Hafnarfjörður - Garðabær - 16.05.2014, Blaðsíða 12

2 0 1 4
00000
w w w . v e i d i k o r t i d . i s
Eitt kort
36 vötn
6.900 kr

FLEIRI VÖTN ÓBREYTT VERÐ
2 0 1 4
12 16. maí 2014
SveitarStjórnarkoSningar 2014
Samgöngur og hamingjan
Hafnarfjörður var skipulagður fyrir hús og bíla þegar bær-inn okkar breyttist úr þorpi
yfir í kaupstað. Síðustu ár hefur verið
vaxandi krafa um aukna fjölbreytni og
meira val þegar kemur að því að fólk
ferðist á milli staða. Þegar rannsóknir
um hamingju eru skoðaðar þá skiptir
sköpum vegalengd á milli heimilis og
vinnustaðar. Ég vil að Hafnfirðingar eigi
kost á að starfa útum allt, en ég vil líka að
þeir séu hamingjusamir, og eru tækifæri
sveitarfélagsins tvenns konar; að fjölga
fyrirtækjum í bænum með ráðum og
dáðum og svo að auka fjölbreytni í sam-
göngum þar sem dýrmætur tími nýtist
betur. Slíkt er hagstæðara fyrir íbúa, það
stuðlar að aukinni heilsu auk þess sem
við spornum gegn hlýnun jarðar.
Því hefur verið lögð megináhersla á
að tengja göngu- og hjólastíga á stofn-
brautum við Garðabæ þetta kjörtímabil.
Eins hefur bærinn verið að tengja saman
göngu- og hjólastíga þar sem hefur skort
uppá, gera hjóla- og göngukort aðgengi-
leg á vef bæjarins og á næsta ári verða
helstu stígar breikkaðir.
Einnig hefur verið gert átak í Strætó-
samgöngum, en eftir að Frístundarbíl-
inn lagðist af, var innanbæjarkerfi bæj-
arins stokkað upp og boðið uppá leið
43 og 44 sem gengur á kortersfresti frá
13:30 – 20:20 á kvöldin, og eru leiðarnar
hugsaðar sérstaklega með tilliti til
íþrótta- og tómstundarstarfs ungs fólks
í Hafnarfirði. Leið 21, sem er beint frá
Firði niður í Mjódd, er að reynast mjög
vel og er aukningin á þeirri leið einna
mest. Einnig gengur Leið 1 á fimmtán
mínútna fresti frá Lækjartorgi inná Velli
í Hafnarfirði, sem er þjónusta af bestu
gerð. Eftir þessar breytingar þá hefur
aukning á notkun Strætó verið 20% á
milli ára, og aukningin einna mest í
Hafnarfirði á öllu höfuðborgarsvæðinu.
En það er alltaf hægt að gera betur,
stíga og hjólakerfið þarf að vera í stans-
lausri þróun. Einnig er hægt að gera
betur í Strætósamgöngum, t.d að leið
43/44 byrji að morgni til, að Strætó
bjóði uppá vagna eftir miðnætti um
helgar og að Strætósamgöngur hefð-
ist fyrr á sunnudagsmorgnum. Einnig
þarf að huga að nýju atvinnuhverfi
á Völlum og bjóða uppá Strætósam-
göngur þangað.
Þess fyrir utan þarf að bæta umferð-
aröryggi í bænum og halda áfram að
þrýsta á Ríkisstjórnina og Vegagerðina
að klára Kaldárselsveginn, mislæg
gatnarmót við atvinnuhverfi Valla, klára
breikkun Reykjanesbrautar og svo fer að
vera bráðkallandi að koma á mislægum
gatnarmótum við Setberg og N1.
Þriðja stærsta sveitarfélag landsins,
sem er þó á jaðri höfuðborgarsvæðis-
ins, þarf að vera með samgöngumál í
forgang, ekki bara vegna þess að það
er þægilegt, heldur fyrir heilsu og ham-
ingju íbúa og er það ekki einmitt það
sem við þráum einna helst og skiptir
hvað mestu í lífinu?
Fjölbreytt skólastarf og
valfrelsi um skóla
Vellíðan barna í skólakerfinu er forsenda þess að náms-ferlið sé árangursríkt, dragi
fram styrkleika nemandans og efli
trú hans á eigin getu. Í Garðabæ
ríkir mikill metnaður í skólamálum
og bærinn hefur verið í fararbroddi
varðandi sjálfstæði skóla og val nem-
enda og foreldra um leik- og grunn-
skóla. Með þessum áherslum er leit-
ast við að styðja við faglegan metnað
skólanna og skapa fjölbreyttar náms-
aðstæður sem henta ólíkum þörfum
nemenda.
Sérstaða skóla
Trú á eigin getu er einn af þeim þáttum
sem spáir fyrir um árangur. Í skóla-
kerfinu þarf að rúmast fjölbreytt starf-
semi þannig að ólíkir einstaklingar geti
fundið nám við hæfi. Námsferlið á að
efla trú nemenda á eigin getu þrátt
fyrir að hæfni þeirra liggi á mismun-
andi sviðum. Skólar í Garðabæ hafa
sjálfstæði til að þróa með sér faglega
sérstöðu svo sem varðandi kennsluað-
ferðir og áherslur í námi.
Valfrelsi um leik-
og grunnskóla
Valfrelsi foreldra og nemenda um
grunn- og leikskóla er eitt af ein-
kennum skólastarfs í Garðabæ.
Þannig stýrir búseta því ekki í hvaða
skóla barnið fer heldur val foreldra og
barns um hvaða skóli hentar viðkom-
andi best. Með þessum hætti er lögð
áhersla á að koma til móts við ólíkar
þarfir nemenda í því skyni að hver og
einn finni námsumhverfi við hæfi. Val
í skóla bæjarins hefur gefið góða raun
og foreldrar hafa látið í ljós ánægju
með þessa þjónustu.
Samfellt nám
Faglega samvinnu skólastiga eykur
samfellu í námi en ýmsar rannsóknir
sýna að nokkuð er um endurtekningu
í námi ungmenna innan skólastiga
og á milli skólastiga. Endurtekning í
námi getur dregið úr áhuga nemenda
um leið og tími kennara og nemenda
er illa nýttur. Samfellt nám kallar á
samvinnu milli skóla og skólastiga en
bæjaryfirvöld hafa sýnt því áhuga að
koma að rekstri Fjölbrautaskólans í
Garðabæ meðal annars með það í huga
að auka samfellu í námi og möguleika
á styttingu námstíma til stúdentsprófs.
Í Garðabæ leggjum við áherslu á metn-
aðarfullt skólasamfélag þar sem vel-
ferð nemandans er ávallt í brennidepli,
samfélag þar sem ungmenni fá tæki-
færi til að velja námsumhverfi sem
hentar þeim sem best.
Höfundur er
Margrét Gauja Magnúsdóttir,
2. sæti á lista Samfylkingarinnar
Höfundur er
Sigríður Hulda Jónsdóttir,
skipar 2. sæti á lista
Sjálfstæðisflokksins í Garðabæ
Á þessari mynd frá Jafnréttisstofu má sjá að konur eru í miklum minnihluta stjórnenda í íslenskum fyrirtækjum.