Fréttir - Eyjafréttir - 04.07.1985, Blaðsíða 8

Reynir Pétur Ingvarsson í Fréttaviðtali:
Datt ekki í hug að gefast upp
Reynir Pétur Ingvarsson. Myndin var tekin í sólinni á Hraunbúð-
um í skjólinu hjá sólskýlinu.
Reynir Pétur Ingvarsson,
göngugarpurinn frá Sólheimum
kom í heimsókn hér til Eyja um
síðustu helgi, eins og flestir
bæjarbúar tóku eftir.
Við stutta athöfn á Stakka-
gerðistúni voru honum afhentar
50 þús. kr. frá bænum, jafnframt
því að stöðvarnar gáfu kr. 50
þús. til söfnunarinnar og Herj-
ólfur gaf lo þús. í sama mark-
miði.
Þá söfnuðust liðlega 50 þús-
und krónur meðal áhorfenda en
félagar úr þroskahjálp hér í
Eyjum gengu um með fötur.
Um kvöldið dansaði Reynir á
Skansinum eins og góðra gesta
er siður, og á sunnudeginum fór
hann í sjóferð með Bravó og
fulltrúum bæjarins. Að sögn var
nokkur bræla en ekkert virtist
bíta á Reyni, nema hvað hann
hafði á orði að hann væri með
sjóriðu, er hann kom úr báts-
ferðinni.
Reynir heimsótti síðan
Hraunbúðir og, heilsaði upp á
heimilismenn, sem tóku honum
fagnandi og buðu upp á kaffi og
með því.
Við fengum Reyni á stutt
spjall að afloknu kaffinu á
Hraunbúðum.
Hefur þú komið áður til Vest-
mannaeyja?
Já, já. Ég kom hingað fyrst
1973, rétt eftir gos. Þetta er 8.
skiptið sem ég kem hingað til
Vestmannaeyja. Þegar ég kom
hingað fyrst var allt á kafi í
hrauni og gjalli, en nú er þetta
sko orðið breytt.
Hefur þú stundað einhverjar
aðrar íþróttir en göngu?
Ég syndi, og svo þykir mér
afskaplega gaman af að hjóla.
En ég er ekki sérlega hrifin af
svona keppnisíþróttum, þá
verða allir svo spenntir.
Hvaða kaflar leiðarinnar
fannst þér erfiðastir?
Mér fannst enginn erfiður.
Það snjóaði um tíma á hálend-
inu, en það hvarf jafn óðum, það
var bara í sjónvarpinu sem skafl-
arnir voru.
Var einhver staður sem þér þótti
fallegastur?
Það er voðalega erfitt að segja
um það, en mér fannst voðalega
fallegt á Norðurlandi. Þar var
allt svo grænt. En þar var komið
meira sumar en fyrir sunnan.
Varstu mikið einn á göng-
unni?
Það kom fyrir, en það kom oft
fólk frá bæjunum og gekk með
mér og ræddi við mig um heima
og geima. Svo gaf það mér líka
peninga.
Gaf fólk þér peninga á göng-
unni?
Já, já það var alltaf að gefa
mér peninga, en ég lét vin minn
sem kom á eftir mér í bílnum
taka þá.
Hvað heldur þú að þú hafir
fengið mikið af peningum
þannig?
Ég hætti að telja þegar ég var
kominn uppí 40 þúsund og sagði
þá vini mínum að hann yrði að
telja þessa peninga hann hafði
mikið betri tíma til þess en ég,
þar sem hann sat alltaf í bílnum.
Fékkstu sjálfur gjafir?
Já, já, ég fékk allskonar gjafir,
Biblíu, bækur og Landmælingar
gáfu mér kort af íslandi. Svo
fékk ég æfingagalla og skó. Ég
fékk bestu skóna á Hornafirði.
Þeir reyndust vel. Ég er í þeim
núna. Svo fékk ég og vinkona
mín treyjur frá Herjólfi. Ég fékk
margar gjafir.
Þú hefur gaman af því að
reikna. Hvað heldur þú að þú
hafir stigið mörg skref þegar þú
fórst hringinn?
Svona eina og hálfa milljón
skrefa, ef maður reiknar með að
skrefið hjá mér sé um meter.
Þú sagðirí sjónvarpinu að þér
þætti gaman að stjörnufræði. I
hverju spekúlerar þú helst í
kringum hana?
Það er svo margt. Sólinni t.d.
Hún vegur 2000 kvattrilljón
tonn. Veistu hvað það er mikið?
2000 milljónir tonna í fjórða
veldi. Það er talið að það séu
1000 nónilljónir frumeinda í sól-
inni og það eyðast af henni 400
milljónir tonna á dag, sem er
mjög lítið.
Hvað tekur við hjá þér núna
Reynir, ætlarðu að ganga Vest-
firðina?
Það er eitthvað verið að spá í
það, en það er ekkert komið á
hreint. En ég held ég hafi bara
áhuga á því.
Varstu aldrei að því kominn
að gefast upp?
Neisko, mér datt aldrei í hug
að gefast upp. Af hverju hefði ég
átt að gera það?—
Með því kvöddum við þennan
geðþekka mann, sem hefur sigr-
að hug og hjarta þjóðarinnar
allrar. ?
-GKM
@©.
^sherPr'ice^
Nýkomin stór sending í
Fisher Price leikföngum. MARGAR
nýjar gerðir.
Vönduð og sterk leikföng.
TANGINN
---------------1 . ----------------s
Atvinna
Starf afgreiðslugjaldkera hjá bæjarsjóði Vest-
mannaeyja er laust til umsóknar.
Laun samkvæmt samningi við starfsmannafé-
lag Vestmannaeyjabæjar.
Umsóknareyðublöð liggja frammi á bæjar-
skrifstofunum og er umsóknarferstur til 15. júlí
n.k. - Vestmannaeyjabær
Herjólfsferð = góð ferð.
Áætlun Herjólfs
um Þjóðhátíð 1985:
Miðvikudagurinn 31. júlí:
Frá Vestmannaeyjum kl. 07.30
Frá Þorlákshöfn kl. 12.30
Frá Vestmannaeyjum kl. 17.00
Frá Þorlákshöfn kl. 21.00
Fimmtudagurinn 1. ágúst:
Frá Vestmannaeyjum kl. 07.30
Frá Þorlákshöfn kl. 12.30
Frá Vestmannaeyjum kl. 17.00
Frá Þorlákshöfn kl. 21.00
Föstudagurinn 2. ágúst:
Frá Vestmannaeyjum kl. 05.00
Frá Þorlákshöfn kl. 09.30
Frá Vestmannaeyjum kl. 14.00
Frá Þorlákshöfn kl. 18.00
Laugardagurinn 3. ágúst:
Frá Vestmannaeyjum kl. 10.00
Frá Þorlákshöfn kl. 14.00
Sunnudagurinn 4. ágúst:
Frá Vestmannaeyjum kl. 10.00
Frá Þorlákshöfn kl. 14.00
Frá Vestmannaeyjum kl. 18.00
Frá Þorlákshöfn kl. 22.00
Mánudagurinn 5. ágúst:
Frá Vestmannaeyjum kl. 07.30
Frá Þorlákshöfn kl. 12.30
Frá Vestmannaeyjum kl. 17.00
Frá Þorlákshöfn kl. 21.00
Farseðla, bíla og kojupantanir:
Vestmannaeyjum 098-1792 og 98-1433.
Reykjavík 091-686464
Herjólfsferð = örugg ferð.
Herjólfur
h.f.
Frá sjómannadagsráði:
Vegna ítrekaðra fyrirspurna vill Sjómannadags-
ráð Vestmannaeyja hér með upplýsa, að Sjómanna—
dagsblað Vestmannaeyja er til sölu á eftirtöldum
stöðum:
í Vestmannaeyjum: Tótaturni, Bensínsölunni
Kletti, Veitingaskálanum við Friðarhöfn og um
borð í M.S. Herjólfi.
í Reykjavík: Umferðarmiðstöðinni, Sjóbúðinni
við Grandagarð, Blaðasölunni hjá Eymundsson.
-Sjómannadagsráð