Reykjavík - 12.10.2013, Qupperneq 2

2 12. október 2013
Reykjavík vikublað
37. Tbl. 4. áRganguR 2013
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang:
amundi@fotspor.is. framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54, 108 Reykjavík. Auglýsingasími
578 1190, netfang: auglysingar@fotspor.is. Ritstjóri: Stefanía G. Kristinsdóttir, stefania@einurd.
is og sími 891-6677. Ljósmyndari: Atli Freyr Kristinsson sími 894-1099. Veffang: fotspor.is,
Umbrot: Prentsnið, Prentun: Ísafoldarprentsmiðja, 47.500 eintök. dreifing:
Fríblaðinu er dreiFt í 51.000 e intökum í allar íbúðir í
reykjavík, á SeltjarnarneSi og í moSFellSbæ.
Uppúr tvítugt þegar ég var í heimspeki í háskólanum sátum við oft á kaffihúsum og spjölluðum um lífið og tilveruna. Eitt af því sem við ræddum voru stríð og ástæður þeirra, horfðum á
Persaflóastríðið í beinni útsendingu í sjónvarpinu - eitthvað sem aldrei
hafði áður gerst, ræddum heimsvaldsstefnu Bandaríkjanna og kalda stríðið
milli austurs og vesturs. Einn skólabróðir minn hafði uppi ákveðna
kenningu um stríð sem var sú að mannfólkið efndi til ófriðar þegar því
leiddist. Okkur hinum fannst þetta full mikil einföldun og bentum honum
á Helförina og Hírósíma máli okkar til stuðnings. Hann bakkaði ekki
með þessa kenningu þó mér fyndist hann ekkert sérstaklega sannfærandi.
Seinna í heimspekináminu lánaði skólasystir mín mér bókina „Listen
little man“ eða „hlustaðu litli maður“ sem var skrifuð af eðlisfræðingnum
Wilhelm Reich eftir síðari heimsstyrjöldina. Sú bók lýsir því á mjög sann-
færandi hátt hvernig kenna má litla manninum um allar helfarir mann-
kynssögunnar. Litli maður er táknmynd hins almenna borgara og lýsir því
hvernig ábyrgðaleysi hans og áhrifagirni leiðir af sér óréttlæti og illvirki.
Það var í þessari bók sem mér fannst ég finna samsvörun við kenningu
skólabróður míns. Hitler komst til valda á umbrota og krepputímum í
Þýskalandi, tímum þar sem almenningur kallaði eftir réttlæti. Lausnir sem
oftar en ekki fólust í að taka eitthvað frá einhverjum til að redda einhverju,
bæta ástandið o.s.frv.
En hvað hefur þetta að gera með leiðindin, jú þegar okkur leiðist þá hættir
okkur mörgum til að leita að blórabögglum, einhverjum sem hefur gert
á okkar hlut eða hlut einhvers, einhverjum eða einhverju til að skella
skuldinni á. Önnur birtingamynd leiðinda er hjá þeim sem af því er virðist
eiga allt og ráða öllu, þegar allt gengur vel þá leiðist þeim, vantar áskorun,
ný lönd, fyrirtæki eða verkefni til að vinna hvort sem þau eru nauðsynleg
eða ekki. Ofgnótt af peningum virðist virka líkt og skortur á peningum
þannig að mannfólkið kalla stöðugt á meira fjármagn og meiri völd.... til
að þeim hætti að leiðast sem gerist aldrei.
Eða er þetta allt einn stór misskilningur eða öllu heldur að við séum alltaf
að skapa ákveðin misskilning til að hafa eitthvað að gera, geta búið til
patentlausnir á tilbúnum vanda? Getur það verið að peningar og völd
skapi ásókn í meiri peninga og völd? Að munaður skapi tilfinningu fyrir
skorti, að við fáum aldrei nóg, að við séum aldrei ánægð? Getur verið
að fólk aðhyllist einfaldar lausnir frekar en flóknar sökum þess að það
skilur þær frekar en að þær séu betri? Getur verið að við aðhyllumst ekki
gagnrýna hugsun af því að það er of mikil vinna, er engin mótsögn í því
að bora eftir olíu út í ballarhafi á sama tíma og við látum okkur dreyma
um sjálfbæra framtíð rafbíla á Íslandi? Getur verið að við fylgjum ekki
hjartanu heldur látum letina leiða okkur á villigötur þegar við tökum
ákvarðanir um framtíð okkar og barnanna okkar? Getur verið að leiðindin
og andvaraleysið sé að stefna mannkyninu í glötun?
Stefanía G. Kristinsdóttir
Leiðari
Eru leiðindi
hættuleg?
Nýtt APP fyrir túlka
Alþjóðasetur ehf. er ein stærsta túlkaþjónusta landsins með hátt í 200 túlka á skrá sem
túlka á milli tæplega 60 tungumála
og íslensku. Fyrirtækið á rætur sínar
að rekja til gamla Alþjóðahússins
sem stofnað var á vegum Reykja-
víkurborgar árið 2001, en eftir miklar
endurskipulagningar innan stjórnsýslu
borgarinnar árið 2010 tók Alþjóðasetur
til starfa á frjálsum markaði undir nú-
verandi nafni.
Ritstjóri hafði samband við Alex-
ander Dungal, framkvæmdastjóra þar
sem fram kom: Sem arftakar Alþjóða-
hússins hefur okkur ávallt fundist það
vera á okkar ábyrgð að bera túlka-
þjónustugeira Íslands á herðum okkar.
Eftir að starfsemi Alþjóðahússins var
að mestu leyti lögð niður árið 2010
hefur okkur fundist túlkaþjónustan
hér á landi hálf stöðnuð þar sem
sama þjónusta, sömu túlkar og sama
vinnuferli hefur verið í boði hjá nánast
öllum túlkaþjónustum landsins. En sú
er ekki raunin lengur; Síðastliðin tvö
ár höfum við hjá Alþjóðasetri unnið
hörðum höndum við að skara fram úr
á túlkaþjónustumarkaði Íslands hvað
gæðastjórnun og nýsköpun varðar og
í samvinnu við Advania höfum við því
þróað rafrænt pantanakerfi sem er eitt
sinnar tegundar á Íslandi.
Pantanakerfið lýsir sér í stuttu máli
þannig að allar verkbeiðnir eru nú
sendar beint í snjallsíma túlkanna
okkar þar sem sérsniðið túlka-app
sér bæði um tímatalningu hvers verks
og undirskriftasöfnun frá kaupanda,
verkunum til staðfestingar. Þá veitir
kaupandi þjónustunnar undirskrift
sína með snjallpenna beint á skjá sím-
ans sem síðan sendist rafrænt ásamt
reikningi skömmu síðar.
Að sögn Alexanders er þetta er búið
að vera langt og strangt ferli þar sem
óteljandi klukkutímum hefur verið
eytt í þróun, forritun, villuprófanir og
innleiðingar, en í vetur er loks komið
að uppskeru allrar þeirrar vinnu. Þessi
hugbúnaður kemur til með að gjör-
breyta túlkaþjónustugeiranum hér á
landi og færa loks þessa mikilvægu
samfélagsþjónustu inn í nútímann.
Einstök börn fengu 2,8 mkr. frá viðskiptavinum
Völdu að gefa hluta eða alla Stofnendurgreiðslu sína til góðgerðarmáls
Á hverju ári fá tjónlausir og skilvísir viðskiptavinir í Stofni hjá Sjóvá hluta iðgjalda sinna
endurgreiddan. Síðustu ár hefur við-
skiptavinum gefist kostur á að ráðstafa
hluta eða allri endurgreiðslunni til til-
tekins góðgerðamáls og urðu Einstök
börn fyrir valinu í ár. Um 1.300 manns
ákváðu að verja endurgreiðslunni með
þessum hætti og söfnuðust 2,8 millj-
ónir króna.
Á mánudaginn afhenti Hermann
Björnsson, forstjóri Sjóvár fulltrúum
Einstakra barna framlag viðskipta-
vina á skrifstofu Einstakra barna við
Háaleitisbraut 13, en þar er eins konar
miðstöð ýmissa hagsmunasamtaka
einstaklinga með sértæka sjúkdóma.
Upphæðin rennur til Styrktarsjóðs*
Einstakra barna.
Einstök börn er stuðningsfélag barna
og ungmenna með sjaldgæfa, jafnvel
ógreinda sjúkdóma eða skerðingar.
Félagið var stofnað árið 1997 af 15
fjölskyldum, foreldrum veikra barna.
Síðan þá hefur félagið vaxið og dafnað
enda þörfin mikil. Í félaginu eru nú um
220 fjölskyldur, en markmið félagsins
er m.a. að skapa sameiginlegan vett-
vang til að deila reynslu og vinna að
bættum hag langveikra barna.
Gjöfin rennur inn í styrktarsjóður
Einstakra barna sem styrkir félags-
menn með margvíslegum hætti. Má
þar nefna styrki vegna dvalarkostn-
aðar nærri spítala vegna sjúkrahúslegu
barna, greiðslu á hluta ferðakostnaðar
vegna læknismeðferða erlendis, þátt-
töku í útfararkostnaði, styrki til heilsu-
eflingar og fleira.
Fréttatilkynning
Girnileg ljóð
og gómsæt súpa
Þarftu á andlegri og líkamlegri næringu að halda? Komdu þá í aðalsafn Borgarbókasafns í há-
deginu á fimmtudögum frá 3. október
til og með 7. nóvember kl. 12-13 og
gæddu þér á girnilegum ljóðum og
gómsætri súpu með heimabökuðu
byggbrauði. Ljóðadagskráin er í
höndum Jakobs S. Jónssonar, leik-
stjóra, og súpugerðin í höndum
Írisar H. Norðfjörð í Kryddlegnum
hjörtum. Ljóð, súpa, heimabakað
byggbrauð, húmmus, hvítlaukssmjör
og kaffi á kr. 1.290.
Ungmenni flytja tillögur í borgarstjórn
Fulltrúar úr Reykjavíkurráði ungmenna fluttu sex mál í borgarstjórn í dag og tóku þátt
í umræðum. Þetta er í 11. sinn sem
ráðið fundar með borgarstjórn, en
markmið fundanna er að gera fólki
undir 18 ára aldri kleift að koma
skoðunum sínum á framfæri á lýð-
ræðislegum vettvangi. Slíkir fundir
hafa verið haldnir árlega frá árinu
2002 og gefið góða raun.Tillögurnar
sem fluttar voru í dag sneru að ýmsu,
s.s. að bæta lífsleiknikennslu í skólum
og þá sérstaklega kynfræðslu.
Elínrósa Birta Jónsdótttir (sjá
mynd) úr ungmennaráði Árbæjar,
Norðlingaholts og Grafarholts flutti
tillögu um aukið starf fyrir 16 ára og
eldri í félagsmiðstöðvunum og færði
fyrir því góð rök. Jessý Jónsdóttir úr
ungmennaráði Grafarvogs flutti til-
lögu um meira samræmi í aðstöðu
félagsmiðstöðvanna og Sólrún Ásta
Björnsdóttir frá ungmennaráði Ár-
bæjar, Norðlingaholts og Grafarholts
lagði til aðgerðir til að bæta bæjarbrag
í Grafarholtinu.
Elín María Árnadóttir úr ung-
mennaráði Vesturbæjar hvatti borg-
aryfirvöld til að hafa meira samráð
við ungt fólk og lýsti eftir betri upp-
lýsingum um framgang mála sem
koma frá ungmennum. Að lokum
flutti Sigurður Einar Jónsson úr
ungmennaráði Breiðholts tillögu um
breytingu á nemakortum í strætó.
Borgarfulltrúar fögnuðu öllum
tillögunum og spunnust um þær
líflegar umræður. Jón Gnarr borgar-
stjóri sagði fundinn frábært tækifæri
fyrir borgarfulltrúa og alla sem vilja
gera Reykjavík að betri borg, enda
tillögurnar allar góðar og gagnlegar.
Frétt á www.reykjavik.is
Hermann björnsson, forstjóri Sjóvár, Guðmundur björgvin Gylfason, formaður
einstakra barna, og Hörður björgvinsson, starfsmaður hjá einstökum börnum.