Vesturland - 13.03.2014, Blaðsíða 14

14 13. mars 2014
Skólahreysti að hefjast!
- Vestlendingar keppa í íþróttahúsi Breiðabliks 27. mars nk.
Mótadagskrá Skólahreysti 2014 liggur fyrir. Þessi keppni hefur vissulega sannað sig,
og stöðugt fleiri skólar taka þátt, ekki
síst af landsbyggðinni. Skólar af Vest-
urlandi hafa verið virkir þáttakendur
í þessari keppni undanfarin ár, enda
hafa íþróttakennarar grunnskólanna af
Vesturlandi séð hversu alhliða keppnis-
greinarnar eru og hversu vel þær stæla
þol og þrek krakkanna. Skólarnir af Vest-
urlandi keppa í íþróttahúsi Breiðabiks í
Kópavogi 27. mars nk., og eru riðli með
skólum frá Vestfjörðum, alls 16 skólar.
Síðasta keppnisár Skólahreysti var
það stærsta frá upphafi, en 134 skólar
fengu boð um þátttöku og 110 svör-
uðu kallinu. Íþróttakennarar hafa tekið
þessu framtaki fagnandi og stutt við
þjálfun þeirra ungmenna sem tekið
hafa þátt í keppninni, enda leggja núna
flestir skólar metnað sinn í að þeirra
keppendur standi sig vel á þessum
vettvangi. Þess ber að geta að yfir 40
skólar bjóða núna upp á Skólahreysti
sem valáfanga í íþróttum. Það er því
óhætt að fullyrða að Skólahreysti er
komin til að vera.
Hvað er Skólahreysti?
Skólahreysti er liðakeppni milli grunn-
skóla landsins. Hvert lið samanstendur
af tveimur strákum og tveimur stelpum
sem öll þurfa að vera nemendur í 9.
og/eða 10. bekk síns skóla. Keppt er í
eftirfarandi keppnisgreinum:
• Upphífingum (strákar)
• Armbeygjum (stelpur)
• Dýfum (strákar)
• Hreystigreip (stelpur)
• Hraðaþraut (strákar og stelpur)
Keppendur skipta á milli sín keppn-
isgreinum. Annar strákurinn spreytir
sig á upphífingum og dýfum meðan
hinn keppir í hraðaþrautinni. Hjá stelp-
unum er hið sama uppi á teningnum;
önnur stúlkan keppir í armbeygjum og
hreystigreip, en hin tekur þátt í hraða-
þrautinni. Tveir skólar keppa samtímis
í hverri þraut fyrir utan hreystigreip,
en þar takast á fimm til átta skólar í
einu. Í hraðaþrautinni fer stelpan fyrst
af stað og þegar hún lýkur hringnum
má strákurinn fara af stað í sinn hring.
Samanlagður tími þeirra er keppn-
istími liðsins.
Leiðin í úrslitin
Þar sem mikill fjöldi skóla tekur
þátt í keppninni er nauðsynlegt að
viðhafa undankeppnir til að ákvarða
hvaða skólar keppi í úrslitakeppn-
inni sjálfri í lok keppnistímabilsins.
Undankeppnirnar eru 10 talsins og
eru þær svæðisbundnar, þ.e. skólar
frá sama landssvæði keppa innbyrðis
sín á milli. Einn skóli frá hverju lands-
svæði öðlast þátttökurétt í úrslitunum,
en tveir árangurshæstu (ekki endilega
stigahæstu) skólarnir af þeim sem enda
í 2. sæti í sínum riðli fá svokölluð upp-
bótasæti í úrslitunum. Heildarfjöldi
skóla í úrslitum Skólahreysti er því 12.
Úrslitakeppnin í ár fer fram í Laugar-
dalshöll 15. maí nk.
Sólahreysti er viðurkennd af og
nýtur opinbers stuðnings menntamála-
ráðuneytis, heilbrigðisráðuneytis, nor-
rænu ráðherranefndarinnar, Íþrótta &
Ólympíusambands Íslands og sveitar-
félaga.
Frá skólahreysti 2013. stelpur frá Brekkubæjarskóla, Grunnskóla Grundar-
fjarðar, Heiðarskóla og Grundaskóla keppa í hreystigreip.
Nemendur mæta dyggilega þegar keppendur frá þeirra skóla eru að keppa
og hvetja þau óspart. Hluti af því er að vera klæddir og merktir sínum skóla,
íþróttafélagi heimabyggðarinnar eða jafnvel sveitarfélaginu. Hér eru nem-
endur Grunnskóla Borgarfjarðar að hvetja sína skólafélaga.
Framhaldsskóla­
kynning og
Íslandsmót iðn­
og verkgreina
- fór fram í Kórnum í Kópavogi um síðustu helgi
Í fyrsta sinn verður nú haldin stór framhaldsskólakynning á höfuð-borgarsvæðinu þar sem tæplega
30 framhaldsskólar og menntastofn-
anir kynna námsframboð sitt, bæði
verklegt og bóklegt. Starfsfólk skól-
anna og nemendur veita svör við
spurningum um námsframboð og
inntökuskilyrði.
Grunnskólanemendur, foreldrar,
forráðamenn og allir sem eru að
velta fyrir sér námi á þessu skóla-
stigi eru hvattir til að nýta sér þetta
tækifæri til að kynna sér fjölbreytt
námsframboð.
Á sama tíma fer fram Íslandsmót
iðn- og verkgreina og er keppnin
sú stærsta til þessa. Íslandsmótinu
er fyrst og fremst ætlað að kynna
iðn- og verkgreinar fyrir ungu fólki
og vekja athygli á þeim tækifærum
sem felast í námi og störfum í iðn-
greinum. Keppt verður í 23 greinum
og því margt að skoða. Auk keppn-
innar verða sýningar á margvíslegum
iðn- og verkgreinum og einnig at-
riði á sviði. Grunnskólanemendur
verða boðnir sérstaklega velkomnir
og þeim og öðrum gestum gefinn
kostur á að prófa ýmislegt spennandi
undir handleiðslu fagfólks. Ratleikur
verður um svæðið og verða verðlaun
fyrir rétt svör dregin út í lok hvers
dags.
Félag náms- og starfsráðgjafa
verður með kynningarbása á svæðinu
og munu svara fyrirspurnum um val
á námsleiðum, veita upplýsingar um
áhugasviðskannanir og fleira.
Opið er fyrir almenning alla daga
og er aðgangur ókeypis. Sjá dagskrá
á menntagatt.is og á Facebooksíðu
Verkiðn.
Kynning á þessum nauðsynlega
þætti í skólastarfi. Væntanlega
hafa nemendur Fjölbrautaskóla
Vesturlands verið í iðn- og verk-
greinakeppninni og nemendur af
Vesturlandi í einhverju mæli á fram-
haldsskólakynningunni.