Hafnarfjörður - Garðabær - 16.05.2014, Blaðsíða 10

10 16. maí 2014
Grillmeistarinn segir þér ...
Tíðarfar hefur mikil áhrif á það hvernig við umgöngumst og upplifum mat.
Það hefur varla farið fram hjá nokkrum manni á höfuðborgarsvæðinu að
síðasta sumar var fremur blautt og kalt, enda júlí sá votviðrasamasti í
Reykjavík í rúman áratug. Aðeins þriðjungur fólks á höfuðborgarsvæðinu
var ánægður með sumarveðrið í fyrra samkvæmt könnun MMR. Og það
var lítið grillað eftir því. Nú skín hins vegar sólin dag eftir dag og margir
komnir í grill-skap. Þá kemur sér vel að geta leitað til sérfræðingana í einu
sérverslun landsins með grill og grillvörur – jafnvel þótt maður þurfi að
fara i Kópavoginn.
... allt sem þarf að vita ...
Grillbúðin lætur ekki mikið yfir sér
– sérstaklega yfir veturinn - þar sem
hún dormar við Smiðjuveginn, en nú
er hins vegar eins og hún hafi vaknað
af dvala. Þegar inn er komið blasir við
mikið úrval allra helstu vörumerkja,
hvort sem um er að ræða grillin sjálf
eða alla mögulega aukahluti. Þar inni
eru auðvitað bæði kola- og gasgrill,
tangir, spaðar og allt það. Svo er hin
ómissandi hamborgarapressa auðvitað
líka seld í Grillbúðinni. Þar eru líka yfir
sextíu gerðir af mismunandi grillum.
Helsti kosturinn er þó sá brunnur
sérþekkingar sem viðskiptavinir geta
dreypt á.
... um hvernig
á að velja grill ...
Sá sem ræður ríkjum í Grillbúðinni er
Einar Long. „Okkar mottó er að eiga
varahluti í allt sem við seljum, því þá
endast grillin lengur“ segir hann. En
hvað skyldi maður þurfa að hafa helst í
huga við val á grilli? „Það er mikilvægt
að það sé pottjárn í grindunum til á
fá sem mestan hita og halda honum.
Þetta skiptir auðvitað öllu þegar
maður býr í jafn vindasömu landi.“
Einar segist leggja mikið upp úr því
að aðstoða með ráðum og dáð þá sem
leita til hans. „Grillin þurfa auðvitað
að vera úr efni sem þolir ísleknskar
aðstæður“ segir hann „og fólk verður
líka að taka með í reikninginn hvort
hægt sé að fá þjónustu, varahluti og
slíkt fyrir grillið.“
... og hvernig á að
velja uppskriftir ...
Merki tíðarfarsins í fyrra sáust greini-
lega í sölutölum um mat, bjór og létt-
vín. Bjórsala var tæplega þremur pró-
sentum minni í maí, júní og júlí 2013
en árið á undan. Sala á grillkjöti var
minni framan af sumri og líka sala á
grillum, grillbúnaði og grillbókum. Ein
þeirra bóka sem kom út í rignunni í
fyrra var Grillbók Jóa Fel. „Íslendingar
eru mikil grillþjóð og setja næstum allt
á grillið“ segir Jói. „Flest allir eru með
gasgrill, enda erfitt að grilla á kolagrilli
á Íslandi þar sem það er alltaf svolítill
vindur hjá okkur. Menningin verður
betri með árunum, stærri, feitari og
betri steikur eru málið og eins heima-
lagaður kryddlögur og góðar sósur.“
Undir þetta þetur matarblaðamaður
sem gaf út Íslensku hamborgarabókina
í fyrra - bragðið er í fitunni!
... svo þetta verði
gott grill-sumar
Páll Bergþórsson, fyrrverandi veður-
stofustjóri, segir mikinn vanda að spá
fyrir veður fram í tímann. Einfaldara
sé reyndar að spá fyrir um hita en úr-
komu. Þó sé vitað að við séum á síðari
hluta hlýindakafla, en á norðurhveli
gangi á með sveiflum þar sem skiptis
á um það bil 30 ára hlýindaskeið og
jafn löng kuldaskeið. „Sumarið í fyrra
var þó sérstaklega leiðinlegt hér fyrir
sunnan“ segir Páll „og haustið kalt um
allt land., Sumarið í fyrra skar sig úr en
við getum sagt að í ár séu þokkalegar
líkur á þokkalegu sumri.“ Það er því
rétt að þrífa grillið og pússa tangirnar
– þótt ekki sé nema bara til öryggis –
og sé maður í vafa má alltaf renna við
hjá Einari og félögum til að fá góð ráð.
matarSíða SvavarS
SveitarStjórnarmál
Lifandi bær, glaður bær
Síðustu daga, vikur og mánuði hef ég fengið að taka þátt í undirbún-ingi fyrir framboð Bjartar framtíðar
í Hafnarfirði. Björt framtíð er flokkur
sem er skipaður fólki sem er í pólitík til
þess að vera þjónandi forysta, ekki til
þess að skara eld að eigin köku. Fólk sem
virkilega trúir því að hægt sé að breyta
andrúmsloftinu sem oft er umlykjandi
pólitíkina. Fólk sem virkilega trúir því að
með því að gera hlutina á öðru vísi hátt
en gerðir hafa verið hingað til sé hægt að
ná virkilegum og raunverulegum árangri.
Ég heillaðist af þessari hugmyndafræði
og gekk til liðs við Bjarta framtíð.
Umfram allt er það sá andi að það
eigi að vera gaman sem er svo afskap-
lega heillandi. Því það er jú þannig að
það er búið að vera ofboðslega gaman
síðustu daga, vikur og mánuði við það að
vinna að því hörðum höndum að koma
framboði Bjartar framtíðar í Hafnarfirði
á laggirnar. Við finnum fyrir miklum
meðbyr og við höfum trú á því að það
sem við höfum til málanna að leggja sé
eitthvað sem skiptir óskaplega miklu
fyrir bæinn okkar. Við heitum því að
gera okkar besta til þess að gera bæinn
okkar skemmtilegri, fjölbreyttari, jafnari,
hreinni, grænni, fallegri, málefnalegri,
jákvæðari, bjartsýnni, upplýstari og um-
hyggjusamari.
Hvað sem á endanum kemur til með
að koma upp úr kjörkassanum þann
31.mai næstkomandi er það klárt mál
að næstu dagar og vikur munu verða
uppfullar af gleði og ánægju og þakklæti
fyrir að fá að taka þátt í þessum kosn-
ingum. Kjósið svo eftir ykkar samvisku,
nýtið kosningaréttinn ykkar því að hann
er ekki sjálfgefinn. Sjálfur mun ég setja
mitt X við Æ í mai og þar með leggja mitt
af mörkum til að gera #Skemmtilegri
Hafnarfjörð.
Höfundur er
Matthías Freyr Matthíasson
7. sæti á lista Bjartar framtíðar
í Hafnarfirði