylgir 11 prósenta
verðhækkun. Helmingur þessarar
hækkunar skýrist af hækkun á vísi-
tölu neysluverðs, segir í fundargerð
bæjarráðsins, en líka af auknum
launakostnaði, en hann á að skýrast
af fjölgun nemenda.
Þetta á hins vegar ekki að koma niður
á nemendum, því bæjarráðið ákvað að
gjaldskrá skólamáltíða yrði óbreytt, 428
krónur fyrir máltíðina. Bæjarstjóranum
var falið að undirbúa viðauka við fjár-
hagsáætlun vegna aukinnar niður-
greiðslu, en á sama tíma á skólanefnd
bæjarins „að skoða nánar fyrirkomulag
á sölu heitra máltíða til grunnskóla-
barna í Garðabæ til framtíðar“.
www.eignaumsjon.is
S. 585 4800, Suðurlandbraut 30.
Aðalfundur framundan?
Heildarlausn í
rekstri húsfélaga.
Heildarlausn í
rekstri húsfélaga.
Hafnarfjarðarbær gegn Stálskipum:
Halda áfram með málið
Bæjarráð Hafnarfjarðar hefur ákveðið að áfram verði unnið að því að fá forkaupsrétt að
skipi og kvóta Stálskipa. Bæjarlög-
manni hefur verið falið að vinna
áfram að málinu.
Málið er tvíþætt. Annars vegar er
um að ræða sölu á togaranum Þór
Hf.4 til Rússlands, og hins vegar sölu
á kvótanum til útgerða úti á landi.
Bæjarráð skorar jafnframt á sjávar-
útvegsráðherra að svara erindi bæjar-
ins um þessi mál.
Hafnarfjarðarbær hafði farið með
söluna á togaranum fyrir héraðsdóm,
en dómurinn synjaði bænum um
frekari upplýsingar.
Samkvæmt úrskurði dómara er
talið að svonefndur „bill of sale“sem er
nokkurs konar afsal, vegna sölunnar
á skipinu, sé fullnægjandi gagn. Hins
vegar kemur til að mynda ekki fram
í plagginu hver sé fyrirsvarsmaður
kaupandans.
Kvóti Stálskipa nam yfir einu pró-
senti af heildarkvótanum á Íslands-
miðum, en fullyrt hefur verið að
kaupverð hans hafi numið 8 millj-
örðum króna.
Vestmannaeyjabær vann nýlega
mál fyrir héraðsdómi þar sem gengið
var framhjá forkaupsrétti bæjarins.
Það mál snerist um kaup á útgerðinni
Bergur-Huginn til fyrirtækja sem
tengjast Samherja. Þeir sem keyptu
útgerðina töldu líkur á að málinu yrði
áfrýjað til Hæstaréttar þegar blaðið
spurði um það. Það hefur ekki enn
verið gert, en áfrýjunarfrestur er ekki
liðinn.
Safna-
dagurinn
í Hafnar-
borg
Íslenski safnadagurinn verður haldinn á sunnudag, en opið
verður í Hafnarborg milli klukkan
12 og 17 og er aðgangur ókeypis.
Fram kemur á vef Hafnarborgar
að boðið verði upp á fjölda við-
burða, en dagskráin hefst með
fjölskylduleiðsögn og listsmiðju
fyrir börn og foreldra, boðið verður
upp á kynningar á sýningunni
Ummerki sköpunar með þátttöku
listamannanna Péturs Thomsen
og Sirru Sigrúnar Sigurðardóttur
og farið verður í leiðangur um
Hafnarborg þar sem saga safnsins
og hússins verður skoðuð. Í lok dags
verður svo haldið í gönguferð um
hraunið sunnan Hafnarfjarðar,
þar sem finna má ummerki um
verk Hreins Friðfinnssonar House
Project, en á sýningunni Ummerki
sköpunar er að finna verk eftir
Hrein sem sækir í sama brunn.
Gæsluvöllur í Setbergi
Fram til 1. ágúst verður starfræktur gæsluvöllur við leikskólann Hlíðar-
berg í Setberginu ætlaður börnum á
aldrinum 2-6 ára. Gæsluvöllurinn
verður opinn frá 8.30- 12.00 og 13.00-
16.30, en lokað verður í hádeginu, að
því er segir á heimasíðu Hafnarfjarðar-
bæjar. Gæsluvöllurinn var opnaður í
vikunni.
Hann er ætlaður til útileikja og því er
ekki æskilegt að hafa ung börn lengur
en einn og hálfan tíma. Ekki eru að-
stæður til að skipta á börnum og því
verða þau að geta notað salerni sjálf.
Mikilvægt er að börnin hafi með sér
nesti, útiföt og aukaföt í tösku, segir á
vefsíðu bæjarins.
Hægt er að kaupa klippikort. Fimm
skipti kosta 1.100 krónur og tíu skipti
2.000 krónur. Hægt er að kaupa kortin
í gegnum heimasíðu Hafnarfjarðar-
bæjar, www.hafnarfjordur.is, eða í
þjónustuveri bæjarins.
Aðgerðir til að stytta vinnuvikuna:
Stjórnvöld draga lappirnar
„Til stóð að vinnuhópur velferða-ráðuneytisins um samræmingu fjöl-
skyldu og atvinnulífs sem skipaður var
á síðasta kjörtímabili myndi skoða áhrif
styttingu vinnutíma. Sá hópur taldi
verkefnið aftur á móti of viðamikið
samhliða öðrum verkefnum hópsins
og því stóð til að stofna sérstakan
starfshóp til að fjalla aðeins um þetta
viðfangsefni. Nýr félagsmálaráðherra
hefur hins vegar ekki séð ástæðu til
að setja þann hóp á laggirnar enn sem
komið er,“ segir Elín Björg Jónsdóttir,
formaður BSRB í grein hér í blaðinu,
þar sem hún fjallar ítarlega um aðgerðir
til að stytta vinnuvikuna.
Hún bendir á að unnið sé að fjöl-
skyldustefnu í félagsmálaráðuneytinu.
„Það er skoðun BSRB að stytting vinnu-
tíma eigi að vera hluti af opinberri fjöl-
skyldu- og velferðarstefnu stjórnvalda.
Hóflegri vinnutími yrði mikilvægt
framlag til fjölskyldustefnunnar og
sýnt hefur verið fram á að jafnrétti á
heimilum er ein meginforsenda þess að
jafnrétti náist á vinnumarkaði. Stytting
vinnutíma gæti því aukið lífsgæði fólks
og stuðlað að frekara jafnrétti. Því er
miður að ekki eigi að skoða sérstaklega
innan ráðuneytisins hvernig hægt sé
að stytta vinnutíma og hvaða áhrif það
myndi hafa,“ segir Elín Björg.
Sjá bls. 12.
Draga í land með Fiskistofu
Sigurður Ingi Jóhannsson, sjáv-arútvegsráðherra, hefur dregið nokkuð í land með flutning Fiski-
stofu til Akureyrar. Hann hefur lýst því
yfir að kannað verði hvort lagaheimild
sé fyrir flutningnum, og að ekkert verði
aðhafst nema skýr heimild sé fyrir því.
Sé hún ekki fyrir hendi verði fengin
heimild Alþingis. Þá hefur hann sagt
að 30-35 störf muni flytjast norður.
Afdráttarlaus tilkynning
Ráðherrann var heldur afdráttarlausari
þegar tilkynnt var um flutninginn á
föstudag fyrir viku. Þá var því slegið
föstu að höfuðstöðvar yrðu fluttar
norður og öll hennar starfsemi, utan
tölvudeildar, sem rekin er ásamt
Hafrannsóknarstofnuninni. Engir
fyrirvarar voru gerðir við lagalegar
heimildir í tilkynningu sjávarútvegs-
ráðuneytisins um flutninginn 27. júní,
en vísað í stefnu ríkisstjórnar Sjálfstæð-
isflokks og Framsóknarflokks.
Engin lagaheimild
Starfsmenn Fiskistofu brugðust eðli-
lega ókvæða við og málið hefur verið
mjög gagnrýnt úti í samfélaginu;
bæði fyrir aðferðina og líka vegna af-
leiðinganna fyrir stofnunina og starfs-
fólk. Hafsteinn Þór Hauksson, lektor
í lögum við HÍ, benti á að ekki væri
heimild í lögum fyrir flutningnum. Þá
hafa starfsmenn Fiskistofu, og fleiri,
bent á að makar þeirra séu í vinnu á
höfuðborgarsvæðinu og börn í skóla.
Flutningurinn myndi því hafa um-
talsverð áhrif á hundruð manna, tugi
fjölskyldna. Þá hafa nokkrir þingmenn
Sjálfstæðisflokksins gagnrýnt þetta
harðlega.
Niðurskurður í Hafnarfirði
Bent er á það í inngangi að ársskýrslu
Fiskistofu fyrir síðasta ár að niður-
skurður hafi einkum bitnað á höfuð-
stöðvum. „Í niðurskurði undanfarinna
ára hefur Fiskistofu tekist að verja störf
á landsbyggðinni og fækkun starfsfólks
lent á höfuðstöðvum stofnunarinnar í
Hafnarfirði,“ segir Eyþór Björnsson,
Fiskistofustjóri í inngangi skýrslunnar.
Alvarlegar athugasemdir bæjarins
„Bæjarráð Hafnarfjarðar gerir alvar-
legar athugasemdir við þau áform
sjávarútvegsráðherra og ríkisstjórnar
að flytja Fiskistofu úr Hafnarfirði. Um
er að ræða fjölmennan og sérhæfðan
vinnustað í bæjarfélaginu sem auk
þess að veita hópi Hafnfirðinga at-
vinnu hefur umtalsverð samlegðar-
áhrif á verslun og þjónustufyrirtæki
í bænum,“ segir í texta sem bæjarráð
sendi frá sér á dögunum.
„Í Hafnarfirði er lögð rík áhersla á
að hlúa að atvinnustarfsemi í bænum
og skapa umgjörð um fjölbreytilegt
atvinnulíf. Því yrði mikil eftirsjá af
öflugum vinnustað eins og Fiskistofu.
Bæjarráð hefur miklar áhyggjur
af því hve rýr hlutur bæjarfélagsins
er nú þegar orðinn hvað umfang
stofnana og þjónustufyrirtækja á
vegum ríkisins varðar. Óvissa ríkir
vegna væntanlegra breytinga á sýslu-
mannsembættinu og fyrir tveimur
árum var öll starfsemi lögð af á St.
Jósefsspítala.
Bæjarráð Hafnarfjarðar mun beita
sér af fullum þunga gegn þessari
þróun og fyrir því að bærinn beri
ekki skarðan hlut frá borði þegar
kemur að staðsetningu stofnana og
þjónustufyrirtækja hins opinbera.
Jafnframt lýsir bæjarráð yfir furðu
á þeim vinnubrögðum sem viðhöfð
voru þegar ákvörðunin var tilkynnt
án nokkurs fyrirvara,“ segir bæjarráð
Hafnarfjarðar.
Akureyringar
fylgjandi
Bæjarráð Akureyrar bókaði á
dögunum að lýsa „fullum stuðn-
ingi við ákvörðun stjórnvalda um að
fjölga opinberum störfum í bænum
með því að staðsetja höfuðstöðvar
Fiskistofu á Akureyri“.
Elín Björg jónsdóttir, formaður BSRB.
Rósa Guðbjartsdóttir, formaður bæj-
arráðs Hafnarfjarðar.