Fréttir - Eyjafréttir - 20.01.2000, Qupperneq 6

6
Fréttir
Fimmtudagur 20. janúar 2000
Nýr golfhermir í notkun hjá GV:
Sá fullkomnasti á landinu
VELUNNARAR mættu við vígslu hermisins á þriðjudaginn.
Á þriðjudag var tckinn í notkun nýr
golfhermir í golfskálanum. Að-
dragandinn hefur verið stuttur, á
aðalfundi klúbbsins í nóvember sl.
haust var samþykkt að veita leyfi til
að setja herminn upp í húsa-
kynnum klúbbsins. Rétt fyrir jól
var svo gengið frá pöntun á honum
frá Bandaríkjunum enda var þá
búið að ganga frá öllu í sambandi
við greiðslu hans.
Uppsettur kostar hermirinn 3,5
milljónir króna. Sá kostnaður er golf-
klúbbnum alveg óviðkomandi þar sem
hann er greiddur af nokkrum einstak-
lingum og velunnurum. Golfklúbb-
urinn lætur í té húsnæði fyrir herminn
og sér um rekstur hans. Hermirinn er
staðsettur í austurhluta salar golf-
skálans og hefur tekist einkar vel að
setja hann niður, rétt eins og húsnæðið
hafi verið hannað með hann í huga.
Þessi golfhermir er sá fullkomnasti
sem völ er á í dag og byggir á nýrri
tækni. Nokkrir golfhermar eru í
notkun á höfuðborgarsvæðinu en að
sögn kunnugra komast þeir ekki í
hálfkvisti við þennan. Helsti mun-
urinn er í myndinni sem er ótrúlega
skýr og eðiileg og auk þess bjartari en
gerist í öðrum hermum. Unnt er að
velja um sjö velli í myndrænu formi,
allt vel þekkta úrvalsveili, sem dæmi
má nefna St. Andrews og Pebble
Beach en flestir kylfingar kannast við
þá velli. Þá er hægt að velja 14 velli til
viðbótar í tölvutæku formi. Hægt er
að bæta við fleiri völlum inn í
tölvukerfið ef óskað er en flestir munu
sammála um að þessir sjö komi til
með að fullnægja þörfum kylfinga, í
bráð að minnsta kosti.
Sérfræðingur í uppsetningu slíkra
tækja sá um samsetningu hermisins.
Sá er Bandaríkjamaður frá Utah, Rick
Strout að nafni, og hafði við orð að
hann ætlaði sér að koma hingað á ný í
sumar, ekki til að spila í herminum
heldur á vellinum sem hann hreifst
mjög af. Aðalsteinn Ingvarsson,
vallarstjóri GN^Éftfur haft veg og
vanda af því að koma herminum upp,
ásamt því sem hann sá um allar
pantanir vegna hans. Þá hafa iðn-
aðarmenn úr hópi kylfinga einnig
komið að verkinu, Magnús Krist-
leifsson sá um trésmíðavinnu og
undirbyggingu og Jónas Þorsteinsson
um raflagnir. Bjami Baldursson,
starfsmaður GV, vann einnig að upp-
setningunni ásamt Ævari Þórissyni,
framkvæmdastjóra GV.
Þeir sem prófað hafa að spila í
herminum segja að hann sé ótrúlega
líkur raunveruleikanum (einn sagði
raunar að St. Andrews væri eðlilegri í
herminum en hann er í raun og veru).
Tölvutæknin er lyginni líkust og þama
spila menn sams konar golf og þeir
myndu gera við náttúrulegar aðstæður.
Eini munurinn er sá að þama pútta
menn á sérstöku grasteppi og ekki þarf
að klæða sig eftir veðri.
Menn geta notað sínar eigin kylfur en
ekki verður leyft að vera á útiskóm.
Æskilegast er að menn séu á innan-
hússæfingaskóm en sokkaleistamir
duga svo sem alveg. Klúbburinn sér
um kúlur og tí.
Hægt er að panta U'ma í golfskálanum
í síma 481 2363. Hægt verður að
panta fasta tíma og þeir sem hugsa sér
slíkt ættu að hafa samband sem fyrst
því þegar er aðsókn orðin mikil. Opið
verður í herminn frá kl. átta á
morgnana til miðnættis, alla daga
vikunnar. Á virkum dögum kostar
1400 kr. á tímann á tímabilinu frá kl. 8
til kl. 16 en eftir kl. 16 og um helgar
kostar klukkutíminn 1800 kr.
Ákveðið hefur verið að félagar í GV
fái fyrsta hálftímann ókeypis, svona
meðan þeir em að læra á tækið. Mjög
algengt er að tveir til fjórir taki sig
saman um að leika einn hring og tekur
slík spilamennska u.þ.b. þrjár klst.
Reynslan hefur sýnt að þar sem
golfhermar hafa verið settir upp, hefur
áhugi vaxið fyrir golfi sem hefur
skilað sér í fleiri áhugasömum
kylfingum. Forráðamenn GV binda
vonir við að sú verði einnig á raunin
hér. Þó svo að golfvöllurinn í Vest-
mannaeyjum sé í leikhæfu ástandi
lengur en flestir aðrir vellir á landinu,
þá koma þó yfir vetrartímann kaflar
þegar veðráttan kemur í veg fyrir
golfleik. Þá er gott að geta bmgðið sér
í golf þar sem vindar og veður hafa
ekki áhrif á sveifluna.
JAKOBÍNA Guðlaugsdóttir fékk að taka upphafshöggið þegar
golfhermirinn var vígður.
Sigurgeir Jónsson ÆL m* a ■ a
tdcqi Af spádómum
íslendingar em undarleg þjóð. Að vísu finnst
þeim það sjaldnast sjálfum en annarra þjóða fólk
hefur oft lýst þeirri skoðun sinni. Kannski er
það eitt út af fyrir sig nóg að láta sér detta í hug
að halda úti sjálfstæðu apparati á alþjóða-
mælikvarða með mannskap sem telur álíka
marga hausa og sæmileg borg annars staðar.
Þetta lýsir þrjósku og þrjóska er eitt af
einkennum Islendinga. Annað sem fylgt hefur
okkur gegnum tíðina, allt frá landnámi og
heiðni, er trú á alls kyns hindurvitni; hjátrú,
forlagatrú og löngun til að sjá fyrir óorðna hluti.
Sú löngun kemur einkanlega fram um áramót
þegar sérfrótt fólk er fengið til að spá fyrir um
atburði á nýju ári. Skrifari hefur fyrir satt að
fyrsta tölublað Vikunnar á hverju ári sé prentað
í vemlega hærra upplagi en venjulega. Og
ástæðan? í því blaði er ævinlega birt völvuspá
ársins og svo að sjá sem marga þyrsti í að kynna
sér þann boðskap. Fréttir eiga einnig sína
„völvu“ sem notar raunar aðrar aðferðir við sínttr
spár en völva Vikunnar. Ekki er skrifara þó
kunnugt um að prenta hafi þurft „spádómsblað"
Frétta í stærra upplagi en venjulega.
Aftur á móti veit skrifari að lesendur Frétta bíða
margir í ofvæni eftir að fá spána, rétt eins og
landsmenn rífa í sig það sem segir í Vikunni um
næstu mánuði. Og þetta sýnir og sannar að enn
emm við ekki langt frá því sem kallað hefur
verið fordæðuskapur heiðninnar. Aðrar þjóðir
hins vestræna heims em að mestu lausar við
þessa ásókn í spádóma, a.m.k. í þeim mæli sem
ríkir á íslandi. Kannski er ein ástæða þess sú að
á miðöldum tók kirkjan mjög strangt á slíku
athæfi og bar eld að þeim sem uppvísir urðu að
slíku kukli. Sá frægasti allra spámanna, sjálfur
Nostradamus, gat ekki sett sína speki fram á
venjulegu máli, þá hefði hann umsvifalaust
verið gerður höfðinu styttri, heldur varð að vefa
spádóma sína í huliðsvef sem er svo torskilinn
að margar útgáfur em til af skýringum á honum.
íslendingar tóku aftur á móti öldum saman
mátulegt mark á fyrirskipunum geistlegra yfir-
valda og fóm sínu fram, þar á meðal í spá-
dómsfræðum, spáðu meira að segja í
kindagamir um veðurfar og fleira. Enda vom
mun færri brenndir hér á landi fyrir galdra en
hefðu átt það skilið. Skortur á eldiviði átti og
sinn þátt í því, mönnum var meira í mun að ylja
kalda fingur við eld af hrísi og rekavið en offra
því á ótíndan galdralýð. Því héldu menn og
konur á íslandi ótrauð áfram sínu spádómskukli
um aldir og gera enn.
Kirkjan varar enn við slíkum spádómum og
margir safnaðarhirðar telja allt slíkt af hinu illa.
Er það í rauninni furðulegt þar sem fáar bækur
em jafngegnsýrðar af spádómum og sjálf
Biblían. Aftur á móti munu spámenn þeirrar
ágætu bókar hafa talað og skrifað fyrir munn
hins eina og alvalda, gagnstætt þeim sem síðar
fóm að föndra við þessa hluti og nota til þess
kindagamir, kaffibolla, kristalkúlur og tarotspil.
Slík hjálpartæki em hvergi nefnd í bókinni góðu
og gætu því allt eins verið hin varasömustu.
Skrifari verður að játa að hann hefur af því
lúmskt gaman að lesa slíka spádóma þótt hann
taki mátulega mikið mark á þeim. Að vísu nær
sú forvitni hans ekki svo langt að hann kaupi
íyrsta tölublað Vikunnar en hann hefur gaman af
spádómum Matthildar í Fréttum enda rætist
sumt af því sem hún spáir fyrir um. Skrifari
hefur ekki enn ieitað til íslenskra spákvenna,
sem em margar og auglýsa jafnvei í blöðum að
þær spái í spil og kaffikorg. Aftur á móti kíkti
hann fyrir margt löngu inn í tjald hjá spákonu af
sígaunakyni á breskri gmnd. Sú sagði honum,
með hjálp iófaiesturs og kristalkúlu, ýmislegt
um liðna tíð og ókomna. Hvað merkilegast þótti
skrifara í þeim fyrirlestri hve vel hún virtist
þekkja til fjölskyldulífs hans uppi á Islandi,
ásamt atvinnumálum. Þá hefur og sumt af því
sem hún sagði fyrir um framtíðina ræst, annað
ekki, kannsld á það bara eftir að rætast.
In memoriam
Látinn er, langt um aldur fram, í Serbíu,
Islandsvinurinn Zeljko Raznatovic, oftast
nefndur Arkan. Arkan heitinn ólst upp við óblíð
kjör en braust áfram til metorða af óbilandi
dugnaði og komst í góð efni. Líf hans var
markað erfiðleikum og hann fékk að kynnast
mótlæti lífsins, ekki síst frá samlöndum sínum
sem ekki kunnu allir að meta dug hans og áræði.
Arkan heitinn var mikill knattspymuunnandi
og fengu knattspymumenn frá Vestmannaeyjum
vel að kynnast gestrisni hans er þeir sóttu hann
og lið hans heim ssumarið 1998. Þar nutu sín
mannkostir hans og gerði hann allt sem í hans
valdi stóð til að gera Islendingunum dvölina sem
eftirminnilegasta. M.a. minnast vinir hans þess
er hann lagði sig í stórhættu og ók yfir á rauðum
ljósum til að för þeirra seinkaði ekki. Mun það
ekki í fyrsta sinn sem hann lagði sig í hættu fýrir
vini sína. Verður þeim þessi ferð ógleymanleg
og þá ekki síst kynnin af Arkan heitnum.
Arkan var kvæntur Irinu, hinni ágætustu konu
og lifir hún mann sinn. Var hjónaband þeirra
ástríkt og sár harmur að henni kveðinn við hið
skyndilega fráfall ástkærs eiginmanns. Þeim
varð ekki bama auðið en vinir þeirra komu þeim
í bama stað.
Með Jtessum fátæklegu orðum vill skrifari
kveðja Islandsvininn Arkan. Hans skarð verður
vandfyllt en verk hans munu standa. Hinum
fjölmörgu vinum hans vill skrifari votta sína
innilegustu samúð, í von þess að minningin um
þennan góða dreng megi ylja þeim um ókomnar
stundir.
Sigurg.