Fréttir - Eyjafréttir - 05.06.2008, Blaðsíða 9
Frcttir / Fimmtudagur 5. júní 2008
9
Ingi: -Hér hafa margir mætir menn skiiað sínu ævistarfi og aðrir stórum hluta hennar og söðlað svo um. Hins vegar er það svo að þeir sem hafa verið til sjós um lengri eða skemmri
tíma, eru stoltir af því og líta ætíð á sig sem sjómenn. Það sýnir hug þeirra til starfsins enda er mikil samkennd á meðal sjómanna.
Hátíðarræða Inga Sigurðssonar á sjómannadaginn:
Sjómenn eiga skilið virð-
ingu fyrir framlag sitt
-Þetta á við um stéttina í heild sinni en auðvitað er maður stoltastur af sjó-
mönnum Eyjanna í gegnum tíðina, er meðal þess sem kemur fram hjá Inga
„Sjómannadagurinn er merkur
dagur sem á sér mikla sögu, þar
sem í gegnum langan aldur hefur
þessi dagur verið Eyjunum mikil-
vægur. I dag og undanfarin misseri
hefur verið bjart yfir samfélagi
Eyjanna, þar sem einkennin hafa
verið jákvæður andi, kraftur og
bjartsýni. Mikill kraftur er á mörg-
um sviðum s.s. á fasteignamarkaði,
í nýframkvæmdum, í fyrirtækja-
rekstri og þá hvað helst í sjávar-
útvegi. Þar sjáum við þennan kraft,
bjartsýni og miklu trú á framtíð
Eyjanna hjá þeim fyrirtækjum sem
þar starfa. A það bæði við um
stóru fiskvinnslufyrirtækin, sem og
aðrar útgerðir, stórar sem srnáar,"
sagði Ingi Sigurðsson í hátíðarræðu
sinni á sjómannadaginn.
Öflug fyrirtæki og lifandi
fasteignamarkaður
Hann sagði að undanfömu hefðu
Eyjamenn reglulega orðið vitni að
ákvörðunum þessara fyrirtækja um
mikla uppbyggingu í landi sem og
kaupum á nýjum skipum og ný-
smíðum skipa, sem eru nú þegar
komin til Eyja og eru að koma á
næstu árum. „Það er bæjarfélaginu
gífurlega mikilvægt að hafa slíka
aðila í atvinnurekstri og að rekstur
þeirra gangi sem allra best, bæjar-
félaginu öllu til heilla. Það skapar
sjómönnum og fjölskyldum þeirra
stöðugar og góðar tekjur sem og að
stuðla að öflugri starfsemi annars
reksturs í bæjarfélaginu. A meðan
kreppir að fyrirtækjum og fast-
eignamarkaði á suðvesturhorni
landsins er annað uppi á teningnum
hér í Eyjum.
Fasteignamarkaðurinn er mjög
lifandi, þó hann sé ekki í hæstu
hæðum, fyrirtæki bæjarins dafna
heilt yfir vel og útgerð og vinnsla
ná að haga sínum rekstri með mikl-
um ágætum þrátt fyrir kvóta-
skerðingu. Það má því segja að
þenslan, sem gekk yfir landið og
hefur breyst í niðursveiflu, hafi hér
í Eyjum verið jafn og farsæll fram-
gangur allan þann tíma.
f þessu árferði eru það útflutn-
ingsgreinamar sem ganga best og
þar njóta Eyjarnar sín vel, enda
byggist bæjarfélagið algerlega upp
á útgerð, vinnslu og þjónustu fyrir
hafnsækna starfsemi. Það er for-
vitnilegt að bera þessa stöðu saman
við stöðu Eyjanna árið 1944, í lok
seinni heimsstyrjaldarinnar, sem
Helga Hallbergsdóttir gerði svo góð
skil í grein í Sjómannadagsblaði
árið 2007. Þar kemur fram að hlut-
deild Eyjamanna í stríðsgróðanum
var ekki mjög mikil en á sama tfma
stóð bæjarfélagið vel. Utgerð gekk
vel og sjómenn undu vel við sinn
hag sem og verkamenn og iðnaðar-
menn. Þá pöntuðu dugnaðarfork-
arnir í Eyjum sér tvo nýsköpunar-
togara þó svo að 10 árum síðar hafi
þeir horfið úr byggðarlaginu.
Staðan í dag er því um margt lík
stöðunni árið 1944 þegar útgerð
hefur nú þegar keypt og látið smíða
ný skip í flotann og önnur skip í
smíðaferli. Sömuleiðis er atvinnu-
ástand mjög gott og mikil vinna í
boði á ýmsum sviðum. f stað
stríðsgróðans 1944 sjáum við í dag
skjótan fasteignagróða á höfuð-
borgarsvæðinu og þar í kring sem
og virkjanaframkvæmdir á Austur-
landi. Bjartsýni þeirra sem byggja
Eyjamar er enn jafnáberandi nú
sem og fyrir rúmum 60 árum.
Byggt á starfi sjómanna
Sú stétt sem á stóran þátt í því að
gera Eyjamar að þessu myndarlega
samfélagi sem það er í dag og hefur
verið í gegnum áratugina, eru sjó-
menn. Sjómenn hafa í gegnum
tíðina fært miklar fómir til að draga
björg í bú og skapa sér og sínum
fjölskyldum trausta framfærslu.
Þeirra vinna gerir það að verkum
að vinna skapast fyrir aðra bæjar-
búa hvort sem er í vinnslu eða
öðrum störfum í verslun og þjón-
ustu. Lengi vel var sjómannslífið á
þá vegu að fast var sótt og lítið um
að sjómenn tækju sér frí. Þannig
var tíðarandinn og þá færðu sjó-
menn fómir sem tengdust sam-
vistum við fjölskyldur sínar.
Það þekki ég af eigin reynslu og
veit að svo var einnig á öðmm
sjómannsheimilum. Uppeldi bama
og rekstur heimilisins var á herðum
eiginkvenna þeirra og annað ekki í
boði. Hins vegar hefur orðið veru-
leg breyting á þessu hin síðari ár
vegna ýmissa breytinga. Þær eru
þá helstar upptaka á feðraorlofi,
fleiri sjómenn hjá útgerðum á
grunni fríakerfis og breytt sjósókn.
Allt eru þetta jákvæðar breytingar
sem gera sjómönnum mögulegt að
eiga meira fjölskyldulíf og hafa
meiri möguleika á að nýta sér þjón-
ustu samfélagsins. Þetta skynjar
maður á fjölda sjómanna hér í
Eyjum sem í dag ná að sameina
vinnu og fjölskyldulíf betur en
áður.
Stoltastur af Eyja-
sjómönnum
Sjómenn hafa alltaf verið jaxlar í
mínum huga og stétt sem á skilið
virðingu fyrir þeirra framlag til
þjóðarinnar. Þetta á við um stéttina
í heild sinni en auðvitað er maður
stoltastur af sjómönnum Eyjanna í
gegnum tíðina. Hér hafa margir
mætir menn skilað sfnu ævistarfi og
aðrir stórum hluta hennar og söðlað
svo um. Hins vegar er það svo að
þeir sem hafa verið til sjós um
lengri eða skemmri tíma, eru stoltir
af því og líta ætíð á sig sem sjó-
menn. Það sýnir hug þeirra til
starfsins enda er mikil samkennd á
meðal sjómanna.
Það er eðlilegt og þarf að vera til
staðar þegar menn eru í löngum
útiverum og allir þurfa að vinna
sem ein hönd. Það má líkja áhöfn
við knattspyrnulið þar sem skip-
stjórinn er þjálfarinn og hann býr
mannskapinn undir átökin og setur
Iínurnar.
Hins vegar eru það svo leikmenn-
imir, þ.e. sjómennimir, sem koma
sínum sjónarmiðum á framfæri um
það sem má betur fara, en á endan-
um er það alltaf skipstjórinn sem
tekur hina endanlegu ákvörðun.
Það er því mikilvægt að byggja upp
trausta liðsheild þar sem traust er
ríkjandi á milli áhafnarmeðlima og
þannig næst sem besti árangur
öllum til heilla. Því er það svo í
Eyjum að til staðar eru margar
öflugar liðsheildir sem draga aflann
í land og skapa verðmætin sem
skipta Vestmannaeyjar máli sem og
þjóðarbúið. Hins vegar er það svo
og hefur verið lengi að stór hluti
þeirra sem búa á suðvesturhorninu
vita ekki hvaðan grunntekjur þjóð-
arbúsins koma. Þeir telja að 101
Reykjavík sé uppspretta alls þess
sem við lifum á en reyndin er sú að
landsbyggðin, og þar á meðal
Vestmannaeyjar, eru að skila árlega
tekjum til þjóðarbúsins sem skipta
verulegu máli.
Þarf að skapa sjómönnum
gott umhverfi
Það er því mikilvægt að standa
vörð um hagsmuni sjómannastéttar-
innar til að áfram verði eftirsóknar-
vert að fara til sjós og færa björg í
bú. Það þarf að skapa sjómönnum
það umhverfi sem þeir eiga skilið
ntiðað við hvers eðlis þeirra starf
er. Það tel ég vera gert myndarlega
hér í Eyjum af útgerðum þeim er
hér starfa. Þá komum við aftur að
því að það er mögulegt þegar út-
gerðirnar eru með rekstur sem
skilar góðri afkomu. Þá græða ekki
bara útgerðirnar heldur allir aðrir
og þá ekki síst bæjaryfirvöld.
Ekki bara í útsvarstekjum heldur
einnig í mannauði og betri mögu-
leikum á að fjölga íbúum. Það sem
af er þessu ári, eru öll teikn á lofti
umað þetta sé að gerast og að nú
sjáum við íbúafjölda Vestmanna-
eyja fara vaxandi með hverju árinu.
Áhersla á öfluga útgerð
í gegnum tíðina hefur mikið verið
rætt um nýsköpun og Eyjarnar
eðlilega verið þátttakandi í þeirri
umræðu. Að mínu áliti er mun
erfiðara að fá hingað nýjan iðnað
með fjölda atvinnutækifæra en til
annarra staða, og því tel ég að
höfuðáhersla bæjaryfirvalda og
fyrirtækja sé að viðhalda öflugri
útgerð. Á þann hátt náum við
frekar að koma af stað starfsemi
sem nýtist samfélaginu í auknum
atvinnutækifærum.
Einn liður í því er stofnun Þekk-
ingarseturs Vestmannaeyja sem
margir aðilar í sjávarútvegi komu
að sem stofnaðilar. Þar er upp-
setning sjávarrannsóknamiðstöðvar
mikilvægasta verkefnið og vonir
eru bundnar við að sú starfsemi
hefjist á árinu 2009 eða 2010.
Sú starfsemi á vel heima hér í
Eyjum í nálægð við fengsæl fiski-
mið og samstarf við öflug fyrirtæki
í sjávarútvegi. Þar tel ég að sú
vinna muni hjálpa fræðimönnum
og sjómönnuin að treysta þær for-
sendur sem liggja til grundvallar
kvótaúthlutun hverju sinni. Þá í
framtíðinni eykst möguleikinn á að
búa við stöðugri kvóta í öllum
tegundum yfir lengra tímabil, öllum
til hagsbóta og fleiri störf í boði.
Nýjar lausnir í samgöngu-
málum
Önnur mikilvæg mál eru sam-
göngumálin sem skipta alla Vest-
mannaeyinga gríðarmiklu máli.
Nýjar lausnir þar sem og ný stór-
skipahöfn innan fárra ára munu
færa Eyjunum fleiri tækifæri en eru
í dag. Það er mikilvægt að sam-
göngubót sú, sem ríkisstjórn lands-
ins hefur boðað, verði að veruleika
á árinu 2010. Ferjusiglingar í
Bakkafjöru og stórskipahöfn hér í
Eyjum munu efla samfélagið á
marga vegu og gefa þvf enn betri
tækifæri til vaxtar og stöðugleika til
framtíðar.
Það skiptir ekki hvað síst máli
fyrir útgerðir og sjómenn þar sem
opnast möguleikar fyrir útflutning á
erlenda markaði, á skemmri tíma
en nú er. Þar mun Suðurstrandar-
vegur hafa mikið að segja í því að
tryggja enn betri tengingu á milli
Landeyjahafnar og Keflavikur-
flugvallar. Stórskipahöfn mun á
sama hátt tryggja komur stækkandi
flutningaskipa og skemmtiferða-
skipa. Það er því bjart yfir Vest-
mannaeyjum og framtíð sam-
félagsins og þar er sjávarútvegurinn
grunnurinn að þeirri framtíð.
Ég óska sjómönnum og fjöl-
skyldum þeirra til hamingju með
daginn og megi ykkur farnast vel í
framtíðinni. Megi góður Guð halda
verndarhendi yfir útgerð í Eyjum
og þeim er sækja sjóinn,“ sagði
Ingi að lokum.