Fréttir - Eyjafréttir - 30.11.2000, Blaðsíða 2
2
Fréttir
Fimmtudagur 30. nóvember 2000
Þróunarfélagið taki
við Herjólfi hf.
Bæjarfulltrúar Sjálfstæðisflokksins
báru eftirfarandi tillögu upp á
síðasta fundi bæjarráðs og var hún
samþykkt. „í framhaldi af samningi
við ríkisvaldið, þar sem fyrir liggur
að Vestmannaeyjabær muni eignast
nafnið „Herjólfur hf." árið 2001.
samþykkir bæjarráð, þegar framsal
nafnsins liggur fyrir, að Herjólfur
hf. verði í umsjá Þróunarfélags
Vestmannaeyja sem gæti hagsmuna
Vestmannaeyjabæjar í samgöngu-
málum og vinni markvisst að því að
kanna nýjungar sem upp koma
hverju sinni. Fjárveiting til Þró-
unarfélagsins verði aukin á næsta
ári vegna verkefnisins."
Skarst ó nefi
Ein lfkamsárás var kærð til lögreglu
og átti hún sér stað aðfaranótt
laugardags fyrir utan skemmti-
staðinn Lundann. Þar var sparkað í
andlit nianns með þeim afleiðingum
að hann skarst á neli. Þurfti að færa
manninn til læknis sem gerði að
sárum hans. Þessi kæra var síðan
dregin til baka.
Stútur númer 28
tekinn
Um helgina varenn einn ökumaður
tekinn, grunaður urn ölvun við
aksiur. Er hann sá 28. sem tekinn
er á árinu f'yrir ölvuntu-akstur. Á
santa tírna í fyrra höfðu 25 verið
teknir fyrir ölvunarakstur og árið
1998 voru þeir 20 á sama tíma.
Lögregla lítur það alvarlegum
augum ef sú ætlar að verða þróunin
að brotum fjölgi í þessum mála-
flokki.
16 kærðir í
umferðinni
Alls lágu 16 kærur fyrir vegna brola
á umferðarlögum eftir vikuna. Þar
af voru tíu sem ekki höfðu látið
skoða ökutæki sín, þrír voru kærðir
fyrir hraðakstur, tveir sem ekki viitu
stöðvunarskyklu, einn grunaður um
ölvun við akstur og einn sem ekki
var með ljósabúnað í lagi en í
skammdeginu er það nauðsynlegra
en nokkru sinni að ljósabúnaður-sé í
lagi.
Lýst eftir ökumanni
Lögreglan lýsir eftir ökumanni
blárrar bifreiðar er lenti í árekstri á
gatnamótum Strandvegar og Friðar-
hafnarbryggju (við Skýlið) í há-
deginu fimmtudaginn 23. nóvember
sl. Er ökumaðurinn hvattur til að
hafa samband við lögreglu vegna
þess máls.
Tveir órekstrar
Tvö önnur umferðaróhöpp voru
tilkynnt lögreglu í sl. viku. Hið
fyrra varð á fimmtudag þar sem
ökumaður bifreiðar, sem ekið var
austur Strandveg, missti stjórn á
henni nteð þeim afleiðingum að
hún lenti á ljósastaur. Ekki urðu
slys á fólki. Hitt óhappið varð á
Brekastíg á föstudag í árekstri
tveggja bfla. Engin slys urðu þar á
fólki og minni háttar skemmdir á
bifreiðttm.
Bæjarstjórn 23. nóvember 2000:
Selja hlut bæjarins í
Herjólfi hf. fyrir 55 m
fulltrúar minnihlutans sótu hjó
Á aukafundi í bæjarstjórn Vest-
mannaeyja síðasta fimmtudag lágu
fyrir drög að kaupsamningi ríkis-
sjóðs Islands á hlutabréfum Vest-
mannaeyjabæjar í Herjólfi hf.
Samningurinn var samþykktur
með atkvæðum meirihluta sjálf-
stæðismanna en fulltrúar Vest-
mannaeyjalistans sátu hjá.
Herjólfur hf. á landgöngumannvirki
fyrir Herjólf í Vestmannaeyjum og
Þorlákshöfn og með samningnum
eignast ríkið þau að öllu leyti. Vest-
mannaeyjabær átti 51% hlut í félaginu
og fær fyrir hann 55 milljónir króna.
Meiri peningar gætu verið í pípunum
því enn á eftir að koma í ljós hver
verður peningaleg staða Herjólfs hf.
um áramótin. Þá gæti einhver upphæð
komið í hlut bæjarsjóðs. Ríkið er líka
tilbúið að kaupa hlut einstakra hlut-
hafa en þó hlutur þeirra sé ekki stór í
félaginu eru þeir nokkuð margir.
Svohljóðandi bókun barst frá
minnihlutanum: -Við mótmælum því
hvemig málið ber að. Bæjarfulltrúar
eru á þessum fundi að fá fyrstu
upplýsingar um það og eiga að svara
af eða á um afstöðu sína fyrir
morgundaginn. Við teljum nauð-
synlegt að skriflegt álit frá hlutlausum
aðila þurfi að liggja fyrir vegna
málsins áður en bæjarstjóm tekur
afstöðu. Jafnframt krefjumst við þess
að Vegagerðin dragi til baka þann
frest sem nú er gefinn til 24.11, þar til
umrætt álit liggur fyrir.
Undir þetta skrifuðu Þorgerður
Jóhannsdóttir, Ragnar Oskarsson og
Guðrún Erlingsdóttir.
Svohljóðandi tillaga barst frá meiri-
hlutanum: -Leggjum til að samn-
ingsdrög ásamt minnisblaði vegna
sölu hlutabréfa Vestmannaeyjabæjar,
sem er 51,4%, verði samþykkt með
þeim breytingum sem gerðar voru á
fundinum og felum bæjarstjóra að
undirrita kaupsamning um söluna.
Undir þetta rituðu Elsa Valgeirs-
dóttir, Helgi Bragason, Guðjón
Hjörleifsson og HallgrímurTryggva-
son og var tillagan samþykkt með 4
atkvæðum, 3 sátu hjá.
Bæjarfulltrúar Vestmannaeyjalistans
sátu hjá og vísuðu í bókun bókun
sína hér að framan.
Áfram var bókað og nú var komið
að sjálfstæðismönnum: -1 framhaldi af
bókun fulltrúa V-listans óska bæjar-
fulltrúar Sjálfstæðisflokksins bókað:
Meirihluti Sjálfstæðisflokksins telur
þau samningsdrög sem fyrir liggja
mjög hagstæð fyrir Vestmanna-
eyjabæ, þ.e. að fá greiddar 55 milljónir
fyrir 51,4% hlut í Heijólfí hf. sem er
langt yfir markaðsvirði. Að fresta
afgreiðslu málsins og óska eftir mati
getur orðið þess valdandi að tugir
ntilljóna gætu tapast.
Þessu mótmælti minnihlutinn og lét
bóka: -Bæjarfulltrúar Vestmannaeyja-
listans telja nauðsynlegt að vanda
vinnubrögð í ákvarðanatöku bæjar-
stjómar. Vinnubrögð meirihluta
sjálfstæðismanna hafa til þessa oft
valdið Vestmannaeyjabæ fjárhagslegu
tjóni og kappkosta verður að svo verði
ekki nú. Á þessu einu byggist bókun
okkar.
Framsóknarflokkurinn:
Valgerður og Kristinn H. í heimsókn
FRAMSÓKNARMENN hafa
verið öðrum stjórnmálamönnum
duglegri að sækja Eyjamenn
heim. Á síðasta kjörtímabili voru
þeir félagarnir Isólfur Gylfi
Pálmason og Guðni Ágústsson
reglulegir gestir í
Vestmannaeyjum. Eftir að
Guðni tók við embætti
landbúnaðarráðherra er hann
kominn í fiokk hvítu hrafnanna
sjaldséðu en Isólfur Gylfi hefur
lialdið sínu striki og hefur þá
tekið með sér aðra þingmenn
framsóknar.
Síðasta fimmtudag boðuðu
þungavigtarmennirnir
Valgerður Sverrisdóttir iðnaðar-
og viðskiptaráðherra og
ráðherra byggðamála og
Kristinn H. Gunnarsson
formaður stjórnar
Byggðastofnunar til fundar í
Eyjum ásamt Isólfi Gylfa sem
reyndar forfallaðist.
Alls sóttu um 40 manns
fundinn sem þykir góð
fundarsókn þegar
stjórnmálamenn eru annars
vegar.
Eðlilega voru byggða- og
kvótamál fyrirferðamikil á
fundinum en hvorugt þeirra
kom með töfralausnir í þeim
efnum og létu vera að boða
Eyjamönnum einhvern
sérstakan gleðiboðskap. En bæði
minntu á að þau eru
landsbyggðarþingmenn og sem
slíkir hlytu þau að láta málefni
landsbyggðarinnar til sín taka en
sögðu að ár gætu liðið áður en
sýnilegur árangur næðist.
Afskipti af ölvuðum unglingum
AIls var 171 færsla í dagbók lögreglu í liðinni viku og
er það eilítið meira en var í vikunni þar á undan.
Þótt færslumar hafi ekki verið margar var þó talsverður
erill hjá lögreglu um helgina. M.a. hafði lögregla afskipti
af unglingum sem vom undir áhrifum áfengis. Vom
unglingamir færðir á lögreglustöðina og komu foreldrar
þeirra þangað og sóttu þá. I nokkmm tilfellum var
unglingunum ekið til síns heima og rætt við foreldra
þeirra.
Útgefandi: Eyjaprent ehf. Vestmannaeyjum. Ritstjóri: Ómar Garðarsson. Blaðamenn: Benedikt Gestsson & Sigurgeir
Jónsson. íþróttir: Júlíus Ingason. Ábyrgðarmenn: Ómar Garðarsson & Gísli Valtýsson.
113,0 Prentvinna: Eyjaprent ehf. Vestmannaeyjum. Aðsetur ritstjórnar: Strandvegi 47II. hæð. Sími: 481-3310. Myndriti: 481-
1293. Netfang/rafpóstur: frettir@eyjar.is. Veffang: http//www.eyjafrettir.is
FRÉTTIR koma út alla fimmtudaga. Blaðið er selt í áskrift og einnig í lausasölu í Turninum, Kletti, Veitingaskálnum
Friðarhöfn, Tvistinum, Toppnum, Kránni, Vöruval, Herjólfi, Flughafnarversluninni, Tanganum, Söluskálanum Friðarhöfn og í Jolla í Hafnarfirði. FRÉTTIR eru prentaðar í 2000
eintökum. FRÉTTIR eru aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.