Fréttir - Eyjafréttir - 13.08.1998, Blaðsíða 2
2
Fréttir
Fimmtudagur 13. ágúst 1998
Rólegtmannlíf
Nú er sá tími sem er hvað rólegast
yfir mannlffinu í Vestmannaeyjum
og sést það vel á dagbók lög-
reglunnar. Er á tímabilinu frá 5.
ágúst til 11. ágúst aðeins skráð 161
verkelni í dagbókina.
Ferðamaðurrændur
Hollendingur sem var í tjaldstæðinu
í Herjólfsdal kom á lögreglustöðina
og tilkynnti að tjald hans hefði
verið rifíð og stolið úr því lítilræði
af peningum. Lögreglan segir leitt
til þess að vita að fólk sem dvelst á
tjaldstæðinu geti ekki verið í friði
með tjöld sín iyrir mannfólkinu því
nóg sé fyrir það að verjast veður-
guðunum.
BarnogbíU
Barn hjólaði á bifreið sem ekið var
út af þvottaplani við Goðahraun.
Barnið slapp við meiðsli en
bifreiðin rispaðist við ákeyrsluna að
því er kemur fram hjá lögreglu.
Réóistyegneldinum
Rétt um klukkan hálffimm á
fimmtudagsmorguninn var tilkynnt
um að eldur væri laus í rusla-
geymslu að Foldahrauni 42. Lög-
reglan segir að kona hafi átt leið hjá
og séð reyk leggja frá rusla-
geymslunni. Fór hún strax að reyna
að slökkva eldinn og láta þá vita
sem næstir voru. Lögreglan kom á
staðinn og aðstoðaði við að ráða
niðurlögum eldsins. Ekki er vitað
um eldsupptök.
Skemmdirí
Gaujulundi
Skemmdir voru unnar á púlti og
peningabauk stolið úr Gaujulundi á
Nýjahrauninu á föstudaginn. Lög-
reglan segir að ekki sé um mikið
tjón að ræða en heldur sé leiðinlegt
að þessir hlutir skuli ekki getað
fengið að vera í friði. Ekki em
miklir peningar í bauknum en í
harm gefur fólk pening til upp-
græðslustarfs sem þau Gauja og Er-
lendur vinna að af miklum mynd-
tuskap.
Barnaskólinnfórnar-
lamb rúðubrjóta
Tilkynnt var utn skemmdarverk í
Bamaskólanum um helgina. Þar
var búið að brjóta tvær rúður, eina á
norðurhlið og aðra á suðurhlið.
Lögreglan segir mikið um rúðubrot
í skólanum og eru þeir sem verða
varir við rúðubrjóta beðnir að hafa
samband við lögregluna því
nauðsynlegt er að ná þrjótunum.
Endurskinsmerkiá
lundapysjukrakkana
Að sjálfsögðu hefur lögregla verið
við umferðareftirlit eins og
venjulega og hafa nokkrir verið
teknir við of hraðan akstur og
fengið sekt fyrir. Eins sat'na þeir á
sig punktum í ökuferilsskrána.
Lögreglan vill vekja athygli
foreldra og annarra forráðamanna
barna á því að nú fer lunda-
pysjutíminn í hönd. Hvetur hún þá
til þess að setja endurskinsborða á
börnin því nú er farið að skyggja á
kvöldin. Getur verið erfitt fyrir
bílstjóra að sjá börnin þegar þau
skjótast úr skúmaskotum á eftir
pysjunum.
Hagnaður í sálina
-Birgir Guðjónsson formaður þjóðhátíðarnefndar er ánægður með hvernig til tókst
-Við lögðum upp með ueglega dagskrá og fólk tök mark á okkur og mættl í
Dalinn. I fyrra var allt skorið uið nögl, en pessí hátíð sýnir hað að ef hátíðín á að
standa undir nafni uerður að uera eítthuað sem höfðar til allra aldurshópa, segir
Birgir.
Birgir Guðjónsson formaður Þjóð-
hátíðarnefndar segir að hann geti
ekki verið annað en ánægður með
Þjóðhátíðina í ár, þó svo að alltaf
megi gera betur. „Við fengum
gagnrýni í fyrra og menn ákváðu að
hysja upp um sig buxurnar.
Þjóðátíðin heppnaðist vel og fólk
almennt mjög ánægt, þrátt fyrir að
rigningin hafi sett svip sinn á hana.
Við þökkum þó fyrir að ekki gerði
hávaðarok með rigningunni. Það
virtist þó ekki aftra fólki frá því að
vera inni í Dal og hlýða á hljóm-
sveitirnar og taka þátt í þeim
atriðum sem boðið var upp á.“
Rigningin setti einnig mark sitt á
atriðin þar sem Bubbi, Páll Óskar og
leikhúsið Tíu fingur komust ekki til
Eyja. „Það er auðvitað alltaf leiðinlegt
þegar fella verður niður atriði í
dagskránni, en við því er ekkert að
gera. En ég tel að Þjóðhátíðin sé á
réttri braut hvað dagskrána varðar.
Fólk vill hafa eitthvað annað en
eingöngu hljómsveitir á palli. Við
lögðum upp með veglega dagskrá og
fólk tók mark á okkur og mætti í
Dalinn. I fyrra var allt skorið við nögl,
en þessi hátíð sýnir það að ef hátíðin
á að standa undir nafni verður að vera
eitthvað sem höfðar til allra
aldurshópa. Ég er líka mjög ánægður
hvemig til tókst með bamadagskránna
og hljómsveitin Hálft í hvom, Jóna
Hrönn, séra Bjarni og aðstandendur
brúðubílsins eiga heiður skilinn fyrir
hversu vel þau stóðu sig. En eins og
ég segi varð að fella niður nokkra liði
á laugardegi og sunnudegi vegna
veðurs.“
Birgir segir að ef í harðbakkann
hefði slegið hefðu Týsheimilið og
Þórsheimilið verið til taks. „Það
komu nokkrir blautir og hraktir í Týs-
heimilið og þar stóð þeim til boða að
þurrka föt sín og fá heita súpu. Ég
held að það séu ekki margir staðir sem
bjóða upp á slíka aðstöðu á
útihátíðum. Fólk fór svo aftur inn í
Dal í fjörið eftir að vera búið að ná úr
sér mesta hrollinum."
Birgir er ánægður með útkomu nýja
veitingatjaldsins og segir að það hafi
verið tímabært að koma upp slíkri
varanlegri aðstöðu. „Þetta sýnir að við
erum á réttri leið og að nauðsynlegt er
að halda áfram varanlegri upp-
byggingu í Dalnum. I mínum huga
verður þessarar hátíðar minnst sem
einnar af þeim stærstu og veglegustu
og í framhaldi af því að ekkert alvar-
legt kom upp á. Lögreglan minnist
þessarar helgar frekar sem rólegrar
helgar og það segir meira en mörg
orð. Þetta segir okkur kannski líka að
það var meira um eldra fólk og
fjölskyldur. Það er lika það sem við
stíluðum upp á.“
Var eitthvað sem kom þér á óvart í
sambandi við hátíðina?
„Já, þegar það var tilkynnt að
hundur frá fíkniefnalögreglunni yrði á
svæðinu, þá varð töluvert um af-
pantanir í fluginu. Þetta mátti merkja
og við erum mjög ánægðir með að
það skilaði sér. Fíkniefnaliðið sá sér
því ekki fært að mæta og mér finnst
rétt að halda áfram á þessari braut.“
Hvemig tókst gæslan á svæðinu að
þínu mati?
„Hún tókst vel. Menn voru þó að
reyna að svindla sér inn á ýmsan hátt,
til dæmis með því að smygla sér í
bílum, falsa armböndin og endur-
prenta voucherana, en það gekk vel að
koma í veg fyrir slíkt. Svo vom sumir
sem reyndu að koma sér inn með því
að fara yfir fjallið og um Kaplagjótu,
en þessir staðir vom vaktaðir og menn
vita af því, en kannski er það hiuti af
Þjóðhátíð hjá sumum að fara þessa
leið, enda engin leiðindi samfara því.
Þetta er hluti af stemmningunni."
Eftir mikið vatnsveður eins og var
um helgina er Dalurinn fljótur að
svínast út og segir Birgir að hann
muni vart eftir öðm eins eftir Þjóð-
hátíð. „Fólk skilur eftir heilu tjöldin
og svefnpokana, en menn gengu
ötullega í það að hreinsa Dalinn á eftir
og gekk það fljótt og vel fyrir sig.“
Er ekkert sem fór úr lagi sem
nauðsynlegt er að endurskoða fyrir
næstu hátíð?
„Munavarslan fór úr böndunum að
miklu leyti, hreinlega vegna þess að
mjög mikil eftirspum var eftir plássi
þar. Þetta er atriði sem verður tekið til
endurskoðunar fyrir næstu hátíð.“
Birgir hefur oft sagt að hann sé
alltaf að hætta í þjóðhátíðamefnd.
Hvemig ertu stemmdur í því tilliti nú
eftir þessa Þjóðhátíð?
, Já ég mun hafa haft þetta á orði, en
það er nú svo með þennan fiðring sem
grípur mann upp úr áramótunum.
Hann er illviðráðanlegur. Við getum
sagt að ég leggi skóna á hilluna að
minnsta kosti fram að áramótum. En
mig langar að sjá Þjóðhátíð breytast í
þá átt sem hún er á leið í, hvort sem ég
eða aðrir verð í nefndinni. Við verð-
um að breyta ímyndinni. Við sáum
það á goslokahátíðinni. Vestmanna-
eyingar sjá það að þetta verður
skemmtilegra ef eitthvað er gert fyrir
fólkið og fólk kann að meta það.“
Er hagnaður af hátíðinni í ár?
„Það er nú kannski óþarflega
snemma spurt að minnsta kosti hvað
varðar fjárhagshliðina, því það er
margt óuppgert í sambandi við hana.
En hagnaður? Jú það er hagnaður í
sálinni."
Félagslega íbúðakerfið er
bæjarsjóði bungt í skauti
-situr uppi með rúmlega 40 íbúðir sem flestar standa auðar
„Það er ekki rétt að þessar íbúðir
standi allar tómar,“ sagði Páll
Einarsson bæjarritari, þegar hann
var spurður um 43 tómar
félagslegar íbúðir sem bæjarsjóður
á í dag. „Það eru nokkrar í
skammtímaleigu,“ bætti hann við.
Um áramót taka gildi ný lög um
félagslegar fbúðir sem losa sveitar-
félög undan þeirri skyldu að leysa þær
til sín. Samkvæmt núgildandi lögum
fara félagslegar íbúðir ekki á al-
mennan markað og hafa sveitarfélög
því orðið að leysa þær til sín. Verð
hefur miðast við byggingavísitölu
hverju sinni. Fyrir vikið er verð þeirra
komið langt yfir markaðsverð víða út
um land, m.a. í Vestmannaeyjum.
Þetta er staðan eins og hún er í dag
en Páll segir ýmsar ástæður fyrir því
að lausar íbúðir hafi ekki verið leigðar
út þó ljóst væri að erfitt yrði að selja
þær innan kerfisins. „Menn hafa verið
tregir til að festa sig með leigu til
lengri tíma. Það er heldur ekkert
sniðugt að bærinn reki leigumiðlun
auk þess sem sérstakt leyfi þarf frá
félagsmálaráðuneytinu. Þrátt fyrir
þetta hafa nokkur sveitarfélög leigt út
íbúðir í félagslega kerfinu."
Páll segir að felagslega íbúðakerfið
hafi orðið þungur baggi mörgum
sveitarfélögum og nýjulögunum sé að
einhverju leyti ætlað höggva á þann
hnút. „Innlausnarskyldan verður lögð
niður en einstaklingar sem þegar eru í
kerfinu munu halda réttindum sínum.
I nýja kerfinu verða íbúðir ekki
sérmerktar félagslega húsnæðiskerfmu
heldur fær fólk sérstök lán til kaupa á
almennum markaði. Þetta tel ég til
bóta því í dag eru íbúðimar það dýrar
að fólk veigrar sér við að kaup þær,“
sagði Páll að lokum.
(FRÉTTIR)
Útgefandi: Eyjaprent ehf. Vestmannaeyjum. Ritstjórí: Ómar Garðarsson. Blaðamenn: Benedikt Gestsson & Sigurgeir Jónsson.
íþróttir: Rútur Snorrason. Abyrgðarmenn: Ómar Garðarsson & Gísli Valtýsson.
Prentvinna: Eyjaprent ehf. Vestmannaeyjum. Aðsetur ritstjómar: Strandvegi 47II. hæð. Sími: 481-3310. Myndriti: 481-1293.
Netfang/rafpóstur frettir@eyjar.is. Veffang: http//www.eyjar.is/~frettir.
FRÉTTIR koma út alla fimmtudaga. Blaðið er selt í áskrift og einnig í lausasölu í Turninum, Kletti, Veitingaskálnum Friðarhöfn, Tvistinum, Amigo, Kránni, Vöruval, Herjólfi,
Flugyallarversluninni, Tanganum, Söluskálanum Friðarhöfn. í Reykjavík: hjá Esso Stóragerði og í Flugteríunni á Reykjavíkurflugvelli. FRÉTTIR eru prentaðar í 2000 eintökum.
FRETTIR eru aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.