Fréttir - Eyjafréttir - 12.11.1998, Síða 17
Fimmtudagur 12. nóvemberl998
Fréttir
17
Hafa áhuga á að fíytþ gluggaverksmiðju til Eyja:
Spurning um að f inna
hér hentugt húsnæði
-Afsláttur á gjöldum bæjarsjóðs gerir Vestmannaeyjar að
rýsilegum stað fyrir starfsemina
Áhugi er á að flytja verksmiðju til
Eyja sem framleitt getur glugga,
svalahurðir, bflskúrshurðir og
skilrúm úr plasti. Gangi áætlanir
eftir og finnist hentugt húsnæði
tekur verksmiðjan til starfa fljót-
lega eftir áramót. Er það mat eig-
cndanna að kostirnir við að koma
verksmiðjunni upp í Vestmanna-
eyjum séu fleiri en verði hún
staðsett í Reykjavík. Þar ræður
miklu afsláttur af gjöldum Vest-
mannaeyjabæjar til nýrra fyrir-
tækja sem ekki keppa við fyrirtæki
sem fyrir eru í bænum.
Eigendur verksmiðjunnar em bræð-
umir og Eyjamennimir Hörður og
Baldur Þór Baldvinssynir og bróð-
ursonur þeirra, Guðmundur Elíasson
verkfræðingur í Skipalyftunni. Verk-
smiðjuna keyptu þeir í Englandi þar
sem Hörður starfar. „Það er ekki búið
að negla það fast að við komum með
verksmiðjuna til Vestmannaeyja en
við ætlum að reyna það,“ sagði
Guðmundur í samtali við Fréttir. „Við
höfum verið að skoða kosti og galla
þess að koma verksmiðjunni upp hér
og okkur sýnist kostimir vera fleiri.
Meðal annars vegna þess að hér veitir
bæjarsjóður 40% afslátt af öllum
sínum gjöldum í þrjú ár. Teljum við
að það vegi upp flutningskostnað til
Reykjavíkur þar sem verður okkar
stærsti markaður."
Guðmundur segir að nú séu þeir að
leita að hentugu húsnæði, 100 fm til
150 fm að stærð. Hann segir tækja-
búnaðinn sem þeir keyptu mjög góðan
og býður hann upp á ýmsa möguleika.
„Hægt er að framleiða úr plasti
glugga, svalahurðir, skilrúm sem em
vinsæl í sólhús og frystihús og
bílskúrshurðir. Eg vona að við finnum
húsnæði í Eyjum á næstu dögum og
allt verði tilbúið þegar við tökum
verksmiðjuna heim í desember.“
Það kemur fram hjá Guðmundi að í
Kópavogi sé verksmiðja með svipuðu
sniði en hún hefur lítið framleitt af
gluggum undanfarið. Og hann er ekki
í vafa um gæði framleiðslunnar.
„Gluggar úr plasti hafa reynst mjög
vel og eru notaðir í Svíþjóð, Noregi,
Englandi, Síberíu og Kanada þar sem
þeir hafa reynst vel. Gluggarnir eiga
því að henta vel íslenskum aðstæðum.
Við höfum samið við öflugan inn-
lendan aðila um samstarf við dreifmgu
á framleiðslunni innanlands og um
einkaleyfi á kaupum á efni frá
fyrirtæki í Englandi. Okkur er því
ekkert að vanbúnaði að byrja. Félagið
heitir Gefjun ehf. eftir húsi við
Strandveginn þar sem amma og afi
áttu heima,“ sagði Guðmundur að
lokum.
Myndlistarsýning Trausta Traustasonar:
Tvístígandi listamaður
Dagana 29. október til 1. nóvember
sl. hélt Trausti Traustason sýningu
í stóra sal Listaskólans. Trausti
lauk námi úr grafískri hönnun frá
Myndlista- og handíðaskóla íslands
árið 1988 og hefur starfað sem
grafískur hönnuður á auglýsinga-
stofunni Gott fólk í Reykjavík, en
Trausti á bæði ætt og uppruna í
Eyjum. Á sýningunni sýndi Trausti
myndir málaðar með olíu og akrfl á
striga.
Verk Trausta bera með sér að hann
er menntaður sem hönnuður. Er það
fyrst og fremst í ljósi tækni hans og
myndefnis sem hönnuðurinn skín í
gegn. Þess vegna er eins og ákveðin
togstreita sé á milli listamannsins og
hönnuðarins og eins og einhver innri
barátta eigi sér stað hjá Trausta,
hvorum hann vill halda fram. Þannig
virkar sýningin nokkuð samhengis-
laus, sem mér virðist undirstrika
tvístígandi listamannsins. Einnig má
sjá að listamaðurinn hefur góða inn-
sýn í marga stfla sem listasagan státar
af og koma margir listamenn 20.
aldarinnar upp í hugann við skoðun á
myndum hans, sem hafa haft áhrif á
hann. Allt frá þungum og massífum
stfl Henry Moore til víðáttusúrrea-
liskrar sýnar Dali, og frá kúbiskum
útleggingum Picasso til myndasögu-
stfls popplistamannsins Lichtensteins,
jafnvel brjótast fram í sumum mynd-
anna áhrif fútúrískra stórborgar-
lofgjörða og kemur þá Femand Léger,
frá því snemma á öldinni upp í
hugann.
Að framansögðu má ljóst vera að
ekki er hægt að tala um mjög
persónulegan stfl listamannsins, nema
tvístígandin sé stfll út af fyrir sig. Það
er ekki þar með sagt að listamenn geti
ekki leitað í smiðju annarra
listamanna, enda er kannski listasagan
eitt safn af því sem áður hefur verið
gert. Samt hlýtur maður að bera þá
von í bijósti til listamanna að þeir hafi
einhvetju persónulegu að miðla.
Hitt má til sanns vegar færa að
Trausti er góður teiknari og hefur
ágætlega næmt auga fyrir mynd-
skipan. Myndefni sitt sækir Trausti í
hlutlægan veruleika, þar sem hann
raðar aðallega saman fólki og dýmm.
Myndimar sækja því viðfang sitt í
brotakendan vemleika, sem raða má
saman í heilsteyptar sögur, sem
hverjum og einum er í lófa lagið að
raða saman og túlka fyrir sig.
Myndir Trausta sem hann sýnir nú
em frekar litlar og áttu svolítið erfitt
uppdráttar í annars skemmtilegum og
víðfeðmum sýningarsal Listaskólans.
Sérstaða Trausta er kannski helst
fólgin í þeirri sýn sem hann hefur á
Vestmannaeyjar og hann tjáir í ágæt-
lega útfærðum myndum af lundum og
eldgosi í Eyjum.
Benedikt Gestsson
Norræn bókasafnsvika:
Ragnar Úskarsson las upp af innlifun og skörungsskap.
Anægjuleg stund
og skemmtileg í
bókasafninu
Á mánudaginn hófst norræn
bókasafnsvika sem ber yfirskrift-
ina, I ljósaskiptunum og norræn
fyndni. Klukkan 18:00 á mánu-
daginn var slökkt á öllum
rafmagnsljósum almenningsbóka-
safna á Norðurlöndum og í þeirra
stað kveikt á kertum og lesið upp
úr bókinni Ormur rauði eftir
Erans G. Bengtsson, en það var
Ragnar Óskarsson bæjar-
stjórnarmaður og framhalds-
skólakennari sem las úr bókinni í
Bókasafni Vestmannaeyja.
Frans mun vera sænskur maður
og samkvæmt könnun sem gerð var
í Svíþjóð var bók þessi valin ein af
10 bestu bókum sem gefín hefur
verið út á öldinni í Svíþjóð, en bókin
er gefín út 1946 - 1947 í tveimur
bindum. Sagan af Ormi rauða og
vini hans Tóka er skáldsaga í „Is-
lendingasagnastfl" og minnti
stundum á Gerplu Halldórs Laxness,
sem kom út 1952. Efni bókarinnar
minnti mjög á svo kallaðar „splatter
kvikmyndir", hvar höfuð fjúka og
hvers kyns viðbjóður er í hávegum
hafður. Allt um það var gerður
góður rómur að og þeir fáu gestir
sem mættu kunnu vel að meta.
Fámennið á upplestrinum verður
að teljast skaði, þar sem Ragnar las
af mikilli innlifun og skörungsskap,
en hann las samfleytt í klukkutíma
og korter. Sannkallaður maraþon-
lestur. Þetta er í annað skipti sem
norræn bókasafnsvika er haldin með
þátttöku allra bókasafna á Norður-
löndum. Vísterumþaðaðefnið var
fyndið, þótt blóðugt hafí verið,
drykkjur miklar og jól í höllu Jóms-
víkinga. Hafi Ragnai- þökk fyrir
ánægjulega stund og skemmtilega
og hvarflaði að blaðamanni hvort
ekki væri ástæða til að halda áfram
lestrinum út vikuna. íslensk þýðing
bókarinnar er eftir Friðrik Ásmunds-
son Brekkan.
Rétt er að hvetja Vestmanna-
eyinga til að mæta á bókasafnið
þessa viku. Sögustundir með nor-
rænu ívafi munu verða þann 12.
nóvemberkl. 11:00 og 14:00. Bóka-
safn Norræna hússins hefur lánað
Bókasafni Vestmannaeyja ljóðabæk-
ur og bamabækur á frummálum
Norðurlanda til útlána í Vestmanna-
eyjum í tilefni af þessari norrænu
bókasafnsviku. Einnig verður kynn-
ing á íslenskum myndböndum og
verða þau frítt til útleigu þess viku.
Yfír vetrarmánuðina hefur Bóka-
safn Vestmannaeyja verið með
getraun fyrir krakka á aldrinum 9 -
12 ára og verður getraun nóv-
embermánaðar helguð norrænum
bókum. Að sögn Nönnu Þóm Ás-
kelsdóttur er norræna bókasafns-
vikan liður í að efla menningartengsl
Norðurlandanna og ekki síður til að
víkka sjóndeildarhring þjóðanna.
„Hann er aldrei of víður,“ segir
Nanna Þóra.
Frá Félagi hjartasjúklinga
Vestmannaeyj um
Eins og fram kom í auglýsingu í síðasta blaði mun félagið halda aðalfund sinn
sunnudaginn 15. nóvember. Gestur fundarins að þessu sinni er Auður Olafs-
dóttir sjúkraþjálfari. Hún, ásamt Sólrúnu Óskarsdóttur sjúkraþjálfara, er
yfirsjúkraþjálfari við HL stöðvamar í Reykjavík. Auður ætlar að kynna okkur
starfsemi HL stöðva og mikilvægi þeirra. Hún mun skoða aðstöðuna hér í
Eyjum með það fyrir augum að koma á HL stöð. Að sögn Auðar er um tuttugu
manna hópur æskilegur fjöldi. Við hvetjum þá sem áhuga hafa á þessari
starfsemi, sérstaklega til að mæta. Ef fundarsókn verður dræm lítum við svo á
að grundvöllur til stofnunar HL stöðvar sé ekki fyrir hendi og þá ekkert við því
að gera. Innan vébanda SÍBS em nú berklasjúklingar, Landssamtök hjarta-
sjúklinga, Astma- og ofnæmisfélagið og Samtök lungnasjúklinga. Þótt þetta sé
aðalfundur hjartasjúklinga þá em allir velkomnir sem eru í áður nefndum
félögum og reyndar allir sem áhuga hafa á þessum málum. Það veit enginn
hvenær hann hefur þörf fyrir aðstoð þessara samtaka.
f.h. stjórnarlnnar
Guðjón Ólafsson formaður