Hafnarfjörður - Garðabær - 11.07.2014, Blaðsíða 10
10 11. júlí 2014
Ómótstæðilegur HM hamborgari
Aðra eins rassskellingu og Brasilíumenn fengu í leiknum gegn Þýskalandi á
dögunum hafa menn ekki séð á heimsmeistaramóti í knattspyrnu. Án þess
að því sé hér haldið fram að þetta sé tölfræðilega einstakt í sögu keppninnar
– þá er ekkert viðlíka að finna í lélegu fótboltaminni matarblaðamanns. Nú
er úrslitaleikurinn framundan og spennandi að sjá hvort Þjóðverjar valti
yfir Argentínumenn af svipuðu afli og þeir gerðu við Brassana.
Bjór og borgari
Hvernig sem það verður, er augljóst
að leikurinn verður upplifun. Hafn-
firðingar, Garðbæingar og nærsveita-
menn munu væntanlega koma sér fyrir
framan við sjónvarpsskjáina og fylgjast
með. Hið sama munu milljónir manna
gera um víða veröld. Margir þeirra
munu dreypa á bjór og stór hluti fá sér
hamborgara. Þá komum við að kjarna
málsins. Hvernig borgari fer best með
stórleik sem þessum?
Einfaldur og djúsí
HM hamborgarinn þarf að vera ein-
faldur, safaríkur og bragðgóður. Fyrst
og fremst þarf hann að vera úr góðu
kjöti. Þótt góður hamborgari, úr úr-
valskjöti, grænmeti, osti og brauði sé
auðvitað ágætlega hollur og góður
matur er ekki til neitt sem heitir
megrunarhamborgari. Ástæðan er sú
að bragðið liggur í fitunni. Hakkið sem
notað er í borgarann verður að vera
frekar fituríkt. Þarna erum við að tala
um 18% til 20% fituinnihald.
Matarblaðamaður mælir með því að
lesendur nýti sér kjötborðin á svæðinu,
hvort sem er í Fjarðarkaupum, sam-
kaupum við Miðvang eða Hagkaupum
í Garðabæ og láti sérhakka fyrir sig
gott og fitumikið hakk ef það er ekki
þegar til. Hér er líka rétt að endur-
taka það sem áður hefur verið bent
á hér á þessum síðum. Ein allra besta
kjötverslun landsins, Kjötgallerý, er í
Hafnarfirði. Þar er hægt að fá úrvals
borgara. Ef fólk hins vegar ákveður að
búa sjálft til borgarna er bent á hina
ágætu Hamborgarapressu sem úrvals
hjálpartæki.
Matarsíða svavars
Köld
bernaise sósa
HRÁEFNI:
4 eggjarauður
200 g. íslenskt smjör
Örlítið sjávarsalt
Örlítið af svörtum pipar
1-2 stilkar af graslauk eða
smávegis af vorlauk
Lúka af fersku fáfnisgras
(estragon – líka má notast
við þurrkað estragon eða
estragon edik)
AÐFERÐ:
Bræðið smjörið og þeytið
eggjarauðurnar saman
við. Hægt í fyrstu. Blandið
smátt söxuðum graslauk og
fáfnisgrasi saman við. Smakkið
til og bætið út í þetta salti og
pipar eftir smekk. Hrærið svo
þar til sósan fer að þykkna.
Setjið í kæli og berið sósuna
fram kalda.
Steiktir
kartöfluklattar
HRÁEFNI:
1,5 kíló kartöflur
150 g. smjör
Handfylli af rósmaríni
350 g. 18% sýrður rjómi
Repjuolía
Sjávarsalt
AÐFERÐ:
Sjóðið kartöflurnar. Stappið þær
svo – með hýðinu ef kartöflurnar
eru nýjar, annars þarf að skræla.
Hitið smjör dálítið, þar til það
verður lint, en ekki bræða það
alveg. Blandið saman kartöflum,
sýrðum rjóma, smjöri og smátt
söxuðu rósmaríni. Hrærið dálítilli
olíu saman við og saltið.
Mótið í litla klatta í
hamborgarastærð og kælið.
Grillið eða steikið á pönnu í
góðri olíu, áður en þið farið í
borgarana sjálfa.
Góð kjötborð og sérverslanir eru bæði í Hafnarfirðinum og í Garðabænum.
lykillinn að góðum borgara er gæða kjöt með háu fituinnihaldi.
Hamborgarapressan er ómissandi þegar búa á til hinn fullkomna HM borgara.