Vestfirðir - 12.09.2013, Qupperneq 9

12. september 2013 9
Þverun Mjóafjarðar og Kjálkafjarðar losar
vegfarendur við einbreiðar brýr og snjóþung svæði
Í sumar hefur verið unnið að ný-lögn og endurlögn Vestfjarðavegar milli Eiðis í Vattarfirði og Þverár í
Kjálkafirði. Um er að ræða tæplega 16
km langan veg auk brúa yfir mynni
Mjóafjarðar inn af Kerlingarfirði og
yfir Kjálkafjörð sem er á vesturmörkum
Reykhólahrepps. Langmestur hluti
hins nýja vegar verður því innan Reyk-
hólahrepps. Vegna þverunar fjarðanna
styttist leiðin um átta kílómetra. Ætl-
unin er að verkinu verði að fullu lokið
haustið 2015.
Sá hluti vegarins sem er innan Reyk-
hólahrepps er á náttúruminjaskrá. Sá
hluti sem er neðan flóðmarka á stór-
streymi er innan svæðis sem verndað
er samkvæmt lögum um vernd Breiða-
fjarðar. Strangar kröfur verða gerðar til
verktaka þannig að sem minnst hætta
verði á mengunaróhöppum. Engum
nýjum svæðum má raska á varp-
tíma fugla frá maíbyrjun til júlíloka.
Vegagerðin hefur óskað eftir því að
umhverfisráðherra veiti undanþágu
frá þessu ákvæði. Hreiður arna eru
á þremur stöðum nærri hinu nýja
vegstæði og minnsta fjarlægðin verður
um 300 metrar. Lögum samkvæmt er
óheimilt að koma nær hreiðrum arna
en í 500 metra fjarlægð nema brýna
nauðsyn beri til. Þó er ráðherra heimilt
að veita undanþágu vegna lagningar
þjóðvega eða annarrar mannvirkja-
gerðar í almannaþágu. Vegagerðin
mun hafa samráð við Náttúrustofu
Vestfjarða og Náttúrufræðistofnun
Íslands um tilhögun framkvæmda í
grennd við hreiðrin.
Brúin yfir Kjálkafjörð milli uppfyll-
inga verður 116 metra löng í nánast
miðjum garðinum fjörðinn. Vegfar-
endur losna ekki aðeins við einbreiðu
brúna á Skiptá heldur einnig við snjó-
þyngslin í botni Kjálkafjarðar. Það
sama gildir um Mjóafjörð, næsta fjörð
fyrir austan, sem líka er verið að þvera.
Fjórar einbreiðar brýr lenda innan
þverana Kjálkafjarðar og Mjóafjarðar
og vegfarendur munu því losna við þær
þegar þessum miklu framkvæmdum
lýkur.
Þverun mjóafjarðar gengur vel.brúarsmíði á miðjum Kjálkafirði.
Framhaldsskóladeild
byrjar á Hólmavík
Mikilvægur áfangi í skóla-málum á Ströndum var stiginn í lok ágústmánaðar
þegar þegar kennsla hófst í framhalds-
skóladeild á Hólmavík. Kennt er frá
Fjölbrautaskóla Norðurlands vestra
á Sauðárkróki, en skólastofa nem-
endanna í dreifnáminu á Hólmavík
er í Þróunarsetrinu við Höfðagötu 3 á
Hólmavík. Hægt verður að taka fyrstu
tvö árin í framhaldsskóla með þessum
hætti. Framhaldsskólinn á Sauðár-
króki hefur nýverið ráðið til starfa
Hrafnhildi Guðbjörnsdóttur til að
hafa umsjón með náminu. Krakkarnir
skoðuðu aðstöðuna og hittu aðra sem
starfa á skrifstofu Strandabyggðar og
í Þróunarsetrinu, en síðan héldu þeir
saman af stað í námslotu á Sauðárkrók
þar sem þeir verða við nám þessa vik-
una. Það er mikið tilhlökkunarefni að
hefja þennan nýja áfanga í skólasögu
svæðisins, en nú gefst ungu fólki á
Ströndum í fyrsta sinn tækifæri til að
hefja framhaldsnám í heimabyggð.
Þessi aldurshópur mun setja mark sitt
á menningar- og mannlíf að vetrarlagi
á Hólmavík
Fyrstu nemendurnir ásamt Hrafnhildi Guðbjörnsdóttur.
Ísfirðingar og gestir njóta nú að
nýju gosbrunns á Austurvelli
Nýtt deiliskipulag fyrir skóla-svæði við Austurveg og Að-alstræti 36 á Ísafirði hefur
verið samþykkt óbreytt, en auglýst
var að hluti af almenningsgarði og
hluti íbúðarsvæðis austanmegin við
almenningsgarð yrði skilgreindur sem
íbúða- og þjónustusvæði og svæði fyrir
opinberar byggingar og mun það hafa
verið liður í breytingum sem varða
framtíðarhúsnæði Grunnskólans á Ísa-
firði. Breytingunum var víða mótmælt
og var m.a. undirskriftalisti með 82
nöfnum borinn undir fund umhverfis-
nefndar auk þess sem athugasemd
barst frá Mörkinni lögmannsstofu ehf.
fyrir hönd húseigenda sem eiga hús við
garðinn. Yfirvöld svöruðu því til að
um misskilning hlyti að vera að ræða
því ekki stæði til að hefja byggingar-
framkvæmdir á Austurvelli né breyta
honum á nokkurn hátt heldur væri
verið að „breyta skilgreiningu á land-
notkun til samræmis við gildandi
deiliskipulag.
Blómagarðurinn er einn af elstu
skipulögðum görðum landsins og
er rúmrar hálfrar aldar gamall. Ísa-
fjarðarbær er líklega það bæjarfélag
sem á flesta af elstu og merkilegustu
skrúðgörðum landsins. Þar er fyrstan
að nefna Skrúð á Núpi í Dýrafirði frá
1909, Jónsgarð á Ísafirði frá 1923, Sim-
sonsgarð frá árunum 1920- 1930 og
svo Austurvöll frá 1954. Fyrsti faglærði
íslenski landslagsarkitekt Íslendinga,
Jón H. Björnsson, hannaði garðana.
Hallargarðinn í Reykjavík hannaði
hann 1953 og Austurvöll 1954.
Endurvígsla
Þann 16. ágúst sl. var svo fagn-
að endurbyggingu gosbrunnsins á
Austurvelli sem er samstarfsverkefni
Ísafjarðarbæjar og Lionsklúbbs Ísa-
fjarðar. Félagar í Lionsklúbbi Ísafjarð-
ar lögðu á sínum tíma mikla vinnu og
fjármuni árin 1966 - 1968 í að koma
upp gosbrunni í garðinum í tilefni af
100 ára afmæli Ísafjarðarkaupstaðar.
Nú hefur gosbrunnurinn verið endur-
byggður á þeim stað sem upphaflega
var gert ráð fyrir að undirlagi félaga í
Lionsklúbbi Ísafjarðar.
,,Eins bæjarbúum er kunnugt þá
er þetta vatn mjög sérstakt fyrir það
að vera ættað úr lind sem opnast inn
í jarðgöngin umdir Breiðadals og
Botnsheiðar. Vatnið er að uppruna
regn- og leysingarvatn sem sígur í
gegnum þétt hraunlög þar sem öll
óhreinindi síast úr og tekur ferða-
lagið að meðatali um ár. Það regn
sem er nú að falla á heiðarnar mun
því koma upp um þennan gosbrunn
á sama tíma að ári.
Enga dælu þarf til að þeyta vatn-
inu upp heldur er það knúið af
vantsþrýstingi frá vatnsmiðlun-
inni í Stórurð. Hæðarmunurinn
gefur þrýsting upp á 4 bör eða 4000
hektópasköl. þetta þýðir að vatns-
bunan getur náð 15 metra hæð,“ sagði
Jón Reynir Sigurvinsson formaður
Lionsklúbbs Ísafjarðar við endur-
vígslu gosbrunnsins á Austurvelli.
Lionsfélagarnir Ólafur Halldórsson, Jón reynir sigurðsson og Heiðar Guð-
mundsson skoða frágang að gosbrunninum skömmu áður en hann var
endurvígður og tekinn í notkun.